بەڕێوەبەرایەتی سەنتەری زمان و وەرگێڕان

Directorate of language Center

بەریوەبەرایەتی سەنتەری زمان

سەنتەری زمان دەروازەیەكە بۆ فێرخوازان و ئارەزوو مەندانی فێربوونی زمان، ئامانجمان هاوكاریكردنی فیرخوازانە تا بتوانن بە باشترین و گونجاوترین شێوە فێری ئەو زمانە ببن كە ئەیانەوێت. هەروەها دەمانەویت لە ڕێگەی فێركرندنی زمانەوە هاوكاری فێرخوازان بكەین تا بە ئامانجەكانیان بگەن وە دەروازەیەك بكەینەوە تا هەمووان بتوانن بە كوالێتیەكی باش و لەلایەن مامۆستای شارەزاوە فێری زمان ببن. سەنتەری زمانی زانكۆی هەڵەبجە لە ساڵی 2017 دەستی بە كارەكانی كردووەو تا ئێستاش لە كارەكانی بەردەوامە لەسەر دەستی ئەم بەڕێزانەی لای خوارەوە ناویان هاتووە كە لە ماوەی ڕابردوودا وەك ستافی سەنتەر كاریان كردووە.

ناوی ستاف                                    ئەرك و ناونیشان 

1/ هیدایەت محمد احمد                  بەڕێوەبەری سەنتەری زمان لە (2017 تا 2019)

2/ د. نیان كامل غفور                       بەڕێوەبەری سەنتەری زمان

3/ خەندە لقمان محمد امین              ی. توێژەر /ستاف وە وەرگێر لە سەنتەری زمان

4/ بەفرین فرج ابوبكر                      ی. وەرگێڕ /ستاف وە وەرگێر لە سەنتەری زمان

كارو چالاكیەكانی سەنتەری زمان لە (2017-2020)

  1. سەنتەری زمانی زانكۆی هەڵەبجە لە یەكەم چالاكی خۆیدا و لە دوای دەست بەكاربوونی لە سەرەتای ساڵی (2017)دا هەستا بە كردنەوەی یەكەم خولی ڕاهێنانی تاقیكردنەوەی نێودەوڵەتی (تافڵ) لە بەرواری (21/2/2017) تا (30/3/2017) بۆ ماوەی (120) كاتژمێر.
  2. لە دووەم چالاكیدا سەنتەری زمان هەستا بە كردنەوەی خولی ئامادەكاری تاقیكردنەوەی نێودەوڵەتی (IELTS) لە بەرواری (25/7/2017) تا (2/9/2017) بۆ ماوەی (60) كاتژمێر.
  3. سەنتەری زمان لە درێژەی كاروچالاكییەكانیدا كۆمەڵێك كاروباری وەرگێڕانی بۆ چەندین بۆنەو مەڕاسیم و كۆڕی جیاواز ئەجامداوە، لەوانە لە بەرواری (16/1/2018) سەنتەری زمان هەستا بە دانانی دوو وەرگێڕ بۆ سیمپۆزیۆمی نێودەوڵەتی كەمپینی لاوانی هەڵەبجە بۆ ئاشتی و پێكەوەژیان كە لەلایەن زانكۆی هەڵەبجەوە بەهاوكاری ڕێكخراوی (H W P L) و چەند زانكۆیەكی كۆریای باشور بەڕێوەچوو.
  4. سەنتەری زمان بە هاوكاری لەگەڵ مامۆستایانی بەشی زمانی ئینگلیزی هەستا بە بەڕێوبردنی كاروباری وەرگێڕان بۆ یادی كیمیابارانی هەڵەبجە بۆ هەردوو زمانی ئینگلیزی و فارسی لە ساڵی (16-3-2017/2018)دا.
  5. لە سەر داوای كۆلێجی زانستە مرۆڤایەتیەكان، سەنتەری زمان هەستا بە جێبەجێكردنی كاروباری وەرگێڕانی ڕاستەخۆ (ئینگلیزی بۆ كوردی) بۆ سیمپۆزیۆمی نێودەوڵەتی لە ژێر ناونیشانی ( هەڵسەنگاندنێك بۆ پیگە و بەرپرسیارێتی میدیای كوردی) لە بەرواری (22/4/2018).
  6. لە سەر داوای كۆلێجی زانستە مرۆڤایەتیەكان، سەنتەری زمان هەستا بە جێبەجێكردنی كاروباری وەرگێڕانی ڕاستەخۆ (ئینگلیزی بۆ كوردی) وە بە پێچەوانەوە بۆ وۆرك شۆپی (پێكەوە ژیانی ئایینەكان) لە ڕۆژی (25/4/2018).
  7. لەسەرداوای بەشی یاسا، سەنتەری زمان هەستا بە جێبەجێكردنی كاروباری وەرگێڕانی ڕاستەخۆ (ئینگلیزی بۆ كوردی) وە بە پێچەوانەوە بۆ یاوەریكردی وەفدی ڕێخراوێكی ئەڵمانی وە وۆرك شۆپێك دەربارەی (جێنۆسایدی كیگاڵی) لە بەرواری (29/4/2018).
  8. بۆ دووەم جار سەنتەری زمان هەستا بە كردنەوەی خولی ئامادەكاری تاقیكردنەوەی نێودەوڵەتی (IELTS) لە بەرواری (25/3/2018) تا (8/5/2018) بۆ ماوەی (60) كاتژمێر كە سەرجەم تێچووی ئەم خوولە لە لایەن زانكۆی هەڵەبجەوە دابین كراو هیچ بڕە پارەیەك لە بەشداربووان وەرنەگیرا، ئەمەش وەك هاوكاری بۆ سەرجەم خوازیاران و كاندیدانی ماستەر و دكتۆرا.
  9. كردنەوەی خولی زمانی ئینگلیزی بۆ ئاستی سەرەتایی وناوەندی بۆ خوازیارانی فێربوونی زمانی ئینگلیزی لە ناوەوەو دەرەوەی زانكۆ لە بەرواری (1/8/2018) تا (5/9/2018).
  10. سەنتەری زمان بۆ جاری دووەم هەستا بە كردنەوەی خولی ڕاهێنانی تاقیكردنەوەی نێودەوڵەتی (تافڵ) لە بەرواری (25/7/2018) تا (23/10/2018) بۆ ماوەی (120) كاتژمێر.
  11. كردنەوەی خولی تەواوكاری زمانی ئینگلیزی بۆ كاندیدینی ماستەر و دكتۆرا خوازیارانی نازناوی زانستی بۆ ئاستەكانی(elementary, beginner intermediate, pre-intermediate ) لە بەرواری (22-9-2019 تا 3-10-2019) بۆ ماوەی (6) هەفتە.
  12. كردنەوەی خولی تەواوكاری زمانی ئینگلیزی بۆ كاندیدینی ماستەر و دكتۆرا خوازیارانی نازناوی زانستی وەك درێژە پێدەری خولی پێشوو بۆ ئاستەكانی (elementary, intermediate, pre-intermediate ) لە بەرواری (15-12-2019  تا 31-1-2020) بۆ ماوەی (6) هەفتە .
  13. ئەنجامدانی تاقیكردنەوەی دیاریكردنی ئاستی زمانی ئینگلیزی بە هاوكاری لەگەڵ سەنتەرەكانی زمانی زانكۆكانی دیكەی كوردستان بۆ خوازیارانی بۆ كاندیدینی ماستەر و دكتۆرا خوازیارانی نازناوی زانستی بۆ ئاستەكانی (elementary, beginner intermediate, pre-intermediate ) لە بەرواری (18-1-2020) .
  14.  ئەنجامدانی تاقیكردنەوەی كۆتایی خولی تەواوكاری زمانی ئینگلیزی بە هاوكاری لەگەڵ سەنتەرەكانی زمانی زانكۆكانی دیكەی كوردستان بۆ كاندیدینی ماستەر و دكتۆرا خوازیارانی نازناوی زانستی بۆ ئاستەكانی (pre-intermediate, elementary intermediate, )   لە بەرواری (/8/24 2020) تا (27/8/2020).