بڵاوکراوەتەوە لە: 06-06-2024

دوو مامۆستای زانکۆی هەڵەبجە بەشداربون لە وۆركشۆپی پێشخستنی سیستمی خوێندنی باڵا له‌ ڕێگه‌ی سیستمی كارایی متمانه‌به‌خشینی ئه‌كادیمی

ئامادەکراوە لەلایەن:  زانکۆی هەڵەبجە

له‌ چوارچێوه‌ی به‌رزركردنه‌وه‌ی كواڵتی خوێندن و پێودانگه‌كانی متمانه‌به‌خشین به‌ ده‌زگاكانی خوێندنی په‌روه‌رده‌یی و خوێندنی باڵا، وەزارەتی خوێندنی باڵا و بۆردی متمانە بەخشینی دەزگاکانی خوێندنی هەرێمی کوردستان، ۆركشۆپێك به‌ ناونیشانی (پێشخستنی سیستمی خوێندنی باڵا له‌ ڕێگه‌ی سیستمی كارایی متمانه‌به‌خشینی ئه‌كادیمی) سازکرد.
لە ۆرکشۆپەکەدا هەریەک لە بەڕێزان (د.ئاکۆ ابراهیم فقی) ڕاگری کۆلێژی پەروەردەی وەرزش و (م.ی.پێشڕەو احمد عبداللە) بەڕێوەبەری بەڕێوەبەرایەتی دڵنیایی جۆری بەشداربوون لە ڕۆژی چوارشەممە ڕێکەوتى (2024/6/5) بە ئامادەبونى ژمارەیەک لە سەرۆک زانکۆکان و ڕاوێژکارى وەزیر و بەڕێوەبەرانى گشتى و یاریدەدەرانى سەرۆکى زانکۆکان و بەڕێوەبەرانی دڵنیایی جۆرى زانکۆکان، بە هەماهەنگى نێوان وه‌زاره‌تی خوێندنی باڵاو توێژینه‌وه‌ی زانستی و دەزگاى متمانه‌ به‌خشینی كوردستان بۆ خوێندن (KAAE) له‌ هۆتێل هه‌ولێری نێوده‌وڵه‌تی.
لە دەستپێکدا د. محه‌مه‌د حوسێن سەرۆکى دەزگاى سەرپەرشتى و دڵنیایی جۆرى بە نوێنەرایەتى د. ئارام محمد قادر وه‌زیرى خوێندنی باڵا و توێژینه‌وه‌ی زانستی وتەیەکى پێشکەش کردو تیشکى خستە سەر گرنگى وۆرکشۆپەکەو ئامانجەکانى و هیواى خواست لەم ڕێگەیەوە کاربکەین بۆ ئەوەى ستانداردەکانی بەخشینی متمانە بە دەزگاکانی خوێندنی باڵا تاوتوێ بکەین.
لەلایەن خۆشییه‌وه‌ د. هونه‌ر عیسا سكرتێری دەزگاى متمانه‌ به‌خشینی كوردستان بۆ خوێندن (پریسنته‌یشنێك)ـی پێشكه‌ش كرد و تیشكی خسته‌ سه‌ر دیدگای دەزگاکە و باس له‌ چۆنیه‌تی پراكتیزه‌كردنی پێودانگ و ستاندارده‌ نێوده‌وڵه‌تییه‌كانی متمانه‌به‌خشینی خوێندن كرا له‌بواری په‌روه‌رده‌ و خوێندنی باڵا له‌ كوردستاندا و تیشكیشی خسته‌ سه‌ر ئالنگارییه‌كانی به‌رده‌م پرۆسه‌كه‌ و چۆنیه‌تی زاڵبوون به‌سه‌ریاندا.
دواتر به‌شداربوانی ۆركشۆپه‌كه‌ كه‌ پێكهاتبون له‌ كه‌سانی ئه‌كادیمی، سه‌رۆك زانكۆكان دابه‌شی چه‌ند گرووپێك كران بۆ تاوتوێكردن و گفتوگۆكردن له‌باره‌ی ستاندارده‌كانی متمانه‌به‌خشین به‌ خوێندی په‌روه‌رده‌یی و خوێندنى باڵاو دوای گفتوگۆیه‌كی چڕٍیش هه‌ر گروپێك ده‌ره‌نجام و پێشنیازه‌كانی گفتوگۆكه‌ی خۆی له‌ ۆركشۆپه‌كه‌دا خسته‌ ڕو و له‌كۆتایی ۆركشۆپه‌كه‌یشدا پوخته‌ی ئه‌و خاڵه‌ سه‌ره‌كییه‌كانه‌ باسکران كه‌ له‌ ئه‌نجامی ۆركشۆپه‌كه‌دا بە ده‌ستهێنراون و تیشكیش خرایە سه‌ر هه‌نگاوی داهاتوی دەزگاکە بۆ چۆنیه‌تی پراكتیزه‌كردنی ستاندارده‌ نێوده‌وڵه‌تییه‌كانی متمانه‌به‌خشینی په‌روه‌رده‌یی و خوێندنی باڵا له‌داموده‌زگا په‌روه‌رده‌ییه‌كان و زانكۆ و په‌یمانگاكانی هه‌رێمی كوردستان.

Img 20240606 215628 136 Edit 635642237205612

chevron-down