شاندێكی ڕۆشنبیران و ئەدیبانی ڕۆژهەڵاتی کوردستان لە هەورامانی تەخت سەردانی زانکۆی هەڵەبجەیان كرد.

شاندەكە بەمەبەستی ئەنجامدانی چالاکی ئەکادیمی و ڕۆشنبیری لە رۆژی یەك شەممە ٢١-٥-٢٠٢٣ سەردانی زانکۆی هەڵەبجەیان کردو لە لایەن بەرێز پرۆفیسۆر دكتۆر مەهاباد كامیل سەرۆکی زانکۆ و دکتۆر ئەحمەد میرە راگری كۆلیژی پەروەردەی شارەزوور و ژمارەیەک لەمامۆستایانی زانکۆی هەڵەبجە، كە شارەزا و پسپۆری شێوەزار و ئەدەبی هەورامی بوون پێشوازیان لێکراو پاشان لەدانیشتنێکدا گفتوگۆ و ڕاگۆڕینەوە لەسەر ئەنجامدانی چالاکی ئەکادیمی و ڕۆشنبیری كرا.

شاندەكەی ڕۆژهەڵات لەسەر بانگهێشتی مەڵبەندی ڕۆشنبیری هەورامان سەردانی پارێزگای هەڵەبجەیان كردو لەوێستگەیەكی سەردانەكەیاندا، زانكۆی هەڵەبجەیان بەسەركردەوە، كە لەو بارەوە پرۆفیسۆر دكتۆر مەهاباد كامیل خۆشحاڵی خۆی بە سەردانەكەیان دەربڕی و جەختیكردەوە، كە دەبێت ئەو جۆرە سەردانانە بەردەوامی هەبێت.

سەرۆكی زانكۆی هەڵەبجە باسی لەوەش كرد، ئەم سەردان و بەسەركردنەوانە گرنگ و باسی لەوە كرد، كە دەبێت بەردەوام پەیوەندی جۆراوجۆر لە نێوان هەردوولادا هەبێت و بۆ ئەوەش ئامادەیی زانكۆی هەڵەبجەی نیشاندا، رایگەیاند، هەر هاوكارییەك لەسەر ئەوان بێت درێخی ناكەن و هەمیشە دەرگای زانكۆ بەڕووی هەموو لایەكدا كراوەتەوە، كە بیەوێت خزمەت بە رۆشنبیری و كەلتوری و هونەری و هەر بوارێكی تر بكات.

هەر لە كۆبوونەوەكەدا سەرۆكی زانكۆی هەڵەبجە بەرێز دكتۆر ئاریان سدیق، سەرۆكی بەشی زمانی كوردی لە كۆلیژی پەروەردەی شارەزووری راسپارد، تا وەك نوێنەری زانكۆ پەیوەندی بەردەوامی هەبێت لەگەڵ رۆشنبیرانی هەورامانی تەخت و كوردانی رۆژهەڵات، بۆ ئەوەی كارئاسانی بكرێت بۆ پەیوەندییەكانی نێوان هەردوولا.

خوێندکارێکی زانکۆی هەڵەبجە لە چوارچێوەی چالاکییەکانی خوێندنی ساڵی ٢٠٢٢ – ٢٠٢٣ دا لە بەشی بازرگانی خوێندنی ئێواران توێژینەوەیەکی لەگۆڤارێکی نێودەوڵەتی بەهاوکاری مامۆستایەكی بەشەكە بڵاوکردەوە، کە ئیندێکس کراوە لە هەردوو( Web of Science Clarivate analytical & Scoups) دا .

توێژینەوەکە بەناونیشانی:
Digital Consumer Behavior and Ecommerce Tendencies During the New War Crisis
لەلایەن خوێندکاری بەشی بازرگانی – ئێواران – قۆناغی دووەم بەناوی بەشدار حکیم نوری بەسەرپەرشتی مامۆستا ئارام محەمەد ئەمین قادر بڵاوكراوەتەوە، “لێرە كلیك بكە بۆ بینینی توێژینەوەكە”.

جگە لەوەش مامۆستا ئارام توێژینەوەیەکی دیکەی لەهەمان گۆڤار، کە لە سکۆپەسدا لیست کراوە بڵاو کراوەتەوە، ئەوەش بە بە ناونیشانی:
Revolutionizing Accounting and Assurance: The Untapped Potential of Blockchain

توێژینەوەكە بە هاوبەشی لەنێوان مامۆستا ئارام محەمەد ئەمین قادر و بەرێز د. هاوکار رەشید بڵاوكراەتەوە ، “لێرە كلیك بكە بۆ بینینی توێژینەوەكە”

.

لەمیانەی چالاکییەکانی خوێندن لە ساڵی ئەکادیمی ٢٠٢٢-٢٠٢٣ دا لەو وانانەی مامۆستا ئارام محەمەد ئەمین قادر دەیانڵێتەوە تائێستا شەش توێژینەوەی هاوبەشی مامۆستا و خوێندکارەكانی بڵاوبووەتەوە، هەروەها لە‌ئێستادا شەش توێژینەوەی دیکەی خوێندکارانی قۆناغی دووەم و سێیەم و چوارەمی بەشی بازرگانی خوێندنی بەیانیان – ئێواران ئامادەن بۆ بڵاوکردنەوە و لە ئەنجامدانی پرۆسەکانی بڵاوکردنەوەدان. .

هەر لەمساڵی خوێندنی ٢٠٢٢ – ٢٠٢٣ چوار توێژینەوەی دیکەی مامۆستا ئارام محەمەد ئەمین قادربە تەنیا و بە هاوبەشی لەگەڵ مامۆستایانی زانکۆکانی دیکە بڵاوکراوەتەوە، بەکۆی گشتی تائێستا مامۆستای ناوبراو لەمساڵی خوێندندا ١٠ توێژینەوەی لە گۆڤارە ئاست بەرزەکاندا بڵاوکراوەتەوە.

لە چوارچێوەی هەوڵە بەردەوامەکانی بەڕێز( پ.ی. د. ئاراز جمال ئاغا) تەلارسازو مامۆستا و توێژەر لە زانکۆی کۆڤێنتری لە ووڵاتی بەریتانیا، کۆرسێکی (BREEAM Accredited Graduate) وەرگرت بۆ خوێندکارانی بەشی ئەندازیاری شارستانی زانکۆی هەڵەبجە.

ڕۆژی ١٨-٥-٢٠٢٣، بەشێك لە خوێندکارانی بەشی ناوبراو بەشدارییان کرد لە تاقیکردنەوەیەکی نێودەولەتی بۆ ئەو کۆرسە. خوێندکارانی سەرکەوتووی کۆرس دەبنە خاوەنی بروانامەی نێودەوڵەتی   (BRE Academy) لەبواری (Sustainability) کە خۆی دەبینێتەوە لە دیزاین کردن و دروست کردنی بیناکان بەشێوەیەك کە بەپێی (2030 UN SDGs) (United Nations Sustainable Development Goals 2030) بڕی دوانۆکسیدی بەکارهاتوو لە ئەنجامی ووزەی ناو بیناکانەوە بەڕێژەی (50%) کەم ببێتەوە و لە داهاتووشدا (2050) نزیك ببێتەوە لە (0%). ئەمەش دەبێتە هۆی دروست کردنی بینایەك کە هاوڕێی ژینگەبێت (Green Building). لە هەمان کاتیشدا خوێندکارانی سەرکەوتوو بۆ ماوەی پێنج ساڵ ناویان دەچێتە سەر (Green Book Life) وەك شارەزا لە بوارەکەیا، هەروەها لۆگۆی  BRE وەرگرن.
پرۆسەکە لەژێر چاودێری بەڕێز پڕۆفیسۆری یاریدەدەر د.ئاراز و سەرپەرشتی بەڕیز م. هونەر فرید حمە علی، سەرۆك بەشی ئەندازیاری شارستانی بەردەوامە.
https://www.greenbooklive.com/

بە ئامادەبوونی بەرێز سەرۆکی زانکۆ و یاریدەدەری سەرۆکی زانکۆ و سەرۆک بەش و ڕاگری کۆلێژی زانست و ژمارەیەکی بەرچاو لە مامۆستا و خوێندکاری زانکۆ، لە هۆڵی کتێبخانەی ناوەندی، قۆناخی کۆتایی فیستیڤالی ماتماتیکی UoH Math Fest23 لە زانکۆی هەڵەبجە بەڕێوەچوو.

قۆناخی كۆتایی ڤیستیڤاڵەكە رۆژی چوار شەممە ١٧/٥/٢٠٢٣ بەرێوەچوو، كە قۆناخی سێیەم بوو، کۆتاییدا ٣ تیمی (کۆمپیوتەر قۆناخی ٤، فیزیا قۆناخی ٤، ئەندازیاری قۆناخی ٤) بەشداربوون و كێبڕكێی بردنەوەی پلەی یەكەمیان كرد.

چالاکییەکە بریتی بوو لە پێشبرکێیەکی ماتماتیکی، دوای ئەنجامدانی پێشبرکێیەکی بەهێز، تیمی فیزیا-قۆناخی چوار توانی براوە بێت و بۆ ساڵی دووەم لەسەریەک ببێتە پاڵەوانی فیستیڤالی ماتماتیکی لە زانکۆدا.

لەو ڤیستیڤاڵەدا یانزە تیم لە سێ بەشی جیاوازی زانکۆی هەڵەبجە كۆلیژی زانست بەشداربوون، بە سێ قۆناخ و بۆ ماوەی هەفتەیەک پێشبرکێکە بەردەوام بوو.

فیستیڤالی ماتماتیکی بەسەرپەرشتی سەنتەری گەشەپێدان بۆ کار CDC, بە سپۆنسەری دەزگای میدیایی ٩٦٤ لە نێوان ١٠-١٧/٥/٢٠٢٣ لە زانکۆی هەلەبجە ئەنجامدراو رۆژی چوار شەممە 17/5/2023 كۆتایی بە چالاكییەكانی هات.

زانكۆی هەڵەبجە لە ریزبەندییەكی نوێی زانكۆكانی هەرێمی كوردستان هەنگاوێكی گەورە چووەنە پێشەوەو پێش چەند زانكۆیەكی تر كەوتووە.

ریزبەندییەكە تایبەتە بەڕادەی متمانە و دڵنیایی پێگە ئەلکترۆنییەکانی زانکۆکانی هەرێمی کوردستان، کە بەشێكە لە پێوەرەکانی ریزبەندی وێبۆمێترێکسی ئیسپانی بۆ مانگی ئایاری 2023 و زانكۆی هەڵەبجەش لەو رێزبەندییە دوو پلە هاتووەتە پێشەوە .

بەپێی ریزبەندییەكە زانكۆی هەڵەبجە ئێستا لە پلەی سیانزەیەمی ریزبەندی زانكۆكانی هەرێمی كوردستانەو ئەوەش هەنگاوێكی گەورەیە بۆ زانكۆی هەڵەبجە، كە بە دڵنیایی لە ئەنجامی كاركردنی بەردەوام هەنگاوی گەورەتر و پێشكەوتنی زیاتری بەدواوە دێت.

سەنتەری توێژینەوەی زانستی زانکۆی هەڵەبجە و بەڕێوەبەرایەتی تەندرووستی و سەلامەتی زانکۆ، خولێکی فریاگوزاری سەرەتایی بۆ فەرمانبەران و خوێندکاران و مامۆستایان ئەنجام دەدات.

سەرلەبەیانی ئەمڕۆ ١٦-٥-٢٠٢٣،  خولەکە لەکۆلێجی پەروەردەی شارەزوور پێشکەشکرا.
خولی فریاگوزاری سەرەتایی، بۆ فەرمانبەرانی بەڕێوەبەرایەتی و کۆلێجەکان دەبێت بەشێوەی تیۆری و پراکتیکی، تێیدا بەووردی ناساندنی فریاگوزاری سەرەتایی و هەنگاوەکانی، کەسی فریاگوزار کێییەو چۆن فریاگوزاری ئەنجام دەدرێت، ڕێنمایی بۆ فریاکەوتن و ڕزگارکردن، دوورکەوتنەوە لەئەنجامنەدانی هەندێک کاری نادرووست و کەمکردنەوەی ڕێژەی کەمئەندامی لەو مرۆڤانەی توشی ڕووداوی هاتوچۆ دەبن و دوورخستەوەی کەسەکە لەمەترسی، پەیوەندیکردن بەسەنتەری فریاگوزاری و  هەناسەدانی دەسکرد، گیرانی ڕێڕەوی هەناسە، گەشکەو ئازاری سەر سنگ، خوێنبەربوونی دەرەرەکی و ناوەکی و لوت، سووتان، حاڵەتەکانی گەستن(مار، دووپشک)، نیشانەکانی ناسینەوەی نەخۆشیەکان و چەندین بابەتیتر بەووردی دەوترێتەوە لەلایەن پزیشکەکانی  سەنتەری توێژینەوەی زانستی(د.جیهاد ئیبراهیم حمە، د.دلێر کریم، د.زانا باقی، د.محمد سوبحان)  لەگەڵ  کارمەندانی تەندروستی(سەعد مهدی، ماریا جەلال ،ئیحسان ڕێبوار، ئاراس حمەسعید، مسلیم علی ).

لە وەزارەتی خوێندنی باڵا و توێژینەوەی زانستی کۆبونەوەیەک بۆ داڕشتنی پلانی کاری داهاتووی سەنتەرەکانی پەرەپێدانی کار (CDC) لە زانکۆکانی هەرێمی کوردستان بەڕێوەچوو، كە بەرێز مامۆستا بەهادین محەمەد بەرێوەبەری سەنتەری پەرەپێدانی كاری زانكۆی هەڵەبجە بەشداربوو.

لەو کۆبونەوەیەدا د. عبدالفتاح عبدالرزاق بریکاری وەزارەتی خوێندنی باڵا و توێژینەوەی زانستی لە وتەیەکیدا بەگرنگی باسی سێنتەرەکانی پەرەپێدانی کار (CDC) لە زانکۆکان کرد و ڕاگەیاند: سێنتەرەکانی پەرەپێدانی کار دەتوانن لە کاتی خوێندن و دوای تەواوکردنی خوێندنیش خزمەتێکی گەورە و فراوان پێشکەش بە قوتابیان و خوێندکاران بکەن و، دەرفەتی کاریشیان بۆ بڕخسێنن، دوپاتیشکردەوە وەزارەتی خوێندنی باڵا پاڵپشتی تەواوی سێنتەرەکانی پەرەپێدانی کارە (CDC) لە زانکۆکان.

لە تەوەرێکی دیکەی کۆبونەوەکەدا کە بەسەرپەرشتی د.خەتاب ئەحمەد بەڕێوەبەری گشتی فەرمانگەی خوێندن و پلاندانان و بەدواداچون و بەئامادەبونی نوێنەرانی ڕێکخراوی ئایرێکس و پەیمانگەی داهێنان و نوێگەری کوردستان (KII) و بەڕێوەبەری سێنتەرەکانی پەرەپێدانی کار (CDC) لە وەزارەت و زانکۆکان بەڕێوەچو، بەڕێوبەری گشتی فەرمانگەی خوێندن و پلاندانان و بەدواداچون لە وتەیەکدا ئامانجی کۆبونەوەکەی ئاشکرا کرد و وتی: دەخوازین پلانێکی تۆکمە و هەمەلایەن بۆ کاری داهاتووی سێنتەرەکانی پەرەپێدانی کار لە زانکۆکان دابڕێژین، بۆ ئەوەش وتی: سوپاسی ڕێکخراوی ئایرێکس دەکەین، کە لە سەرەتای دامەزراندنی سێنتەرەکان تاوەکو ئێستا هەماهەنگ و هاوکاری سەرەکی وەزارەت بون، وتیشی هەوڵەکانیان بەرز دەنرخێنین. د.خەتاب ئەحمەد ئەوەشی ڕاگەیاند: کە وەزارەت بەهاوکاری ڕێکخراوی ئایرێکس نەخشەڕێ و پلانی کاری داهاتوی سێنتەرەکان دادەڕێژێ.

لە بەشێکی دیکەی کۆبونەوەکەدا، نوێنەری پەیمانگەی داهێنان و نوێگەری کوردستان (KII) وتی: هەر بیرۆكەیەك ببێتە هۆی داهێنان یان نوێگەری یان بزنسسی نوێ لەبواری (IT) بێت یان بواری سیستمی خزمەتگوزاری وه‌ك (پەروەردە، تەندروستی، خوێندنی باڵا) بێت یان دروستكردنی بەرهەمێكی ناوازە و نوێ بێت، هەموویان بەهەند وەردەگرین، بۆ ئەوەش ڕاگەیاند: سێنتەرەکانی پەرەپێدانی کار (CDC) لە زانکۆکان وێستگەیەک بۆ ئەوەی بتوانین گەنجانی بەرهەمەند بدۆزینەوە و پاڵپشتی تواناکانیان بکەین، وتیشی خۆشحاڵ دەبین ئاستی هەماهەنگیمان لەگەڵ سێنتەرەکان فروان بکەین.

لە بەشێکی دیکەی کۆبونەوەکەدا، ئامادەبوان گفتوگۆیان لەبارەی داڕشتنی پلانی داهاتوی کاری سێنتەرەکان کرد، بەئامانجی پەرەپێدانی توانای خوێندکاران و قوتابیان و دەرچوان و یارمەتیدانیان بۆ ڕەخساندنی دەرفەتی کار و پاڵپشتیکردنی بیرۆکەکانیان، بەو پێیەی سێنتەرەکان دەتوانن دەرفەتی گرنگ بۆ دەرچوان بڕخسێنن تا پەرە بەتوانا و لێهاتوەکانیان بدەن بۆ چۆنیەتی دۆزینەوەی کار، هەروەک جەخت لەسەر ئەوەش کرایەوە کە زانکۆکان بەهاوکاری شارەزا و پسپۆڕان پرۆگرامی ڕاهێنان لە بوارە جیاکان دابڕێژن، بۆ ئەو مەبەستەش ئامادەبوان چەندین بیروڕایان خستەڕو، هەروەک چەند پێشنیازێکیشیان بۆ کار و پلانی داهاتوی سێنتەرەکان خرایەڕو.

سەنتەری گەشەپێدان بۆ کار بە سپۆنسەری دەزگای میدیای ٩٦٤ دەستیکرد ئەنجامدانی ڤیستیڤالی ماتماتیکی UoH-Math Fest 23 لە زانكۆی هەڵەبجە.

چالاکی سەرەكی ڤیستیڤاڵەكە بریتییە لە پێشبرکێیەکی زانستی ماتماتیکی بە شێوەی تیم، کە ١١ تیم لە سێ بەشی جیاوازەوە بەشداربوون.

ئەو ڤیستڤاڵە ماوەی هەفتەیەک دەخایەنێت و بە سێ قۆناخ ئەنجام دەدرێت، رۆژانی چوارشەممە و پێنجشەممەی رابردوو قۆناغی یەکەمی UoH-Math Fest 23 بە بەشداری سەرجەم قۆناخەکانی بەشەکانی زانستی کۆمپیوتەر، فیزیا، ئەندازیاری ئەنجامدرا.

براوەکانی قۆناغی یەکەم بریتی بوون لە: قۆناغی یەکەم و چوارەمی بەشی کۆمپیوتەر، قۆناغی سێیەم و چوارەمی بەشەکانی فیزیا و ئەندازیاری.

رۆژی یەکشەممەی ئایندە قۆناغی دوووەمی پێشبرکێکە ئەنجام دەدرێت بە بەشداری ٦تیمی سەرکەوتوی قۆناخی یەکەم.

ئەم ڤیستیڤالە لەلایەن سەنتەری گەشەپێدان بۆ کار CDC بە سپۆنسەری دەزگای میدیای ٩٦٤ ئەنجام دەدرێت.

سه‌نته‌ری گه‌شه‌پێدان بۆ كار(CDC)ی زانكۆی هه‌ڵه‌بجه‌ فۆڕمی به‌شداریكردن له‌ پڕۆگرامی ڕاهێنانی تواناكان ڕاده‌گه‌یه‌نێت

ساڵانه‌ پڕۆگرامی ڕاهێنانی تواناكان بۆ خوێندکارانی زانكۆكان به‌ڕێوه‌ده‌چێت، ئه‌مساڵیش خۆشحاڵانه‌ زانكۆی هه‌ڵه‌بجه‌ خوێندکارەكانی بێبه‌ش ناكات له‌و پڕۆگرامه‌  ناوازه‌.

Internship پڕۆگرامێكه‌ تێیدا خوێندکار ڕاهێنان ده‌بینێت له‌ بواری پسپۆڕی خۆی له‌ شوێنێكی دیاریكراو

بۆ زانینی زانیاری زیاتر له‌سه‌ر پڕۆگرامه‌كه‌ سه‌ردانی ئه‌م به‌سته‌ره‌ بكه‌ن .

https://m.facebook.com/story.php?story_fbid=542331638059720&id=100068486640175&mibextid=qC1gEa

پێشوه‌خته‌ سه‌یری لیستی شوێنه‌ ئاماده‌كراوه‌كانمان بكه‌ن بۆ ئه‌وه‌ی بڕیار بده‌ن له‌ كوێ ڕاهێنان ده‌بینن .

بۆ خۆ تۆماركردن له‌ پڕۆگرامه‌كه‌ سه‌ردانی ئه‌م به‌سته‌ره‌ بكه‌ و به‌ وردی زانیاریه‌كان پڕ بكه‌ره‌وه‌ .

https://docs.google.com/forms/d/1_CDXvFuaca1AQvzzZ2KsbaXojM172iY6p52YTSYA_Ns/edit?usp=drivesdk

ئه‌و خوێندکارانەی له‌ شاره‌كه‌ی یان شوێنی نیشته‌جێبونه‌كه‌ی هیچ شوێن كارێك له‌ لیسته‌كه‌ نیه‌, ئه‌وا ده‌توانێ ئاره‌زومه‌ندانه‌ له‌گه‌ڵ شوێن كارێك  ڕێك بكه‌ون و ئێمه‌ی لێ ئاگادار بكه‌نه‌وه‌ .
له‌ بوونی هه‌ر حاڵه‌تێك تكایه‌ ئاگادارمان بكه‌نه‌وه‌ .

دوو سەنتەری نوێی توێژینەوە لە دوو بواری جیاوازدا لە زانكۆی هەڵەبجە دەكرێنەوە.

سەنتەرێكیان تایبەتە بە بواری جینۆساید و بە ناوی “ناوەندی توێژینەوەی جینۆساید و تاوانە نێودەوڵەتییەكان” و سەنتەرەكەی تریش تایبەتە بە بواری زمانەوانی بە ناوی “سەنتەری زمانەوانی حەمەی مارف” دەكرێنەوە.

سەنتەری ناوەندی توێژینەوەی جینۆساید و تاوانە نێودەوڵەتییەكان بە پێی فەرمانی زانكۆیی ژمارە 2/5/1800 و بەپێی فەرمانی وەزاری ژمارە 7887 لە رێككەوتی 4/5/2023 دەكرێتەوە، سەنتەری زمانەوانی حەمەی مارفیش بەپێی فەرمانی زانكۆیی 2/5/1799 و بە فەرمانی وەزاری 8788 لە رێكەوتی 4/5/2023 دەكرێتەوە.

بڕیارە هەردوو سەنتەر ساڵانە بەپێی تایبەتمەندی خۆیان، چەندین چالاكی تایبەت لە بوارەكەی خۆیان ئەنجامبدەن و بە راپۆرت ئاراستەی سەرۆكایەتی زانكۆی هەڵەبجەی بكەن.