سەرلەبەیانی ئەمڕۆ ٢٣-١٠-٢٠٢٣، بەمەبەستی لەنزیکەوە ئاگاداربوون لە چۆنیەتی بەڕێوەچوون و جێبەجێکردنی ئیش وکارەکانیان، سەرۆکی زانکۆی هەڵەبجە بەڕێز (پ.د.مهاباد کامل عەبدوڵا) بەهاوڕێیەتی یاریدەدەری سەرۆکی زانکۆ بۆ کاروباری کارگێڕی و دارایی بەڕێز (پ.ی.د.سیروان حامد احمد) سەردانی کۆلێجەکانی یاساوکارگێڕی و کۆلێجی زانست-یکردو لەگەڵ فەرمانبەران گفتوگۆیکرد، گوێی لەسەرنج و تێڕوانیان گرت هاوکات سەردانی بەڕێوەبەرایەتیەکانی ناو زانکۆیکردو لەگەڵ بەڕێوەبەرو فەرمانبەران گفتوگۆیکرد سەبارەت بە چۆنیەتی بەڕێوەچونی ئیشوکاری ڕۆژانەی بەڕێوەبەرایەتیەکانیان و دەستخۆشی لێکردن کە بەرپرسانەو خەمخۆرانە ئەرکی سەرشانیان جێبەجێدەکەن.
