ڕۆژی چوارشەممە (٢٠٢٤/٢/٢١) بە ئامادەبوونی بەڕێزان پڕۆفیسۆر د. دانا عبداللە طاهر یاریدەدەری سەرۆکی زانکۆ بۆ کاروباری زانستی و پڕۆفیسۆری یاریدەدەر د. ئەحمەد میرە ڕاگری کۆلێژی پەروەردەی شارەزوور و د.شوان نوری ڕاگری کۆلێژی زانستەمرۆڤایەتیەکان و ژمارەیەکی بەرچاو لە کەسایەتییە حوکمی و حیزبییەکان و سەرۆکی بەشەکانی کۆلێژ و مامۆستایان و خوێندکاران، بەشی زمانی کوردیی کۆلێژی پەروەردەی شارەزوور، لە ڕۆژی زمانی دایکدا سیمپۆزیۆمێکی تایبەت بە پرسی زمان و زمانی دایکی ئەنجامدا.
سەرەتای سیمپۆزیۆمەکە بە ساتێک وەستان بۆ گیانی پاکی شەهیدان دەستیپێکرد. پاشان لە لایەن بەڕێز د.ئاریان سدیق عەزیز وتاری پێشەکی سیمپۆزیۆم خوێندرایەوە کە باسکردنبوو لە پێگەی زمانی دایک لە لەم سەدەیەدا، پاشان لەلایەن بەڕێز ڕاگری کۆلێژەوە وتەیەک خوێندرایەوە تیایدا سوپاسی ئامادەبووانی کرد و پیرۆزبایی ڕۆژی زمانی دایکی لە ئامادەبووان و خوێندکاران کرد.
پاشان لە بەرنامەی سیمپۆزیۆمەکەدا بەم ناونیشانانەی خوارەوە، سێ سیمینار پێشکەشکران:
١- د.تارا موحسین قادر، ناونیشانی سیمینار (گرنگیی زمانی دایک و فێرکردنی زمانی دووەم).
٢- د.نالی ئەدهەم غەریب، ناونیشانی سیمینار (زیرەکی دەستکرد و زمان).
٣- م.ئاریا یاسین،ناونیشانی سیمینار (پێشێلکردنی بڕگە دەستورییەکانی زمان لەلایەن دامەزراوە حکومی و ناحکومییەکانەوە).

هەریەکە لەبەرێزان (م.کاروان مهدی حمەرووف) و (م.سەرخێڵ حمەتاهیر کریم) و (م.ئەیوب عثمان عبدالرحمان) و (م.کارزان جزا غفور) لە کۆلیجی زانست-بەشی زانستی کۆمپیوتەر تویژینەوەیەکی زانستی ئاستبەرز بلاودەکەنەوە بە ناونیشانی:
(Dataset for the Recognition of Kurdish Sound Dialects ) لە گۆڤاری (Data in brief) کە خاوەن ئیمپاکت فاکتەری (1.2) و سایت سکۆری(Q2)(6.2) و سەر بە پەبڵیشەری (Elsevier).
پوختەی توێژینەوەکە: وەک ئاشکرایە لەگەڵ ئەوەی زمانی کوردی زمانێکی دەوڵەمەند بۆ کارکردن لەسەری لە بواری توێژینەوەی زانستی و بەتایبەتی لە رووی رێنووس و دەنگەوە ، بەڵام بەداخەوە تا ئیستا چەند توێژینەوەیەکی کەم لەو بوارەدا هەیە و ئەم توێژنەوەی دەبێتە سەرچاوەریەکی گرنگ لە پۆلینکردنی دیالیکتە جیاوازەکانی زمانی کوردی : توێژینەوەکە کارکردنە لەسەر پۆلینکردنی دیالیکتی (سۆرانی و هەورامی و بادینی) دەبێتە سەرچاوەیەک بۆ ئەوانەی لەبواری زمانەوانی و تەکنۆلۆژیدا کاردەکەن چونکە دەبێتە یەکەم داتاسیت بۆ زمانی کوردی بەو رێژە زۆرە کە بەردەست بێت بۆ توێژەران ، لەم تویژینەوەیەدا رێژەیەکی زۆر لە داتا کە نزیک بە (٦٠٠٠) داتای لە خۆی گرتووە، بە فایلی دەنگی و ماتریکس هەمان فایلی جیاکراوە، پاشان دەتوانرێت لەرێگەی (Machine Learning) و (Training) بەو داتایە کراوە و بۆئەوەی توانای فێربوون و ناسینەوەی دیالیکتەکانی زمانی کوردی دروست ببێت.

 کلیك لێرە بکەن بۆ بینینی تویژینەوەکە:

توێژینەوەیەکی زانستی هاوبەشی بەڕێزان (دکتۆر هێرش حمەامین فقی محمود) بەڕێوەبەری سەنتەری توێژینەوەی زانستی زانکۆ و (م.مسعود ابوبکر) مامۆستای وانەبێژ لە بەشی ئەندازیاری شارستانی لە گۆڤارێکی ئاست بەرزی نێودەوڵەتی سەر بە پۆبلیشەری بەناوبانگی ئیلسیڤیەر کە خاوەنی ئیمپاکت فاکتەری (٧.٤) وسایت سکۆری (١٢.٤) بڵاوکرایەوە بە ناونیشانی (Evaluation of mechanical properties and shear-bond strength of mortar
containing natural extract admixture

بۆ سوود وەرگرتن و بینینی توێژینەوەکە کلیک لێرە بکەن

سەرلەبەیانی ئەمڕۆ یەکشەممە ٢٠٢٤/٢/١٨،لە سەرۆکایەتی زانکۆی هەڵەبجە بە ئامادەبوونی بەڕێز(پ.د.مهاباد کامل عەبدوڵا)سەرۆکی زانکۆ کۆبونەوەیەک تایبەت بەئامادەکاریەکانی ٣٦هەمین ساڵیادی کیمیایی بارانکردنی هەڵەبجە بەڕێوەچوو.
کۆبونەوەکە بەسەرپەرشتی پارێزگاری هەڵەبجە بەڕێز(ئازاد تۆفیق) و ئامادەبوونی بەڕێزان جێگرانی پارێزگار و لیژنەی باڵا ئەنجامدراو ئەمەش چوارەم كۆبونەوەیە تایبەت بەئامادەکاریەکانی ٣٦ هەمین ساڵیادی تاوانی کیمیایی بارانکردنی هەڵەبجە.
لە کۆبوونەوەکەدا باس لە ئیش وکارەکانی لیژنەی باڵاو لایەنە بەشداربووەکان و هەڵسەنگاندنی ئامادەکاریەکان تاوتوێ کران.

سەرلەبەیانی ئەمڕۆ پێنجشەممە ٢٠٢٤/٢/١٥، بە ئامادەبوونی بەڕێز د.ئارام محمد قادر، وەزیری خوێندنی باڵاو توێژینەوەی زانستی، سەرۆکایەتی زانکۆی سلێمانی بڕوانامەی ڕێزلێنانی بەخشی بە بەڕێز(پ.د.مهاباد کامل عەبدوڵا) سەرۆکی زانکۆی هەڵەبجە.
مەراسیمەکەی زانکۆی سلێمانی بۆ ڕێزلێنانی ئەو مامۆستا بە ئەزمونانەبوو پلەی زانستیان (پڕۆفیسۆر )ەو خزمەتێکی زۆریان بە زانکۆ کردووەو ئەنجامداوە، لە مەراسیمەکەدا بەڕێز (پ.د. مهاباد کامل عەبدوڵا) سەرۆکی زانکۆی هەڵەبجە وەک یەکەم مامۆستا لە زانکۆی هەڵەبجە نازناوی پڕۆفیسۆری وەرگرتووە خەڵاتکرا.

Img 20240215 185735 009

سەرلەبەیانی ئەمڕۆ ١٤ی٢ی٢٠٢٤، سەرۆکی زانکۆی هەڵەبجە بەڕێز(پ.د.مهاباد کامل عەبدوڵا) لە سەرۆکایەتی زانکۆ، پێشوازیکرد لە بەڕێز(سەید ئەحمەد بەرزنجی) ناوبراو بەمەبەستی ئەنجامدانی چەند چالاکیەکی ئەکادیمی و زانستی و بەتایبەت کۆنفڕانسێکی تایبەت بە کەسایەتی یەکەم مەلیکی کوردستان (شێخ محمودی حەفید)و شۆڕشەکەی لە باشوری کوردستان سەردانی زانکۆی هەڵەبجەی کرد. بەڕێز سەرۆکی زانکۆ بەڵێنی هاوکاری و هەماهەنگی بە بەڕێز(سەید ئەحمەد بەرزنجی)داو ڕایگەیاند هەرچالاکیەکی زانستی پێویستی بەهاوکاری زانکۆی هەڵەبجە هەبێت لەهەرشوێنێک ئامادەی هاوکارین.

پێش نیوەڕۆی ئەمڕۆ چوار شەممە ۱٤ی ۲ی ۲۰۲٤ بە ئامادەبوونی بەڕێز ئازاد تۆفیق پارێزگای هەڵەبجە و پڕۆفیسۆر د. مهاباد کامل عبداللە سەرۆکی زانکۆی هەڵەبجە و ئەندامانی ئەنجومەنی زانکۆی هەڵەبجە دەروازەی سەرەکی زانکۆی هەڵەبجە کرایەوە .

ئامانج لەکردنەوەی ئەم دەروازەیە وەک پێویستیەک بۆ شکۆو ناوی زانکۆ و هاتووچۆکردنی مامۆستایان و فەرمانبەران و خوێندکاران و سەردانیکەرانی زانکۆی هەڵەبجەیە و لە لایەن وەزارەتی داراییەوە بوجەی بۆ تەرخان کراوە .

ماوەی کارکردن لە پرۆژەکە ۱۲۰ ڕۆژ بووەو لەلایەن فەرمانبەرانی ئەندازەو پرۆژەکانی زانکۆی هەڵەبجە کارەکانی جێبەجێ کراوە.

کردنەوەی ئەم دەروازەیە یەکێکیترە لە کاروچالاکیەکانی زانکۆی هەڵەبجە کە لەڕووی زانست و ڕانکین و ئاوەدانییەوە وە لەڕووی چالاکییەکانی لەگەڵ کۆمەڵگا زانکۆی هەڵەبجە هەمیشە لە بەرەو پێشچووندایە .

ئەمڕۆ سێشەممە ٢٠٢٤/٢/١٣،لە سەرۆکایەتی زانکۆ بەڕێز پڕۆفیسۆر د. مهاباد کامل عبداللە سەرۆکی زانکۆی هەڵەبجە بە ئامادەبوونی ئەندامانی ئەنجومەنی زانکۆ پێشوازیکرد لە بەڕێز سه‌رباز به‌رزنجی پارێزگاری شاری لامبیسی لەندەن کە بە هاوڕێیەتی بەڕێز هەڤاڵ ئەبوبەکر پارێزگاری سلێمانی سەردانی پارێزگای هەڵەبجەیان کردبوو.
بەڕێز پ.د.مهاباد کامل عبداللە بەناوی زانکۆی هەڵەبجەوە بەخێرهاتنی کردن و هیوای خواست ئەم سەردانەیان پەیوەندیەکانی زانکۆی هەڵەبجە و زانکۆکانی بەریتانیا لە ڕووی زانستی و ئەکادیمیەوە زیاتر گرنگی پێبدرێت.
پاشان بەڕێز سەرباز بەرزنجی باسی لە گرنگی زانکۆ کرد لە ئاڕاستەکردنی کۆمەڵگادا،هەروەها ئامادەیی خۆی ڕاگەیاند بۆ هاوکاری کردنی زانکۆی هەڵەبجە.
لە كۆتاییدا لەلایەن بەڕێز سەرۆکی زانکۆی هەڵەبجە خەڵاتی ڕێزلێنان بەخشرا بە بەڕێز سەرباز بەرزنجی پارێزگاری لامبیسی.

سەرلەبەیانی ئەمڕۆ ١٣ی٢ی٢٠٢٤، سەرۆکی زانکۆی هەڵەبجە بەڕێز(پ.د.مهاباد کامل عەبدوڵا)سوپاس و ڕێزلێنانی بەخشی بەگروپی کۆمپپانیاکانی هەڵەبجە کەبەڕێز(سامان یوسف) بەنوێنەرایەتی گروپی کۆمپانیاکانی هەڵەبجە وەریگرت، لەبەرامبەر ئەو هاوکاری و خزمەتانەی لەڕابردوودا پێشکەشی زانکۆی هەڵەبجەیان کردووە.
سەرۆکی زانکۆی هەڵەبجە ڕایگەیاند:خەمخۆری بەڕێز(ئاسۆی حاجی محمد بامۆکی)خاوەنی گروپی کۆمپانیاکانی هەڵەبجە گرنگ و بەرزدەنرخێنین بۆ زانکۆی هەڵەبجە بەتایبەت کەناوبراو خەمخۆرو پەرۆشبووە بۆ خزمەتکردن بەزانکۆو خوێندکارانی زانکۆی هەڵەبجە، هەروەک دوایەمین هاوکاریان بریتیبووە لە بەخشینی دیاری بەخوێندکارە دەرچووە سەرکەوتووەکانی ٢٠٢١-٢٠٢٢ وهەروەها ٢٠٢٣.

Img 20240213 182917 335

بەهاوکاری (سەنتەری پەرەپێدانی کار)ی  زانکۆی هەڵەبجە، ڕێکخراوی سییدی ئەمریکی دوو خولی بەدروشمەکانی”خێزانی تەندرووست، کۆمەڵگەیەکی بەهێز”بۆ کوڕان،”کچانی سیید”تایبەت بەکچان کردەوە، بۆ خوێندکارانی قۆناغی یەکەمی کۆلێجی پەروەردەی جەستەیی و زانستەوەرزشیەکان.
خولی یەکەم کارکردن بو بۆ بەسەنتەرکردنی خێزان و بەهێزکردنی لەکۆمەڵگەدا، جەخت لەسەر بەهێزکردنی پەیوەندیەکانی نێوان ئەندامانی خێزان دەکاتەوە، ڕۆڵە ئەرێنیەکانی خێزان گەشەپێدەدات و هەوڵی کەمکردنەوەی توندوتیژیەکان دەدات، لەم خولەدا کە تەنهابۆ کوڕان بوە ١٨ کوڕ بەشداربوون.
خولی دووەم کارکردنە لەسەر درووستکرنی پەیوەندیەکی هاوڕێیانەی باش و تەندرووست لەنێوان کچان لەخوێندنەگەو کۆمەڵگەدا، لەم خولەدا ١٤کچ بەشدارن، کچان شارەزای زیاتریان پێدەدرت دەربارەی کارامەییەکانی خۆپاراستن، خۆپاراستن لەمەترسیەکانی ئینتەرنێت، مافەکانی کچان، کارامەییە تەندرووستی و کۆمەڵایەتیەکانی کچان، خولەکان لە ٧ی١ی٢٠٢٤ دەستیپێکردووەو دوای تەواوبونی بڕوانامە دەبەخشرێت بەبەشداربوان.

chevron-down