سەرۆکی زانکۆی هەڵەبجە بەڕێز (پ.د.مهاباد کامل عەبدوڵا) پیرۆزبایی لە تەواوی ئەو خوێندکارانەی زانکۆی هەڵەبجە دەکات کە لە خوێندنی باڵا/ماستەرو دکتۆرا وەرگیراون، هیوا دەخوازێت کە ببنە کادرێکی ئەکادیمی و زانستی پڕ مەعریفەت بۆ زانکۆی هەڵەبجەو بەسەرکەوتوویی بەردەوامبن لە خزمەتەکانیان. سوپاسی ئەوبەڕێوەبەرو سەرۆک بەشانە دەکات ک ەبەوپەڕی دڵسۆزیەوە ئەرکەکانیان ڕاپەڕاندووەو لەئێستادا دەچنە پڕۆسەی خوێندن، هاوکات پیرۆزبایی لە بەڕێوەبەرانی تازە دەستبەکاربوو دەکات، لەوانە: نوسینگە، خۆیی، تۆمارگا، دڵنیایی جۆری، خوێندنی باڵا، ئەندازەو پرۆژەکان، کۆگاو دابینکردن.
ڕۆژانی ٢٩و۳۰ی ۱۰ی ۲۰۲۳ لە هۆڵی د.مستەفا زەڵمی کۆنفرانسی زانستی نێودەوڵەتی ( کورو کوردستان لە سەرچاوەو بەڵگەنامە بیانیەکاندا ) بە چاودێری بەڕێز د. ئارام محمد قادر وەزیری خوێندنی باڵاو توێژینەوەی زانستی و بەسەرپەرشتی پ.د. مهاباد کامل عەبدوڵا، سەرۆکی زانکۆی هەڵەبجە و بەهەماهەنگی دەزگای ڕۆشنبیری جمال نەبەز و بەسپۆنسەری میدیایی دەزگای میدیایی کوردسات بەڕێوەچوو .
سەرەتای کۆنفرانس بەسروودی نیشتیمانی ئەی ڕەقیب دەستیپێکردو هەمووان ساتێک بە بێ دەنگی بۆ گیانی پاکی شەهیدان بە پێوە وەستان، پاشان وتاری بەخێرهاتن لەلایەن بەڕێز(پ.د.مهاباد کامل عەبدوڵا) سەرۆکی زانکۆی هەڵەبجەوە پێشکەشکەشکرا، دواتر لەلایەن بەڕێز(پ.ی د. نەریمان عبداللە علی) ڕاگری کۆلێژی زانستە مرۆڤایەتیەکانی زانکۆ وتاری لیژنەی زانستی کۆنفرانس خوێندرایەوە.
دواتر پانێڵەکانی کۆنفڕانس دەستیپێکردو پانێڵی سەرەکی کۆنفرانس لەلایەن د.کاروان فتاح وەک بەڕێوەبەری پانێڵ بۆ هەریەک لە بەڕێزان :
پانێڵیستی یەکەم : پ.د. Leezenberg بەناونیشانی وتاری (کوردو کوردستان لە ئەرشیفی هۆڵەندا ) پێشکەشکرا .
پانێڵیستی دووەم : پ.د. محمود زاید بە ناونیشانی وتاری ( کوردو کوردستان لە ئەرشیفی میسری دا ) پێشکەشکرا .
پانێڵیستی سێیەم : پ.ی.د. ڕەنجدەر شێرزاد بەناونیشانی وتاری (کوردو کوردستان لە ئەرشیفی ئینگلیزدا ) پانێڵیستی چوارەم : پ.ی.د. سەروەر عبداللە ناونیشانی وتاری (کوردو کوردستان لە ئەرشیفی ئەڵماندا ) پێشکەشکرا .
پاش گفتوگۆ و سەرنج و پرسیاری ئامادەبووان پانێڵەکە کۆتایی هات و پاش پشوویەک پانێڵی یەکەمی پێشکەشکردنی توێژینەوەکانی کۆنفرانس دەستی پێکرد
پانێڵی یەکەم لەلایەن پ.د.سۆزان کریم مستەفا وەک بەڕێوەبەری پانێڵ بەڕێوەچوو بۆ هەریەک لەبەڕێزان :
یەکەم / توێژەر د. هێمن باقر عبدول بەناونیشانی (رەچەڵەکی کورد ، لە ڕوانگەی خەسڵەتە جەستەییەکانەوە لە دیدی ڕۆژهەڵاتناساندا ) پێشکەشکرد .
دووەم /م.ی. احمد قادر علی بەناونیشانی ( ڕووماڵی کارەساتی کیمیابارانی هەڵەبجە لە ڕۆژنامەگەری تورکیادا )پێشکەشکرد .
سێیەم / توێژەر پ.د. نورەتین بەڵتەکین بەناونیشانی ( کوردی زازا لە سەرچاوە ئەڵمانییەکاندا ) پێشکەشکرا
چوارەم / توێژەر حەبیبە پۆڵاتاغ بەناونیشانی (ژنی کورد لە سەرچاوە بیانییەکاندا ) پێشکەشکرا . بەسەرنج و گفتوگۆ و پرسیاری ئامادەبووان پانێڵی یەکەم سەرلەبەیانی ڕۆژی یەکەمی کۆنفڕانس کۆتایهات و دوای نیوەڕۆی هەمان ڕۆژ پانێڵی دووەم دەستی پێکرد
پانێڵی دووەم لەلایەن د. ئاریان سدیق وەک بەڕێوەبەری پانێڵ بەڕێوەچوو بۆ هەریەک لە بەڕێزان :
یەکەم / توێژەر شاخەوان عبداللە صابر بەناونیشانی ( پرسی زمان وەک ڕەگەزێکی شوناسی نەتەوەیی له ڕۆژئاوای کوردستان لە دیدی جۆردی تیجیل و هیریت مۆنتگومری ١٩٢٠ – ٢٠٠٠ ) پێشکەشکرا .
دووەم / توێژەر م. مەزهەر ئیبراهیمی بەناونیشانی ( کورد لە شیعری کلاسیکی فارسیدا ) پێشکەشکرا .
سێیەم / توێژەر هاوارە رەمضان وەلی بەناونیشانی ( ڕوانینی ڕەخنەگرانی فارس بۆ ئەدەبی کوردی ) پێشکەشکرا .
چوارەم / توێژەر زانا کاراک بەناونیشانی ( سەیاهاتنامە یا ئەولیاچەلەبی دەشۆپێن ئەدەبیاتا کوردی ) پێشکەشکرا . بەسەرنج و گفتوگۆی ئامادەبووان پاش پشوویەکی کورت کۆتایی بە پانێڵی دووەم هات و پاشان پانێڵی سێیەم دەستی پێکرد .
پانێڵی سێیەم لەلایەن م. عادل صدیق وەک بەڕێوەبەری پانێڵ بەڕێوەچوو بۆهەریەک لەبەڕێزان :
یەکەم / توێژەر پ.د. ئاراس محمد صاڵح بەناونیشانی ( ڕەوشی شاری سلێمانی لە گەشتەکانی ڕیچ و فرایزەردا ) پێشکەشکرا .
دووەم / توێژەر پ.ی.د. دڵشاد محمود عبدالرحمان بەناونیشانی ( سەنجەقی سلێمانی لە ساڵنامەکانی عوسمانیدا ) پێشکەشکرا .
سێیەم / توێژەر د. تارا خدر دەشتی بەناونیشانی ( کورد لە سەردەمی ئیسلام لە نووسینەکانی ڕۆژهەڵاتناس ئەرشاک پۆڵادیان (ٚ کورد لەسەرچاوە عەرەبیەکان ، کورد لەسەردەمی عەبباسی ) وەک نموونە پێشکەشکرا.
چوارەم / توێژەر د.کارزان کریم امین بەناونیشانی (کورد فۆبیا ، وێناکردنی کورد لە دەقنامەی ئەرشیفی بەریتانی سەرەتاکانی سەدەی بیستەم ) پێشکەشکرا . بەسەرنج و گفتوگۆ و پرسیاری ئامادەبووان کۆتای بەسێیەم پانێڵی یەکەم ڕۆژی کۆنفرانستی زانستی زانکۆی هەڵەبجە هات و بەم شێوەیە یەکەم ڕۆژی کۆنفرانسەکە کۆتایی هات.
ڕۆژی دووشەممە ۳۰ی ۱۰ی ۲۰۲۳ دووەم ڕۆژی کۆنفرانس دەستیپێکردەوە، سەرەتای بەرنامەی کاری دووەم ڕۆژی کۆنفرانسەکە پێشکەشکردنی توێژینەوەکانی کۆنفرانس بوو کە پێکهاتبوو لە سێ پانێڵ .
پانێڵی چوارەم لەلایەن بەڕێز د. مەروان مەزهەر جافر وەک بەڕێوەبەری پانێڵ بۆ هەریەک لە بەڕێزان :
یەکەم / توێژەر م.ی. بەهرۆز بەکر عوسمان بەناونیشانی ( کاریگەرێتییەکانی چینایەتی لە مێژووی کورددا لەسەرچاوە خۆرئاواییەکانی سەدەی نۆزدە تا ناوەڕاستی سەدەی بیستەم )
دووەم/ توێژەر م.ی. دڵگەش سعید سەیدۆ بەناونیشانی ( دزی و ڕێگری و جەردەیی لە نێو کوردان لە گەشتنامەو یاداشتەکانی گەڕیدە بەریتانییەکان ١٩٠٠ – ١٩٣٢ )
سێیەم / توێژەر م. جمال مجید فرج بەناونیشانی ( تێڕوانینی وەزارەتی دەرەوەی بەریتانیا بۆ مێژووی بەشێکی کوردستانی دەوڵەتی عوسمانی لە پەرتووکی
( Armenia and Kurdistan )
چوارەم / توێژەر م.ی. حەمزە محمد صاڵح بەناونیشانی ( کورد لە ڕوانگەی کۆمەڵناسە تورکەکانەوە : زیا گوێکاڵپ بەنموونە ) بەگفتوگۆو سەرنج و پرسیاری ئامادەبووان کۆتایی بە پانێڵەکە هات و پێنجەم پانێڵ دەستی پێکرد .
پانێڵی پێنجەم لەلایەن پ.ی.د. حسێن محمد صاڵح وەک بەڕێوەبەری پانێڵ بەڕێوەچوو بۆ هەریەک لەبەڕێزان :
یەکەم / توێژەر د. فەرهاد عبدالعزیز امین بەناونیشانی ( باسوخواسی شێخ ڕەزای تاڵەبانی لە یاداشتەکانی مێچەر ئی . بی . سۆن و سیسل جۆن ئیدمۆنس دا
دووەم / توێژەر د. سامان مستەفا ڕەشید بەناونیشانی ( ناودارانی کورد لە پەرتوکی ” زانایانی کۆتا سەردەمی عوسمانی “)
سێیەم / توێژەر پ.د. علی رحمتی بەناونیشانی ( میرو والیە کوردەکانی هۆزی شادلۆ لە ویلایەتی بجنوری خۆراسان لەسەردەمی قاجاری لە سەرچاوە ئێرانیەکاندا )
چوارەم / توێژەر د. سامان صلاح فتاح بەناونیشانی ( ڕۆڵی سیاسی و سەربازی شێخ محمد صادق نەهری لەنێوان ساڵانی ١٨٩٠ – ١٩٠٧ ) بەگفتوگۆو سەرنجی ئامادەبووان کۆتایی بەپانێڵی پێنجەم هات و پانێڵی شەشەم و کۆتایی دەستی پێکرد .
پانێڵی شەشەم لەلایەن م.هەردی حمە سعید وەک بەڕێوەبەری پانێڵ بەڕێوەچوو. توێژەر پ.ی.د. ئاسۆس محمد ملا قادر توێژینەوەیەکی بەناونیشانی ( دەقە مێخیە خوری – ئەکەدییەکانی شانشینی ئەڕاپخا (کەرکووک) و ئەو زمانە جیهانیانەی دەقەکانیان پێ بڵاو کراونەتەوە ) پێشکەشکرد بەگفتوگۆو سەرنجی ئامادەبووان کۆتایی بە پانێڵەو بەرنامەی کاری سەرلەبەیانی دووەم ڕۆژی کۆنفرانسەکە هات.
بەرنامەی کاری سەرلەئێوارەی ڕۆژی دووەمی کۆنفرانسەکە دەستیپێکرد بە ئامادەبوونی بەڕێز(پ. د.مهاباد کامل عەبدوڵا) سەرۆکی زانکۆی هەڵەبجەو بەڕێز( ئازاد تۆفیق)پارێزگای هەڵەبجەو هونەرمەندی گەورەی کورد مامۆستا مەزهەری خالقی و بنەماڵەی شەهیدی قەڵەم مەلا جمیل ڕۆژ بەیانی و ئەندامانی دەستەی شارەزایانی قەڵەمی زێڕین و ژمارەیەکی بەرچاو لەکەسایەتی و ڕۆشنبیرو نوسەران.
بەرنامەی کار بە دەقیقەیەک وەستان بۆ گیانی پاکی شەهیدان و سردووی نیشتیمانی ئەی ڕەقیب بەرنامەکان دەستی پێکرد ؛ٔ دواتر لەلایەن (د.سەروەر عبداللە) ڕاسپاردەکانی کۆنفراس خوێنرایەوەو لەچەند خاڵێکدا خرایەڕوو . پاشان هەریەکەلە بەڕێزان ئازاد تۆفیق پارێزگای هەڵەبجە و حەیدەر لەشکری دەستەی شارەزایان و دەوەن مەعرووف بەڕێوەبەری ڕێکخراوی ڕۆشنبیری جەمال نەبەز وتاریان پێشکەشکرد. دواتر خەڵاتی قەڵەمی زێڕینی جەمال نەبەز بەخشرا بەهونەرمەندی گەورە(مەزهەری خالقی)، هاوکات ڕێزلێنان بەخشرا بەتوێژەران و دەزگای میدیایی کوردسات و ڕێکخراوی ڕۆشنبیری جەمال نەبەز و گروپی میوزیکی باڵامبۆو هونەرمەند (هۆشیار حەمەفەرەج). بەچەند بەرهەمێکی گرووپی میوزیکی باڵامبۆو بەمیوانداری هونەرمەند(هۆشیار حەمە فەرەج) کۆتایی بەکارەکانی چوارەمین کۆنفرانسی زانستی نێودەوڵەتی (کوردوکوردستان لەسەرچاوەو بەڵگەنامەبیانیەکاندا) کۆتایهات.
پرۆگرامی سەرکردەکانی ئایندە زەمالەى ئەکادیمی و دەرفەتی ڕاهێنانی گەشەپێدانی توانای ڕابەرایەتیکردن ڕادەگەیەنێت بۆ خوێندکارانى بەکالۆریۆس و ماستەر لە عێراقدا
پرۆگرامی دەستپێشخەری هاوبەشیکردن لە رۆژهەڵاتی ناوەڕاست(MEPI) کە بە پرۆگرامی سەرکردەکانی ئایندە ناسراوە و لەلایەن وەزارەتی دەرەوەی ئەمریکاوە سپۆنسەر دەکرێت کراوایە و دەرگاى پێشکەشکردنى واڵا کردووە بە ڕووى خوێندکارانی بەکالۆریۆس و ماستەر لە عێراقدا. ئەم پڕۆگرامە زەمالەی ئەکادیمی و دەرفەتی ڕاهێنانی گەشەپێدانی توانای ڕابەرایەتیکردن پێشکەشی خوێندکارانی سەرکەوتوو دەکات کە لە ڕیێ پڕۆگرامەکەوە نوێنەرایەتیی هەمەڕەنگیی کەلتوری و ئایینی و جوگرافیی وڵاتانی ناوچەی مینا (ڕۆژهەڵاتی ناوەڕاست و باکوری ئەفریقا) دەکەن.
بۆچی خوازیاران پێویستە ئەم پرۆگرامە هەڵبژێرن؟
بۆماوەی ١٧ ساڵ پرۆگرامی رابەرانی ئایندە هەماهەنگیکردووە لەگەڵ زانکۆ پێشەنگەکانی شێوازی خوێندنی ئەمریکی لە وڵاتانی ناوچەی مینا. ئامانجی سەرەکی پرۆگرامەکە پڕ زانیاریکردنی بەشداربووەکانە بە پێدانی زانیاری و پراکتیزەکردنی کارامەیی گرنگ بۆ رابەرایەتیکردنی کاریگەر، بە پێدانی دەرفەت بەو خوێندکارانە و خوێندن لە زانکۆی ئەمریکیی بەیروت و زانکۆی ئەمریکی لە قاهیرە و زانکۆی ئەمریکیی لوبنانی خوێندکاران بەشداردەبن لە کەلتوری هونەری ئازاد و بیرکردنەوە رەخنەگرانەو داهێنەرەکانیان بەهێزتر دەکەن و توانای دۆزینەوەی چارەسەری نوێ و بۆ ئەو ئاڵەنگاریانەی رووبەرووی کۆمەڵگاکەیان دەبێتەوە لە (ڕۆژهەڵاتی ناوەڕاست و باکوری ئەفریقا) و هەموو جیهاندا.
کۆتا بەرواری پێشکەش کردنی داواکاری: ٣٠ – ١١ – ٢٠٢٣ :
زانیاری تەواو لەسەر زەمالەکە بەشێوەی ڤیدیۆ:
زانیاری لەسەر پڕکردنەوە داواکاری:
وێبسایت و فۆڕمی داواکاری:
زانکۆی هەڵەبجە بۆ خزمەتکردن بە زانست و زانستخوازیی بەردەوامە لەهەنگاونان و کردنەوەی بەشی نوێ، بەجۆرێک لەگەڵ بازاڕی کارو سەردەم بگونجێت و خوێندکار بەشێوەیەکی ئەکادیمی پێبگەیەنێت تالەبازاڕی کاردا خاوەن پێگەی خۆی بێت. پاڵپشت بەنوسراوی وەزارەتی خوێندنی باڵاو توێژینەوەی زانستی/دەزگای سەرپەرشتی و دڵنیایی جۆری/بەڕێوەبەرایەتی دڵنیایی جۆری و متمانەبەخشین ژمارە (٢٠٦٨١) لەڕێکەوتی ١٩ی١٠ی٢٠٢٣ تایبەت بەڕەزامەندیان لەسەر کردنەوەی بەشی (پەروەردەی تایبەت) لە کۆلێجی پەروەردەی شارەزوور؛ ئاماژە بە فەرمانی زانکۆیمان ژمارە(٤١٤١) لە ڕێکەوتی ٢٤ی١٠ی٢٠٢٣، بڕیاردرا بەکردنەوەی بەشی ناوبراو، ئەمەش هەنگاوێکیتری ئەکادیمیە کە بە هەوڵی بەڕێز( پ.د.مهاباد کامل عەبدوڵا) سەرۆکی زانکۆمان و بۆ زیاتر خزمەتکردنە بە خوێندنکاران و خوێندنی باڵا لە سنووری پارێزگای هەڵەبجە.
سەرلەبەیانی ئەمڕۆ، دووشەممە ٢٣ی١٠ی٢٠٢٣ لە کتێبخانەی ناوەندی زانکۆی هەڵەبجە مەراسیمی بەخشینی بروانامەی خولی راهێنانی ICT and Modern Academic Tools بەرێوەچوو. خولەکە بەسەرپەرشتی بەرێز سەرۆکی زانکۆ ( پ. د. مهاباد کامل عەبدوڵا)، زانکۆی هەڵەبجە بە هەماهەنگی لەگەڵ دامەزراوەی سەرۆک جەلال تاڵەبانی لە نێوان ٩/٢٥-٢٠٢٣/١٠/٢٣ لە زانکۆی هەڵەبجە بەرێوەچوو.
سەرەتای مەراسیمەکەلە ووتەیەکدا بەرێز (پ. د مهاباد کامل عەبدوڵا) سەرۆکی زانکۆ باسی لە گرنگی خولەکە و بابەتەکانی کرد. پاشان (د .محمد سابیر) سەرۆکی دامەزراوەی سەرۆک جەلال تاڵەبانی لە ووتەیەکدا باسی لە چالاکیەکانی دامەزراوەکە و پەیوەندیەکانی لەگەڵ زانکۆی هەڵەبجە و گرنگی ئەمجۆرە خولانە کرد. پاشان بروانامەکان بەخشرا بەبەشداربووان.
خولەکە لە لایەن (م. باوەڕ محمد فرج) وترایەوە، کە لە ماوەی چوار هەفتە و بە شێوەی دوو گروپ بەرێوەچوو، هەر گروپێک ٢ هەفتە(هەفتەی دوو رۆژ) ڕاهێنانی چڕ و پڕی وەرگرت لە بواری نوێترین ئامرازەکانی تەکنەلۆژیا بۆ فێربوون و فێرکردن هەروەها بەرەوپێشبردنی توانای ئەکادیمی. تەوەرێکی پرۆگرامەکان بریتی بوون لە ئامرازە ئەکادیمیە مۆدێرنەکان. بە گشتی بەشداربووان دوای بەشداریکردن لەم خولەدا ئاشنا کران بە بەرنامەکانی گۆگل G-Suite و نوێترین بەرنامەکان بۆ دروستکردنی سیمینار و فۆرم. هەروەها ئاشنا کران بەبەکارهێنانی ژیری دەستکرد لە پرۆسەی فێرکردندا، وەک (چات جیپیتی، بارد، و چەندان ئامرازی ژیری دەستکردی)دیکە باسکران کە بابەتی زانستی رۆژن. لەلایەکی دیکەوە ئاشنا کران بە گۆڤارە زانستیەکان و شێوازی دیاریکردن و هەڵبژاردنی گۆڤارێکی گونجاو بۆ بلاوکردنەوەی توێژینەوە تیایاندا.
زانکۆی هەڵەبجە بڕیارە بە گۆڕانکارییەکی تەکنەلۆژی پێشوازی لە ساڵی نوێی خوێندن بکات کە بەڵێنی بەرزکردنەوەی ئەزموونی وانەوتنەوە و فێربوون دەدات. دامەزراوەکە بە فەرمی سیستەمی بەڕێوەبردنی فێربوونی موودڵی بەناوبانگی (LMS) وەرگرتووە بۆ ئاسانکاری ژینگەیەکی پەروەردەیی کاراتر و سەرنجڕاکێشتر.
جێبەجێکردنی موودڵ بەشێکە لە هەوڵە بەردەوامەکانی زانکۆکە بۆ بەرزکردنەوەی پرۆگرامە ئەکادیمییەکانی و دڵنیابوون لە ئامادەکارییەکی باشی خوێندکارەکانی بۆ ئاستەنگەکانی داهاتوو. ڕەنگدانەوەی خۆبەخشی زانکۆکە بۆ گونجاندن لەگەڵ ڕەوتە پەروەردەییە مۆدێرنەکان و بەڵێنێکە بۆ پێشکەشکردنی ئەزموونێکی فێرکاری ئاست بەرزی جیهانی بۆ هەمووان.
زانکۆی هەڵەبجە ئامادەیە بۆ دەستپێکردنی ئەم گەشتە زانستییە لەگەڵ چوونە ناو ساڵی نوێی خوێندن، بە بەهێزکردنی تایبەتمەندییە پێشکەوتووەکانی موودڵ و سەرچاوە پەروەردەییە گشتگیرەکان. خوێندکاران و مامۆستایان دەتوانن لە ئێستادا ژینگەیەکی فێربوونی داینامیکیتر و کارلێککارانەتر و دەستڕاگەیشتنتربن بۆ سەرجەم پلاتفۆڕمە جیاوازەکانی وەک کۆمپیوتەر و مۆبایل (سیستەمی ئەندرۆید و ئای ئۆ ئێس).
لە ئێستادا ناوی سەرجەم مامۆستایان و خوێندکارانی زانکۆمان لە پلاتفۆڕمەکەدا تۆمارکراوە هاوتەریب لەگەڵ سەرجەم کۆرسەکانیان بۆ ئەم ساڵی خوێندن، لە ڕێگەی ئیمەیڵی زانکۆییانەوە زانیارییە پێویستەکانی بەکارهێنانی پلاتفۆڕمەکەیان بۆ نێردراوە.
بۆ دەستپێکردنی بەکارهێنانی موودڵ لە ‘زانکۆی هەڵەبجە’، تکایە کلیک لە لینکی خوارەوە بکە و پاشان لە چوونەژوورەوە کلیک بکە…
https://moodle.uoh.edu.iq
دەتوانن سوود لە ڤیدیۆکانی هاوپێچ وەرگرن، وە بەرنامەی مودڵ لە موبایلەکانتان داگرن و کاری پێ بکەن.
چۆنیەتی ئەکتیڤکردنی ئەکاونتی موودڵ
How to activate Moodle account
چۆنیەتی بەکارهێنانی موودڵ لەسەر مۆبایل
How to use your Moodle account on Mobile
چۆنیەتی ڕێکخستنی کۆرسەکان
How to manage your courses
بۆ هەر پرسیار و سەرنجێک پەیوەندیمان پێوە بکەن لە ڕێگەی ئیمەیڵی ([email protected])
موودل وەک ڕێبازێکی مۆدێرن بۆ پەروەردە و پلاتفۆرمی بەناوبانگی فێربوونی سەرچاوە کراوە، کۆمەڵێک تایبەتمەندی پێشکەش دەکات کە بۆ سوودگەیاندن بە خوێندکاران و مامۆستایان داڕێژراون. پەیڕەوکردنی ئەم سیستمە هەنگاوێکی گەورەیە بۆ پێشخستنی زانکۆی هەڵەبجە، هاوتەریب لەگەڵ ڕەوتە جیهانییەکان لە تەکنەلۆژیای پەروەردەدا.
سودە سەرەکیەکانی بۆ خوێندکاران:
1. دەستگەیشتن لە هەر کاتێکدا، لە هەر شوێنێک: موودڵ 24/7 دەستڕاگەیشتن بە کەرەستە و سەرچاوەکانی کۆرس بۆ خوێندکاران دابین دەکات، دڵنیای دەدات کە دەتوانن بە خێرایی و ئاسانکاری خۆیان فێربن.
2. فێربوونی کارلێککارانە: پلاتفۆرمەکە فێربوونی کارلێککارانە ئاسان دەکات لە ڕێگەی مەکۆی گفتوگۆ، ژووری گفتوگۆ و ئەرکە هاوبەشەکان، پەروەردەکردنی هەستی کۆمەڵایەتی لەنێو خوێندکاراندا.
3. پەیوەندییەکی کارا: خوێندکاران دەتوانن پەیوەندی لەگەڵ وانەبێژان بکەن، ئەرکەکان پێشکەش بکەن، و فیدباک وەربگرن لەناو پلاتفۆرمەکەدا، ئەمەش پرۆسەی فێربوون ڕێکدەخات.
4. بەدواداچوون بۆ پێشکەوتن: تایبەتمەندییەکانی شوێن پێهەڵگرتنی موودڵ ڕێگە بە خوێندکاران دەدات چاودێری پێشکەوتنەکانیان بکەن و دەستیان بە نمرەکانیان بگات، ئەمەش دڵنیای دەدات کە لە سەرووی ئاستی خوێندنی خۆیانەوە دەمێننەوە.
5. ناوەڕۆکی دەوڵەمەند: وانەبێژان دەتوانن کۆرسەکان بە ناوەڕۆکی مەڵتیمیدیا دەوڵەمەند بکەن، ئەزموونی فێربوون زیاتر سەرنجڕاکێش و داینامیکی دەکات.
سودە سەرەکیەکان بۆ مامۆستایان:
1. بەڕێوەبردنی کۆرسی ئاسانکراو: ئەم پلاتفۆڕمە ، دروستکردن و بەڕێوەبردنی خولەکان ئاسان دەکات، باری کاری کارگێڕی بۆ مامۆستایان کەمدەکاتەوە.
2. ئامرازی هەڵسەنگاندنی جۆراوجۆر: وانەبێژان دەتوانن کۆمەڵێک ئامرازی هەڵسەنگاندن بەکاربهێنن، لەوانەش کویز و ڕاپرسی، بۆ پێوانەکردنی تێگەیشتنی خوێندکار بە شێوەیەکی کاریگەر.
3. سەرچاوەی ناوەندی: دەتوانرێت هەموو کەرەستە و سەرچاوەکانی کۆرس لە یەک شوێن هەڵبگیرێت، ئەمەش ڕێکخستنی ناوەڕۆکی کارامە بەرەوپێش دەبات.
4. بە خواستی خۆت: ئەم پلاتفۆڕمە زۆر خۆکارانە، ڕێگە بە مامۆستایان دەدات خولەکان بەپێی شێوازی تایبەتی وانەوتنەوەیان و پێداویستی خوێندکارەکانیان بگونجێنن.
5. نمرەی ئۆتۆماتیکی: سیستەمەکە پشتگیری لە نمرەی ئۆتۆماتیکی دەکات بۆ کویز و ئەرکەکان، کە خوێندکاران بە ئاسانی دەتوانن نمرەکانیان لە ئەکاونتەکانیانەوە ببینن.
زانکۆی هەڵەبجە بەشی ئینگلیزی ئێواران پێویستی بە مامۆستای وانەبێژی زمانی ئینگلیزی لە بواری زمانناسی (linguistics) و ئەدەب (literature)هەیە. مەرجەکانی وەرگرتن بریتین لە
بۆ زانیاری زیاتر پەیوەندی بکەن بە وەتسئاپئ ئەم ژمارەیەوە:
07501157532
یان ئیمەیڵ بنرێن بۆ ئەم ناونیشانە ئەلیکترۆنیە
سەرلەبەیانی ئەمڕۆ پێنج شەممە ۱۹ی ۱۰ی ۲۰۲۳، لە هۆڵی مستەفا زەڵمی، مەڵبەندی ڕۆشنبیری هەورامان بەهاوبەشی کتێبخانەی ناوەندی زانکۆی هەڵەبجە و بەڕێوەبەرایەتی گشتی ڕۆشنبیری و هونەری هەڵەبجە بە ئامادەبوونی بەڕێز( پ.د. مهاباد کامل عەبدوڵا) سەرۆکی زانکۆی هەڵەبجە و بەڕێز (ئازاد تۆفیق) پارێزگاری هەڵەبجە و ئەندامانی ئەنجومەنی زانکۆ و چەندین کەسایەتی ئاینی و حیزبی و حکومی و ئیداری شاری هەڵەبجە و شارو شارۆچکەکانی ترو بنەماڵە و کەس و کاری (شێخ عەلی حسامەدین) سیمپۆزیۆمێکی نێودەوڵەتی بەناونیشانی ( شێخ عەلی حسامەدین نەقشبەندی ڕابەرێکی تەواو و تەواوکار ) ئەنجامدرا .
سەرەتا بەچەند خوولەکێک وەستان بۆ گیانی پاکی شەهیدان هەمووان ساتێک بەبێ دەنگی بە پێوە وەستان، دواتر سەرۆکی زانکۆی هەڵەبجە بەناوی ئەنجومەنی زانکۆو بەڕێوەبەرایەتی گشتی ڕۆشنبیری و هونەری هەڵەبجەو مەڵبەندی ڕۆشنبیری هەورامان بەخێرهاتنی ئامادەبوانیکرد.
پاشان وتاری لیژنەی ئامادەکارو سەرپەرشتیار لەلایەن بەڕێز (ئەیوب کۆێخا ڕۆستەم) خوێنرایەوە ، هەروەها وتاری بنەماڵە لەلایەن بەڕێز (شازاد نەقشبەندی) خوێنرایەوە . سیمپۆزیۆم بەشێوەیەکی ئەکادیمی ئاوڕدانەوەیەکبوو لە ژیان و کار و ئاکاری شێخ عەلی حسامەدین و لە دوو پانێڵدا تاوتوێکرا:
پانێڵی یەکەم / لەلایەن هەریەک لە بەڕێزان : د. شوانە نوری عبداللە / بەڕێوەبەری پانێڵ بۆ هەریەکە لە پانێڵیست :
١. ئاغای سامی دێهقانی بەناونیشانی ( ژیان و بەسەرهاتی شێخ عەلی حسامەدین ) کەتیایدا باسی لە ژیاننامەی شێخ عەلی حسامەدین کرد هەتا وەفات کردنی
٢. د.لهۆن قادر عبدالرحمن بەناونیشانی ( خوێندنەوەیەک بۆ ئەزموونی پەروەردەیی و گەشەی ڕۆحی لە ڕێبازی نەقشبەندیدا ) تیایدا باس لەڕۆڵی پەروەردە کرد لەڕێبازی نەقشبەندیدا
٣. د.نەڤید نەقشبەندی بەناونیشانی (پێشبینیەکانی شێخ عەلی حسامەدین لە ڕووی زانستی و شەرعییەوە ) باسی لە چەکی کەرامەت کرد لە ڕێبازی نەقشبەندیدا
پانێڵی دووەم / لەلایەن هەریەک لەبەڕێزان : م.هومایون صاحیب بەڕێوەبەری پانێڵ بۆهەریەک لە پانێڵیست :
١. شێخ سۆران نەقشبەندی بەناونیشانی ( شێخ عەلی حسامەدین خۆنەویستی و نەفس بەرزی )
٢. د.ئاوات نەقشبەندی بەناونیشانی ( ڕۆڵی خانەقا گەورەکانی شێخ علی حسامەدین لە ڕێبازی نەقشبەندیدا )
٣. د.فارووق قەرەداخی بەناونیشانی ( شێخ عەلی حسامەدین ژیان و پێگەی کۆمەڵایەتی ) بابەتەکان پێشکەشکران
لەکۆتایی هەر پانێڵێکدا بەگفتوگۆ و سەرنجی ئامادەبووان و پانێڵیستان کۆتایی بەپانێڵەکان دەهات. لەکۆتایی سیمپۆزیۆمەکەدا خەڵاتی سوپاس و ڕێزلێنانی زانکۆی هەڵەبجە بەخشرایە هەریەک لە توێژەرانی سیمپۆزیۆم، کۆتایی سیمپۆزیۆم بەسەردانی مەزاری (شێخ عەلی حسامەدین) لە باخەکۆن کۆتایهات.
سەرلەبەیانی ئەمڕۆ ١٦ی١٠ی٢٠٢٣، سەرۆکی زانکۆی هەڵەبجە بەڕێز(پ.د.مهاباد کامل عەبدوڵا)و یاریدەدەری سەرۆکی زانکۆ بۆ کاروباری کارگێڕی و دارایی لەگەڵ بەڕێوەبەرو بەشێک لە فەرمانبەرانی زانکۆ کۆبونەوە.
کۆبونەوە بەمەبەستی ڕێکخستنی دەوامی فەرمانبەران بەشێوەیەکی گونجاو، بەدواداچون بۆ ڕاپەڕاندنی ئیش وکاری ڕۆژانەو بەتایبەت کاروباری پەیوەندیدار بەخوێندکاران ئەنجامدرا.
سەرلەبەیانی ئەمڕۆ ١٥ی١٠ی٢٠٢٣، سەرۆکی زانکۆی هەڵەبجە بەڕێز(پ.د.مهاباد کامل عەبدوڵا)سەردانی بەشەناوخۆییەکانی ناو هەڵەبجەیکردو لەگەڵ بەڕێوەبەرو فەرمانبەرانی بەشەناوخۆییەکان کۆبویەوە، بەڕێز سەرۆکی زانکۆ سوپاسی هەوڵ و ماندووبونی فەرمانبەرانیکرد کەبەپەرۆشی و دڵسۆزییەوەکاردەکەن.
هاوکات، لەچۆنیەتی وەرگرتنی خوێندکاران و کەموکورتی و پێداویستی بەشەناوخۆییەکانی کۆڵیەوەو ڕایگەیاند هەموو هەوڵێک دەدەن تا بتوانن زۆرترین خزمەت بە خوێندکاران بکەن.
