ئەمڕۆ سێشەممە ٢٠٢٣/١٢/١٢ بە ئامادەبوونی بەڕێز پرۆفیسۆر د.مهاباد کامل عبداللە سەرۆكی زانكۆی هەڵەبجە، بەڕێوەبەری نوێی کتێبخانەی ناوەندی زانکۆی هەڵەبجە دەستبەکاربوو.
لە ڕێورەسمەکەدا بەڕێز د.شوان نووری عبداللە ڕاگری کۆلێجی زانستەمرۆڤایەتییەکان ئامادەی بوو، بەڕێز ژینۆ نزار ئەحمەد وەک بەڕێوەبەری نوێی بەڕێوەبەرایەتی کتێبخانەی ناوەندی زانکۆ دەستبەکاربوو.
سەرۆكی زانكۆی هەڵەبجە دەستخۆشی لە د. شوان نووری عبداللە کرد، كە لە ماوەی چەند ساڵی رابردودا وەک بەڕێوەبەری پێشووی کتێبخانە بە لە خۆبردوییەوە كارەكانی بە سەركەوتوویی ئەنجامداوە، هەروەها پیرۆزبایی لە بەڕێز ژینۆ نزار ئەحمەد كرد بۆ دەستبەكاربوونی لە پۆستی بەڕێوەبەری نوێی کتێبخانەی ناوەندی زانکۆ و هیوای سەركەوتنی بۆ خواستن لە كارەكانیاندا.