شاندێكی زانكۆی هەڵەبجە لە كۆلێجی پەروەردەی بنەڕەت کە پێکهاتبوون لە بەڕێزان د. هۆشمەن عطا محمود و د. نیاز محمد فتاح و م.ى لاوکۆ امیر محمد عزیز و م.ى ڕێناس وەلى مصطفى بەشداریان لە زنجیرەیەک چالاكیی پڕۆژەی تیچەرز مود کە بریتیبوون لە سەردانى مەیدانى و ۆرکشۆپ و ڕاهێنان لە دوو زانکۆى ئەوروپى کرد. چالاکى یەکەم سەردانێکى مەیدانى و ۆرکشۆپێکى لەخۆ گرتبوو لە زانکۆى ئاڵتۆ دۆرۆ لە ووڵاتى پرتوگال لە ڕۆژانی 13- ١٤/١١/٢٠٢٣ تایبەتبوو بە ( ڕێبازەكانی فێرکردن و فێربوونی چالاک: کەیسی ڕێبازەكانی وانەوتنەوە و فێربوون لەسەر بنەمای پڕۆژە و پۆلی هەڵگەراوە)
Active Teaching and Learning Methodologies: The Case of Project- Based
Learning Methodology and the Flipped Classroom
سەباری ۆركشۆپ و دیبەتیتە تیۆرییەكان، بەشداربوانی زانكۆ كوردستانیەكان سەردانی مەیدانی قوتابخانەیەكی نمونەییان كرد لە شاری ڤێلا ڕیاڵ، لەوێدا هۆڵێكی تایبەت بە زانستی وانەوتنەوەی كرداریی سەردەمیانە ئامادەكرابوو بە ناوی (پۆلی سەدەی بیست و یەكەم)، كە ئەزمونێكی نوێیە لە قۆناغی سەرەتادایە و دەكرێت لە كوردستانیش سودی لێوەربگێرێت لە قوتابخانە بنەڕەتییەكان.
ئیڤێنتى دووەم کە دوو ڕۆژى خایاند بریتى بوو لە سەردانێکى مەیدانى و خولێکى ڕاهێنان لە ڕۆژانی 16 – 17/١١/٢٠٢٣تیایدا شاندەكە سەردانی زانكۆی گرانادایان كرد لە وڵاتی ئیسپانیا لە پڕۆگرامیكی چڕوپڕدا کە بەناونیشانی ( كارامەییە نەرمەكان و بەڕیوەبردنی كەیسی خاوەن پێداویستی تایبەتەكان لە خوێندنی باڵادا )
Soft Skills and Special Needs Management in Higher Education
گفتوگۆی هەندێك بابەت كرا. پاش تەواو بوونی هەردوو چالاكیەكە گفتۆگۆی هەمەلایەنە دەربارەی بەراوردكاری ئەو پرسانە لە زانكۆكانی هەرێمی كوردستان و زانكۆی میوان كرا، لەوبارەوە چەندین هەل و دەرفەت ڕەخسێنران بۆ كاركردنی هەمەلایەنە لە قۆناغەكانی ئایندەدا.