سەرلەبەیانی ئەمڕۆ چوارشەممە ٦ی٣ی٢٠٢٤، بەئامادەبوونی بەڕێز پڕۆفیسۆر د.مهاباد کامل عبداللە سەرۆکی زانکۆی هەڵەبجەو ژمارەیەک لە ڕاگرو سەرۆک بەش و بەڕێوەبەری بەڕێوەبەرایەتیەکانی زانکۆو ڕۆشنبیران، هۆڵی (پاڵەوانانی کۆلێج)ی کۆلێجی پەروەردەی جەستەیی و زانستەو زانستەوەرزشیەکان کرایەوە. لەدوای ساتێک وەستان بۆ گیانی پاکی شەهیدان، بەڕێز د.ئاکۆ ئیبراهیم فقی ڕاگری کۆلێجی پەروەردەی جەستەیی و زانستە وەرزشیەکان لەوتەیەکدا سوپاسی سەرۆکی زانکۆی کرد کە هاوکارو یارمەتیدەربووە لە کردنەوەی هۆڵەکەدا، ئاماژەی بە چالاکیە ناوخۆیی و نێودەوڵەتیەکانی کۆلێج کرد، باسی لەوەکرد کۆلێج خاوەنی چەندین پاڵەوانی نێو دەوڵەتی و ناوخۆییەو بەوهۆیەوە ئەو هۆڵەش ناونراوە (هۆڵی پاڵەوانانی کۆلێج). پاشان لەڕێگەی داتاشۆوە بەشێک لە کارو چالاکیەکانی کۆلێج نمایشکرا. دواتر م.باوەڕ محمد، هەنگاوەکانی بەرەوپێشچونی زانکۆو و بەتایبەت کۆلێجی پەرەوەردەی جەستەیی و زانستە وەرزشیەکانی خستەڕوو. لەکۆتایی مەڕاسیمەکەدا بەڕێز سەرۆکی زانکۆ ڕێزلێنانی بەخشی بە دەستەی بەشی پەروەردەی وەرزش، بەبۆنەی بەدەستهێنانی پلەی چوارەم لە پڕۆژەی دووەمی ئۆفیسی ڕیزبەندیە نێودەوڵەتیەکان لەسەر ئاستی بەشە زانستیەکانی زانکۆمان.