ئەمڕۆ سێشەممە ڕێکەوتى ٢٠٢٢/٩/٦ بەسەرپەرشتیی بەڕێز پ.د.مهاباد کامل عبدللە سەرۆکی زانکۆی هەڵەبجە و به‌ئامادەبوونى یاریدەدەرانی سەرۆکی زانکۆ بۆ كاروباری زانستی و خوێندنی باڵاو كارگێڕی و دارایی و كاروباری خوێندكاران و ڕاگرانی کۆلێجەکان، کۆبوونەوەى ئاسایی ئەنجوومەنى زانکۆ بۆ تاووتوێکردنى چەند پرسێکى زانستى و ئەکادیمى بەڕێوەچوو.
لەسەرەتاى کۆبونەوەکەدا سەرۆکی زانکۆ پیرۆزبایی ساڵی نوێی خوێندنی ٢٠٢٢-٢٠٢٣ لە ئەنجومەنی زانکۆو مامۆستایان و خوێندکاران کرد.
لە کۆبونەوەکەدا باس لە ئەنجامەکانی کۆنفرانسی زانستی بۆلۆنیا پرۆسێسی وەزارەتی خوێندنی باڵاو توێژینەوەی زانستی و بەشداری نوێنەرانی زانکۆمان لە کۆنفرانسەکە کرا، تەوەرێکی دیکەی کۆبوونەوەکە تایبەت بوو بە ئەکتیڤکردنی سەنتەری توێژینەوەو هەماهەنگی سەنتەرەکە لەگەڵ کۆلێجەکان و توێژەرانی زانکۆو جەخت لەوە کرایەوە کە مامۆستایان هانبدرێن بۆ چالاکی زانستی وکاربکرێت بۆ دابینکردنی دەرماڵەی خوێندکاران.
لە کۆتایی کۆبونەوەکەدا بڕیاردرا بە کردنەوەی سەنتەری زمانەوانی پرۆفیسۆر(حەمەی مارف)وەک سەنتەرێکی ئەکادیمی و سەربە سەنتەری توێژینەوەی زانکۆی هەڵەبجە.
