بڵاوکراوەتەوە لە: 12-06-2024

وەفدێکی زانکۆی هەڵەبجە، سەردانی چەند ناوەندێکی گرنگی وڵاتی هۆڵەندا دەکەن

ئامادەکراوە لەلایەن:  زانکۆی هەڵەبجە

‎وەفدێكی زانكۆی هەڵەبجە كە پێكهاتبوون لە بەڕێزان
(پ ی د. نەریمان عبداللە علی، د. مەروان مەزهەر) بەهاوكاریی ڕێكخراوی سپاركی نێودەوڵەتی، لەماوەی ڕۆژانی ٢٦بۆ٣١ / ٥/ ٢٠٢٤ سەردانی چەند ناوەندو دامەزراوەیەكی گرنگیان كرد لە وڵاتی هۆڵەندا، کەپێکهاتبوون لە:‎
‎ئۆفیسی سەرەكی ڕێكخراوی سپارک
‎دامەزراوەیRAN
‎دامەزراوەی ICCT
‎ئینستیوتی كلینیكداڵ
‎دامەزراوەی ئێرۆپول
‎زانكۆی لایدن
‎شارەوانی شاری دێلفت
‎دامەزراوەی NCTV

‎سەردانەكە بە مەبەستی وەرگرتنی ئەزمون و زانیاریی و بەستنی پەیوەندیی و پێكەوە كاركردن بوو، بۆبەهێزكردنی سەنتەری نمونەیی كە لە زانكۆی هەڵەبجە دامەزراوە، لەماوەی دیدارو كۆبونەوەكاندا توانرا چەندین پێشنیاری پرۆژەو كاری هاوبەش و هەمئاهەنگی لەگەڵ ئەو زانكۆو دامەزراوانەدا ببەسترێت، هەروەها پێشنیاری ئەنجامدانی توێژینەوەی هاوبەش كرا، بۆ ئەم مەبەستە لە ماوەیەكی نزیكدا تاوتوێی چەند پرۆژەیەكی توێژینەوەی هاوبەش دەكرێت لەنێوان مامۆستایانی زانكۆی هەڵەبجەو زانكۆی لایدن و دامەزراوەی(ئای سی سی تی) و ئینستیوتی كلینیكداڵ و دامەزراوەكانی تر.
‎ هەروەها پێشنیاری كردنەوەی خولی ڕاهێنانی تایبەت كرا بۆ مامۆستایانی زانكۆی هەڵەبجە، ئەمەش لە چوارچێوەی كاری سەنتەری نمونەیی، وە باس لە هەمئاهەنگی وبەشداریپێكردنی مامۆستایانی زانكۆی هەڵەبجە كرا لە كۆنفرانس وچالاكیە زانستیەكانی زانكۆو دامەزراوەكاندا.
‎پێشنیار كرا لە ئاییندەیەكی نزیكدا زانكۆی هەڵەبجە یاداشتی لێكگەیشتن لە نێوان زانكۆی لایدن وبەشێك لەو دامەزراوانە ببەستێت، ئەمەش بە مەبەستی زیاتر ئەنجامدانی كارو چالاكی هاوبەش

chevron-down