خوێندکارێکی کۆلێجی پەروەردەی جەستەیی و زانستەوەرزشیەکانی زانکۆی هەڵەبجە سەرکەوتنێکی گەورە و گرنگی لەتیمی کاراتی هەڵبژاردەی عێراق لە پاڵەوانیەتی ئۆڵۆمپیادی کاراتی ئاسیا بەدەستهێنا.
خوێندکار(یوسف سەلام) و هەرد وو یاریزانی هاوڕێی لە تیمی هەڵبژاردەی کاراتی عێراق توانیان پلەی (سێیەم) و خەڵاتی برۆنز، لە ئۆڵۆمپیادی کاراتی ئاسیا بەدەستبهێنن؛ بۆیەکەمجارە لەهەرێمی کوردستان خوێندکارێک بتوانێت ئەو خەڵاتە بەدەستبهێنێت.
سەرۆکایەتی زانکۆی هەڵەبجەو کۆلێجی پەروەردەی جەستەیی و زانستە وەرزشیەکان پیرۆزبایی ئاڕاستەی خوێندکاری ناوبراودەکات و هیوای سەرکەووتن و بەردەوامی زیاتری بۆ دەخوازن.

زانکۆی هەڵەبجە، سێ مامۆستای بەشی زمانی ئینگلیزی توێژینەوەیەک لە گۆڤارێکی ئاست بەرزی (سکۆپەس) بڵاو دەکەنەوە

سێ مامۆستای زانکۆی هەڵەبجە (پ.ی. م. عمر فواد غفور، م.هیدایەت محمد احمد، م.گۆران عمر مصطفی) لە بەشی زمانی ئینگلیزی، کۆلێژی پەروەردەی بنەڕەت توێژینەوەیەکی هاوبەش بە ناونیشانی “Abraham Maslow’s Hierarchical Needs in No Friend but the Mountains: Writing from Manus Prison by Behrouz Boochani” لە گۆڤاری (Studies in English Language and Education (SiELE)) بڵاودەکەنەوە.
گۆڤاری (SiELE) گۆڤارێکی ئاست بەرزە لە لیستی (Scopus) کە لە ئاستی (Q1)دایە بە سایتسکۆری (1.7). گۆڤارەکە لە داهاتوویەکی نزیکدا دەچێتە لیستی گۆڤارەکانی (Web of Science)ەوە.
توێژینەوەکە هەوڵێکە بۆ خوێندنەوەی ڕۆمانی (No Friend but the Mountains)ی نوسەری کورد (بەهروز بوچانی) لە ڕێگەی بەکارهێنانی تیۆریای هەڕەمی پێویستیەکانی (ئەبراهام ماسلۆ)وە.

بۆ بینینی توێژینەوەکە کلیک لەم بەستەرە بکەن
https://shorturl.at/mvxI8

ڕۆژی چوارشەم ٤ی١٠ی٢٠٢٣، ستافێکی زانکۆی هەڵەبجە بەسەرۆکایەتی سەرۆکی زانکۆ بەڕێز(پ.د.مهاباد کامل عەبدوڵا)، بەشداریانکرد لە یەکەم دیداری نیشتمانیی بۆ سەرۆک مام جەلال
دیدارەکە لەلایەن دامەزراوەی سەرۆک جەلال تاڵەبانی و دامەزراوەی (بەحرلعلوم) لە شاری نەجەف ڕێکخرابوو، د.لوقمان حکیم، مامۆستا لە بەشی یاسای زانکۆی هەڵەبجە توێژینەوەیەکی پێشکەشکرد.
دیدار بەئامادەبونی هەریەک لە سەرۆک کۆماری عێراق و جێگری سەرۆکی حکومەتی هەرێم و سەرۆکی دامەزراوەی سەرۆک جەلال تاڵەبانی و ژمارەیەکی بەرچاو لە مامۆستایانی زانکۆو توێژەران و کەسایەتی سیاسی و ڕۆشنبیر بەڕێوەچوو.
لەم دیدارەدا چەندین بابەت و تەوەری جیاواز پێشکەشکرا، وەک پیشاندانی فیلمی دیکۆمێنتاری دەربارەی ژیاننامەی سەرۆک مام جەلال و، سێ تەوەری سەرەکی، تەوەری یەکەم بەناونیشانی(سەرۆک جەلال تاڵەبانی لەچاوی هاوڕێیان و هەڤاڵانیدا) کە ١٠کەسایەتی و مامۆستای زانکۆ بابەتیان پێشکەشکرد. تەوەری دووەم (پێودانگە سیاسیەکانی سەرۆک تاڵەبانی و فەلسەفەی لە بەڕێوەبردنی دەوڵەتدا) حەوت مامۆستاو کەسایەتی بابەتیان پێشکەشکرد. تەوەری سێیەم و کۆتایی دیدار بەناونیشانی (بایەخە ئەدەبیەکانی سەرۆک تاڵەبانی و پەیوەندیە ڕۆژنامەگەری و میدیاییەکانی) پێنج مامۆستاو کەسایەتی قسەیان دەربارەی کرد.
ئەم دیدارە لە چوارچێوەی شەشەمین ساڵیادی کۆچیی دوایی سەرۆک مام جەلال دا لە نەجەف بەڕێوەچوو.

زانکۆی هەڵەبجەو ڕێکخراوی VGNی هۆڵەندی، لە وۆرکشۆپێکدا پلانی پەرەپێدانی پارێزگای هەڵەبجە دەخەنەڕوو لە هۆڵی کتێبخانەی ناوەندی زانکۆی هەڵەبجە، بەئامادەبونی سەرۆکی زانکۆی هەڵەبجە بەڕێز(پ.د.مهاباد کامل عەبدوڵا)و یاریدەدەری سەرۆکی زانکۆ بۆ کاروباری کارگێڕی و دارایی و ژمارەیەک لەسەرۆک بەش و مامۆستایانی زانکۆ، ڕێكخراوی VNG International هۆڵەندی لە قۆناغی یەكەمی پڕۆژەی دانانی پلانی پەرەپێدانی شاری هەڵەبجە (CDS) وۆركشۆپێكی لەگەڵ ستافی ئەكادیمی زانكۆی هەڵەبجە ئەنجامدا. وۆرکشۆپەکە ڕۆژی ٢ی٣ی٢٠٢٣ بەئامانجی دەوڵەمەندكردنی ئەو هەڵەسەنگاندنەی كە ڕێكخراوەكە لە سێ مانگی ڕابردوودا بۆ بوارە جۆراوجۆرەكانی ئەنجامیدا بوو بە هاوكاری پارێزگای هەڵەبجە و سەرجەم دامودەزگا ئیداریەكان و ڕێكخراوە لۆكاڵی و نێودەوڵەتیەكان و سەرمایەداران. تیایدا بەشداربووان بە تێبینی و سەرنجەكانیان لەسەر SWOT Analysis خستەڕوو. خاڵی بەهێز و لاواز و گرفت و دەرفەتەكان لەسەر زۆربەی بوارەكان لەماوەی دوو كاتژمێردا بە وردی باسكران. ئەم پرۆژەیە لەسەر پێشنیازی پارێزگای هەڵەبجە و ڕاسپاردەی وەزارەتی پلاندانانی حكومەتی هەرێم بەڕێوەدەچێت كە تیایدا توێژەری لۆكاڵی VNG International لە شاری هەڵەبجە (كارزان عەدنان) سەرپەرشتی دەكات و توێژەرانی نێودەوڵەتی ڕێكخراوەكەش لە نەمسا و پورتوگال هەڵسەنگاندن بۆ داتا و دۆكیۆمێنتەكان ئەنجام ئەدەن و شیكاریان دەكەن. CDS جگە لەكاری هەڵسەنگاندنی بارودۆخی شارەكە دەیەوێت بەبەكارهێنانی دەرفەت و خاڵە بەهێزەكان دیدگایەكی گشتگیر دابنێت. تا بگات بە بارودۆخی خوازراو و شارەكە لە بباتە قۆناغی ڕكابەری.

 زانکۆی هەڵەبجە لەڕێگەی پلاتفۆرمێکی نوێوە نامەکانی بەکالۆریۆس و ماستەر و دکتۆرا، لەسەر وێبسایتێکی تایبەت تۆماردەکات و خوێنەران و خوێندکاران و توێژەران دەتوانن سوودمەندبن لێی.
پلاتفۆرمەکە بۆیەکەمینجارە لەلایەن زانکۆی هەڵەبجەوە دەکەوێتەکارو یەکێکە لە دەستکەوتە زانستی و ئەکادیمیەکانی زانکۆ ، لەسەر ڕاسپاردەی بەرێز (پرۆفیسۆر د.مهاباد کامل عبداللە) سەرۆکی زانکۆو  لەلایەن بەڕێوەبەری ئامارو تەکنەلۆجیای زانیاری زانکۆی هەڵەبجە، ئەندازیار(بەرزان طاهر) دروستکراوە، ناوبراو دەربارەی پڕۆژەکە ڕایگەیاند: ئەم پلاتفۆرمە بریتییە لە داتا سەنتەرێك کە هەموو زانیاریەکی تەواو لەسەر نامەکان لەخۆدەگرێت وەک: ناونیشانی نامە، ناوی خوێندکار، ناوی سەرپەرشتیار ، ناوی کۆلێج و بەش و ساڵی نوسینی نامەکە، هەروەها نامەکە بەشێوەی فایلی پی دی ئێف ئەپلۆد دەکرێت.
خوێندکارانی زانکۆو خوێندکارانی ماستەرو دکتۆرا  دەتوانن سوود لەم پلاتفۆرمە وەربگرن بۆ نوسینی نامەی توێژینەوەکانیان. ڕوونیشیکردەوە ئەم پلاتفۆرمە بە نوێترین زمانی وێب پرۆگرامین پەرەی پێدراوە. وتیشی داواکارم خوێندکارانی ماستەرو دکتۆرای زانکۆی هەڵەبجە نامەکانیان بەشێوەی پی دی ئێف بنێرن بۆ ئەم ئیمەیڵ ئەدرەسانە بۆ ئەوەی لەسەر پلاتفۆرمەکە بڵاوبکرێنەوە

[email protected]
[email protected]

لینکی پلاتفۆرم :  thesis.uoh.edu.iq

دوو مامۆستای بەشی ئەندازیاری شارستانی زانکۆی هەڵەبجە، بەشداربوون لەوۆرکشۆپی (نوێکردنەوەو پێداچوونەوەی کۆدی زەمین لەرزەی عێراقی)کەلەلایەن وەزارەتی ئاوەدان کردنەوەو نیشتەجێبوونی حکومەتی هەرێم لەشاری هەولێر ڕێکخرابوو، بەئامادەبوونی لیژنەی ئامادەکردنی کۆدی بومەلەرزەی عێراقی کەلەبەغدادەوەهاتبون.

هەریەک لەبەڕێزان (د.هۆگر کریم، م.ڕابەر حمەامین) بەشداربوون لەوۆرکشۆپەکەدا، کە بە ئامادەبوونی مامۆستایانی کۆلێجە ئەندازیاریەکانی زانکۆکانی کوردستان ڕۆژی شەممە ١-١٠-٢٠٢٣ بەڕێوەچوو.

لەوۆرکشۆپەدا گفتوگۆیەکی چڕ کرا لەسەر چۆنیەتی نوێکردنەوەی کۆدی عێراقی، بە شێوەیەک کە ڕەنگدانەوەی ئەو چالاکیە بومەلەرزانە بێت کە لە ئێستادا لە هەرێمی کوردستان و عێراقدا ڕوودەدەن .

received_690881949760898

زانکۆی هەڵەبجە، فەرمانی زانکۆیی بۆ وەرگیراوانی وەجبەی دووەمی خوێندنی باڵا/ماستەر دەرکرد

بەپێی نوسراوی ژمارە: ٣٦٩٩/٢٤/٥ لەڕێکەوتی ١-١٠-٢٠٢٣، لەلایەن بەڕێوەبەرایەتی کاروباری زانستی و خوێندنی باڵای زانکۆی هەڵەبجەوە دەرچوە، تێداهاتوە:
پاڵپشت بەڕێنمایی ژمارە(٩)ی ساڵی٢٠٢٣، ڕێنمایی هەمواری چوارەمی، ڕێنمایی ژمارە(٣)ی ساڵی(٢٠٢٢)ی خوێندنی باڵا/دبلۆمی باڵاو ماستەرو دکتۆرا لەزانکۆ حکومیەکانی هەرێمی کوردستان. پاڵپشت بە(بڕگەی یەکەم/تەوەری کاروباری زانستی و خوێندنی باڵا خاڵی- ١)لەکۆنوسی کۆبونەوەی ئەنجومەنی زانکۆ ژمارە(٢) کەلەڕێکەوتی  ٢٠-٩-٢٠٢٤ سازدرابوو تایبەت بەجێبەجێکردنی سەرجەم مادەکانی ڕێنمایی ژمارە(٩)ی ساڵی ٢٠٢٣ و زیادکردن و تەرخانکردنی کورسی بۆ ئەوپێشکەشکارانەی خوێندنی باڵا/ماستەر کەمادەکانی ڕێنماییەکە دەیانگرێتەوە. بریاردرا بە وەرگرتنی ئەو پێشکەشکارانەی خوێندنی باڵا/ ماستەر کە ڕێنمایی ژمارە (٩)ى ساڵی (٢٠٢٣) دەیانگرێتەوە. و سەرجەم وەرگیراوان لەم ڕاوندەدا بۆساڵی خوێندنی (٢٠٢٣-٢٠٢٤)دەست بە خوێندن دەکەن و پێویستە وەرگیراوانی پارالێڵ بەڵێننامەی یاسایی پێشکەش بکەن کە ئامادەن لەسەر کورسی پارالێڵ وەربگیرێن.

بۆ بینینی فەرمانی زانکۆیی وەرگیراوان کلیک لێرە بکەن.

ژمارە بیست و سێ (وەشانی ٣ی بەرگی ٨ی سالی ٢٠٢٣) گۆڤاری زانکۆی هەڵەبجە بڵاوکرایەوە. ئەم ژمارەیە ١٥ توێژینەوەی جیاوازی بە زمانەکانی کوردی و ئینگلیزی و فارسی لەخۆدەگرێت، کە پێکهاتووە لە بابەتەکانی زمان، ئەدب، هونەری، کۆمەڵایەتی، مێژووی، جوگرافی و دەروونزانی.

گۆڤاری زانکۆی هەڵەبجە یەكێكە لەگۆڤارە زانستییە ئەكادیمییەكان و لەلایەن وەزارەتی خوێندنی باڵاو توێژینەوەی زانستیەوە مۆڵەتی پێدراوە. هەروەها گۆڤارەكە لەچەندین دامەزراوەی زانستی نوانە كراوە، لەهەمان كاتدا خاوەنی (DOI) و (ISSN)ی تایبەتی خۆیەتی.

بۆ بینینی سەرجەم توێژینەوەکانی ئەم ژمارەیە کلیك لێرە بکەن

مامۆستا باوەڕ محمد فرج لە بەشی زانستی کۆمپیوتەر، و دوو خوێندکاری بەشی فیزیایی سەر بە کۆلێجی زانستی زانکۆی هەڵەبجە بەناوەکانی (شنیار کەریم رحمان و دێنی عدنان محمد) توێژینەوەیەک بە ناونیشانی (Efficient Finite Difference Approaches for Solving Initial Boundary Value Problems in Helmholtz Partial Differential Equations) لە گۆڤاری نیودەوڵەتی (Contemporary Mathematics )  بڵاودەکەنەوە. شایەنی ئاماژەپێکردنە گۆڤارەکە لە سکۆپەسScopus  تۆمارکراوە و خاوەنی  (Cite Score: 0.7)، هەروەها لە Web of Science  نوانەکراوە و لەم ساڵدا بووەتە خاوەنی فاکتەری کاریگەری (ئیمپاکت فاکتەری 0.4) وەرگرتووە. 

لە توێژینەوەکەدا ڕێگەیەکی شیکاری ژمارەیی پێشکەشکراوە بۆ شیکارکردنی هاوکێشەکانی جۆری هێلمهۆڵتز. شایەنی باسە ئەم توێژینەوە بەشێک بووە لە توێژینەوەی دەرچوونی قۆناخی چوارەمی خوێندکاران (شنیار کەریم و دێنی عدنان) و بە سەرپەرشتی (م. باوەڕ محمد) و بە هاوکاری دوو توێژەری دیکە ئەنجامدراوە.

بۆ بینینی تەواوی توێژینەوەکە کلیك لێرە بکەن

پرۆژه‌ نێودەوڵەتیـیەکان

 ١- پرۆژەی تایگریس:

پرۆژەیەکـی هاوبەشـی یەکێتـی ئەوروپابـوو لـە چوارچێـوەی پرۆگرامـی ئیراسـمەس پڵـەس کـە مـاوەی سـێ سـاڵی خایانـد لـە ٢٠١٧ – ٢٠٢٠ کـە تیایـدا ١٠ دامـەزراوەو زانکـۆی حکومـی کوردسـتان لەگـەڵ ٤ زانکـۆی ئەوروپـی بەشـداربوون کـە لە نێوانیانـدا زانکـۆی جـۆرج ئۆگەسـتی ئەڵمانیـا ڕێکخـەری سـەرەکی پڕۆژەکـە بـوو.

 ئامانـج لـەم پرۆژەیـە، بـە نێودەوڵەتـی کردنـی دامەزراوەکانـی خویندنـی باڵا بـوو. لـە زانکـۆی هەڵەبجـەش، وەک یەکێــک لــە بەشــداربووانی پرۆژەکــە، لــە مــاوەی ئــەو ســێ ســاڵەدا ١٣ کــەس بەشــداری چالاکــی و خولەکانــی ئــەم پرۆژەیـان کـردووە لـە ناوخـۆو دەرەوەی کوردسـتان.

 لـە کۆتایـی پرۆژەکـەدا، هـەر زانکۆیەکـی بەشـداربوو، ستـراتیژی بـە نێودەوڵەتــی کردنــی زانکــۆی و ئەکشــن پــان و کواڵیتــی پالنــی نووســییەوە، لەلایــەن پســپۆڕانی پرۆژەکــەوە لــە ئەوروپــا چەندیـن جـار پێداچوونـەوەی بـۆ کـراو سـەرەنجام پەسـەند کـرا. سـەرەڕای ئەوانـەش لەلایـەن پرۆژەکـەوە، چەندیـن ئامێـری ئەلیکرتۆنـی کـە دیارترینیـان سـێرڤەرەێکە بـۆ زانکـۆ دابیـن کـراوه.

 ٢- پرۆژەی ئەپڕەیز:

 پرۆژەیەکـی هاوبەشـی یەکێتـی ئەوروپایـە لـە چوارچێـوەی پرۆگرامـی ئیراسـمەس پڵەس بـۆ بنیاتنانـی تواناکان لــە خوێندنــی بــاڵادا کــە مــاوەی ســێ ســاڵ دەخایەنێــت لــە ٢٠٢١ –٢٠٢٤ کــە تێیــدا ٨ زانکــۆی حکومــی کوردســتان و وەزارەتــی خوێندنــی بــاڵاو لەگــەڵ ٤ زانکــۆی ئەوروپــی بەشــدارن و ڕێکخــەر و بەڕێوەبــەری سـەرەکی پڕۆژەکـە یەکێتـی زانکۆکانـی ناوچـەی دەریـای ناوەڕاسـتە کـە بـە یونیمێـد(UNIMED )نـاسراوە. ئامانجـی سـەرەکی پڕۆژەکـە لـە چـوار ڕەهەنـدا خـۆی دەبینێتـەوە کـە بریتیـن لـە پەرەپێدانـی بەڕێوەبـردن، باشتـرکردنی توانـاکان لـە میکانیزمـی دڵنیایـی جۆریـدا، هاریـکاری زیاتـری وەگەرخسـتنی پێـواژۆی بۆڵۆنیـا و ئامادەیـی بـۆ چاکسـازی لـە زانکـۆدا.

لـەو ماوەیـەی کـە تیپەڕیـوە لـە سـەرەتای دەسـپێکی پڕۆژەکـەوە ، چەندیـن ئیڤێنـت و چالاکـی و خـول ئەنجـام دراون بـۆ مەبەسـتی بـە ئەنجـام گەیاندنـی ئامانجەکانـی پڕۆژەکـە.

کارو چالاکیەکانی سەنتەری گەشەپێدان بۆ کار

سـەنتەری گەشـەپێدان بـۆ کار لـە زانکـۆی هەڵەبجـە، لـە مـاوەی ٣ سـاڵی ڕابـردوودا هەسـتاوە بـە ئەنجامدانـی چەندیـن چالاکـی بـۆ خوێندکارانـی بەشـە جیاوازەکانـی زانکـۆ، چ بـە شـێوەی ئۆنلایـن لـە کاتـی ڕێکارەکانـی خۆپاراستـن لـە ڤایرۆسـی کرۆنـا لـە رێگـەی وێبینـار، چ بە ئەنجامدانـی چالاکیـەکان لـە کەمپـی زانکـۆدا.

 لـە گرنگرتیـن ئـەو چالاکیانـە، کردنـەوەی خولـە بـۆ فیربوونـی زمانەکانـی ئینگلیـزی و فارسـی و عەرەبـی، کردنـەوەی خولـی کۆمیپوتـەر بـۆ سـیستمی وەگەرخـەڕی وینـدۆز و بەرنامەکانــی ئــەدۆب فۆتۆشــۆب و ماتــلاب و نوســینی ئیمەیڵــی فەرمــی و ئامادەکردنــی ســی ڤــی ئەکادیمــی، خولــی پەرەپێدانـی توانـاکان، هەروەهـا چۆنیەتـی پرکردنـەوەی فۆڕمـی کار لـە کۆمپانیـا ناوخۆیـی و جیهانیەکانـدا کـە مەبەسـتی سـەرەکیە بـۆ دۆزینـەوەی هەلـی کار بـۆ خوێندکارانـی زانکۆمـان لـە کەرتـی تایبەتـدا.

جێـی ئاماژەپێکردنـە کـە خوێندکارانـی زانکـۆ چەندیـن جـار سـودمەندبوون لـە کاروچالاکیەکانـی ئـەم سـەنتەرە، لـە نوێرتینیانـدا ١٥ خوێنـدکاری زانکۆمـان وەرگیـران لـە کۆمپانیـای ئاسیاسـێل بـۆ ڕاهێنانـی پیشـەیی. یەکێـک لـەو ڕێکخـراوە ناسراوانـەی کـە سـەنتەری گەشـەپێدان بـۆ کار به هاوبەشـی چالاکـی لەگـەڵ ئەنجـام داوە، رێکخراوی ئایرێکــس IREXی ئەمریکیــە، لــە گرنگرتیــن ئــەو چالاکیانــەش ئەنجامدانــی خولێکــە بــە نــاوی Internship-Microە بــۆ خوێندکارانـی زانکـۆی هەڵەبجـە کـە تێیـدا ژمارەیەکـی زۆر خوێنـدکار سـودمەندبوون.

کار و چالاکیە نێودەوڵەتیەکانی زانکۆ بە ژمارە

لــەم خشــتەدا كارو چالاكییەكانــی زانكــۆی هەڵەبجــە لــەڕووی واژووكردنــی یاداشــت و ئەنجامدانــی پــرۆژەی نێودەوڵەتــی ناوخۆیـی خراوەتـەڕوو، كـە بەپێـی خشـتەكە، لەمـاوەی چـوار سـاڵدا 12 یاداشـت واژووكـراوە، كـە 5 ناوخۆیـی بـوون و 7ی تریشــیان نێودەوڵەتــی بــوون، هەروەهــا دوو پــرۆژەی نێودەوڵەتــی و دوو پــرۆژەی ناوخۆیــی ئەنجامــدراوە.

prozha2

لـەم خشتەیەشـدا وردەكاری یاداشـت و لێکتێگەشـتنەکانی زانکـۆ لەگـەڵ زانکـۆ و ناوەنـدە ئەکادیمـی و ڕێکخـراوە ناوخۆیـی و نێودەوڵەتییـەکان روونكراوەتـەوە

prozha3

تێبینی /
ئەم نووسینە بەشێكە لە كتێبی “زانكۆی هەڵەبجە.. هەگبەیەك لە كارو چالاكییەكان 2019 بۆ 2022″، كە لە ساڵی 2022 چاپ و بڵاوكراوەتەوەو رۆژانە بەش بەش لە سایت و پەیجی زانكۆی هەڵەبجە بابەتەكانی بڵاودەكرێتەوە.

chevron-down