ژمارە بیست و پێنج (وەشانی ١ی بەرگی ٩ی سالی ٢٠٢٤) گۆڤاری زانکۆی هەڵەبجە بڵاوکرایەوە. ئەم ژمارەیە ٢٥ توێژینەوەی جیاوازی بە زمانەکانی کوردی، ئینگلیزی، فارسی و عەرەبی لەخۆدەگرێت، کە پێکهاتووە لە بابەتەکانی زمان، ئەدب، ڕامیاری، ئابوری، ئاینی، راگەیاندن، مێژووی، جوگرافی، پەروەردەیی و دەروونزانی.
گۆڤاری زانکۆی هەڵەبجە یەكێكە لەگۆڤارە زانستییە ئەكادیمییەكان و لەلایەن وەزارەتی خوێندنی باڵاو توێژینەوەی زانستیەوە باوەڕپێکراوە. هەروەها گۆڤارەكە لەچەندین دامەزراوەی زانستی نوانە كراوە، لەهەمان كاتدا خاوەنی (DOI) و (ISSN)ی تایبەتی خۆیەتی. گۆڤاری زانکۆی هەڵەبجە لە لایەن زانکۆی هەڵەبجەوە بلاودەکرێتەوە و ساڵانە بەشێوەی وەرزانە ٤ ژمارە لە ساڵێکدا بڵاودەکاتەوە و ئێستا لە ساڵی نۆیەمی بڵاوکردنەوەدایە.
بۆ بینینی سەرجەم توێژینەوەکانی ئەم ژمارەیە کلیک لێرە بکەن:
بەمەبەستی زیاتر بەرەوپێشبردنی کەرتی خوێندنی باڵاو کەرتی تەندرووستی و خزمەتکردن بەهەڵەبجە، هەنگاوەکانی کردنەوەی کۆلێجی پزیشکی لە زانکۆی هەڵەبجە خێراتردەکرێن و ڕێکارەکانیش لەگەڵ وەزارەتەکانی خوێندنی باڵا، تەندروستی و دارایی دەگیرێتە بەر.
سەرلەبەیانى ئەمڕۆ چوارشەممە ٢٠٢٤/٣/٢٧ لە سەرۆکایەتی زانکۆی هەڵەبجەبە ئامادەبوونی بەڕێزان (ئازاد تۆفیق، پارێزگاری هەڵەبجە، پڕۆفیسۆر د. مهاباد کامل عبداللە، سەرۆکی زانکۆی هەڵەبجە)و ئەندامانی بۆردی باڵای کردنەوەى کۆلێجی پزیشکی لە زانکۆی هەڵەبجە، تاوتوێی خێراترکردنی کردنەوەی کۆلێجی پزیشکی کراو کۆمەڵێک ڕێوشوێن ڕێکەوتنیان لەسەرکراو ئەندامانی بۆرد پەیوەست بەکردنەوەی کۆلێجەکە رایانگەیاند لای خۆیانەوە هاوکاری تەواوی زانکۆ دەکەن بەمەبەستی هەنگاوەکانی کردنەوەی کۆلێجەکەو لەگەڵ وەزارەتەکانی خوێندنى باڵا و دارایی و تەندروستى بە هەماهەنگی لە ڕووی زانستى و پزیشکیەوە ئامادەکاریی بۆ دەکرێت.
بۆ خزمەتکردنی زیاتر بەزانست و بەردەوامی هەنگاونانی زانکۆی هەڵەبجە لەبەرەوپێشچوون، وەزارەتی خوێندنی باڵاو توێژینەوەی زانستی بەنوسراوی ژمارە( ٥٧٣٧)لە ڕێکەوتی ٢٥ی٣ی٢٠٢٤و لەسەر داواکاری زانکۆی هەڵەبجە ڕەزامەندی دەربڕی بەکردنەوەی بەشی(زانستی وەرزش بۆ تەندرووستی و بەجێهێنان)، ئەم بەشە سەر بەکۆلێجی پەروەردەی جەستەیی و زانستە وەرزشیەکان دەبێت و یەکێکیترە لەهەنگاوە ئەکادیمیەکانی زانکۆی هەڵەبجە بۆ خزمەتکردن بەخوێندکارانی ئارەزوومەند لەو بوارەدا کەدەیانەوێت پسپۆڕی تەواو بەدەستبهێنن، هاوکات هەوڵێکیتری زانکۆی هەڵەبجەیه بۆ خزمەتکردن بەهاووڵاتیانی هەڵەبجە.
لەچوارچێوەی بەشداریکردنی لە ٣٦هەمین ساڵیادی کیمیایی بارانکردنی هەڵەبجەداو لەهۆڵی کتێبخانەی ناوەندی زانکۆی هەڵەبجە، بەڕێز(د.ئارام محمد قادر) وەزیری خوێندنی باڵاو توێژینەوەی زانستی، فەرمانی کردنەوەی کۆلێجی پزیشکی ڕادەستی سەرۆکی زانکۆی هەڵەبجە بەڕێز(پ.د.مهاباد کمل عەبدوڵا)کرد، هاوکات بڕیاری دابینکردنی دووسەد ملیۆن دیناری بۆ ژێرخانی کۆلێجەکەدا؛ کردنەوەی کۆلێجی پزیشکی یەکێکە لەهەوڵەگرنگ و ئەکادیمیەکانی زانکۆ بۆ خزمەتکردن بەکوردستان بەگشتی و هەڵەبجە بەتایبەت.
ئەم ڕاگەیاندنەى د. ئارام محمد قادر وەزیرى خوێندنى باڵا و توێژینەوەى زانستى ئەمڕۆ شەممە، ڕێکەوتى (16-3-2024)، لە ڕێورەسمی 36ەمین ساڵیادی کیمیابارانی هەڵەبجەدا هات کەلەلاین زانکۆمان ڕێکخرابوو.
لە ڕێورەسمەکەدا پارێزگارى هەڵەبجە و ڕاوێژکارو بەڕێوەبەرانى گشتى و یەکە ئیدارییەکان و مامۆستایان ئامادەیبون، وەزیری خوێندنی باڵا و توێژینەوەی زانستی وتی؛ دەمەوێت ئەو موژدەیە بە هەمو لایەک رابگەیەنم، ئەمڕۆ فەرمانی کردنەوەی کۆلێجی پزیشکی لە زانکۆی هەڵەبجە رادەستی سەرۆکی زانکۆ دەکەم و لەئەمڕۆوە زانکۆى هەڵەبجە دەبێتە خاوەن کۆلێجی پزیشکی. بۆ ئەمەش داوا لە خەڵک و هەمو لایەنە پەیوەندیدارەکان دەکەین هاوکارمان بن بۆ ئەوەی زانکۆی هەڵەبجە ببێتە زانکۆیەکی زۆر باش و خاوەن کواڵێتییەکی بەرز.
پاش نیوەڕۆی ئەمڕۆ شەممە ۱٦ی ۳ی ۲۰۲٤ لە هۆڵی کتێبخانەی ناوەندی زانکۆی هەڵەبجە لە ۳٦هەمین ساڵیادی جینۆسایدی هەڵەبجەدا بە ئامادەبوونی بەڕێز د.ئارام محمد قادر وەزیری خوێندنی باڵاو توێژینەوەی زانستی و پ.د.مهاباد کامل عبداللە سەرۆکی زانکۆ و بەڕێز ئازاد تۆفیق پارێزگاری هەڵەبجە و چەندین کەسایەتی حکومی و ئیداری و حیزبی و خانەوادەو کەسوکاری شەهیدان و مامۆستایانی زانکۆ چەند چالاکییەک بەڕێوەچوو .
سەرەتا و وەک هەمیشە بەچەند خولەکێک وەستان بۆ گیانی پاکی شەهیدان و شەهیدانی جینۆسایدی هەڵەبجە هەمووان چەند خوولەکێک بەبێدەنگی بەپێوە وەستان .
دواتر د.ئارام محمد وەزیری خوێندنی باڵاو توێژینەوەی زانستی وتارێکی خوێندەوەو تیایدا هاوخەمی و پەژارەی خۆی دەربڕی بەرامبەر بەو کارەساتە گەورەو جەرگبڕەی کەبەسەر مناڵ و ژن و خەڵکی بێتاوانی ئەم شارەدا هاتووە ، هەر لەوتارەکەیدا دەسکەوتێکی گەورەی زانکۆی هەڵەبجەو شاری هەڵەبجەی واژۆ کردو فەرمانی کردنەوەی کۆلێجی پزیشکی هەڵەبجەی ڕادەستی پ.د.ماباد کامل عبداللە سەرۆکی زانکۆی هەڵەبجە کرد .
پاشان پ.د.مهاباد کامل عبداللە سەرۆکی زانکۆی هەڵەبجە وتاری سەرۆکایەتی زانکۆی هەڵەبجەی خوێندەوەو هاوخەمی خۆیان بۆ ئەم کارەساتە گەورەیە دەربڕی .
لە درێژەی چالاکییەکاندا لەلایەن گرووپی فێرگەی ( نەوا ) چالاکی دەف ژەنین بەناونیشانی ( پەنجەکانی شار ) پێشکەشکراو ، سردووی شارەکەم لەلایەن هونەرمەند ( نەجم محمد عبداللە ) پێشکەشکرا .
لەکۆتاییدا پانێڵێک بەناونیشانی ( هەڵەبجە لە جینۆسایدکردنەوە ، بۆ ئاوەدانکردنەوەو قەرەبوو کردنەوە ) لەلایەن دکتۆرە بەفراو ڕەووف حمە یوسف بەڕێووەچوو بۆهەریەک لەبەڕێزان :
یەکەم / پانێڵیست محمد علی قادری سەرۆکی فەرمانگەی چاودێری کۆمەڵایەتی کۆماری ئێسلامی ئێران بەناونیشانی ( دۆخ و چارەنووسی منداڵە ونبووەکانی هەڵەبجە لە کۆماری ئیسلامی ئێراندا ) پێشکەشکرد .
دووەم / پانێڵیست د.عیبار ڕۆحی بەناونیشانی ( هەڵسەنگاندنی بڕیاری دادگای لاهای لە کەیسی ( فرانس ڤان ئان رانت )دا پێشکەشکرد .
سێیەم / پانێڵیست د.ئاوارە محمد حسێن ڕاگری کۆلێجی یاسا بەناونیشانی ( بنەماو شێوازەکانی قەرەبووکردنەوەی قوربانیانی جینۆسایدی هەڵەبجە ) پێشکەشکرد .
بەکۆتایی هاتنی پانێڵەکە کۆتایی بەچالاکییەکانی ۳٦ هەمین ساڵیادی جینۆسایدی هەڵەبجە لە زانکۆی هەڵەبجە کۆتایی هات .
بەمەبەستی پەرەپێدانی كاری پێكەوەیی و هەماهەنگی لەنێوان زانكۆ و كەرتی تایبەت و كەرتی حكومی، بۆردێكی ڕاوێژكاری لەنێوان زانكۆكانی سلێمانی و هەڵەبجە و چەرموو دروستدەكرێت، ئەو بۆردە لەلایەن مامۆستایەكی ئەكادیمییەوە سەرپەرشتی دەكرێت، بەئەندامێتی چەند كەسایەتییەك لەكەرتی تایبەت بەڕێوەدەبرێت،جێی باسە، ڕۆژی ۱۰ی ئاداری ۲۰۲٤، لەهۆڵی سەنتەری هەماهەنگی زانكۆ و كۆمەڵگە لەسەرۆكایەتی زانكۆی سلێمانی، پانێڵێک بەناونیشانی Industry Advisory Board بۆ د.خەتاب ئەحمەد و د.ئامانج عەبدوڵڵا ڕێكخرا. لەو پانێڵەدا كە نوێنەرانی زانكۆی سلێمانی و هەڵەبجە و چەرموو ئامادەیبوون، باس لەپڕۆژەی IAB كراو ئامانج و مەبەستەكانی خرایەڕوو.
بەشی زمانی ئینگلیزی لە کۆلێژی پەروەردەی بنەڕەتی زانکۆی هەڵەبجە و ڕێکخراوی ئامیدیستی ئەمریکی سەبارەت بە زەمالەی خوێندنی فوڵبرایتی ویلایەتە یەکگرتوەکانی ئەمەریکا بۆ ئاستی ماستەر لە ڕێکەوتی (٣/٣/٢٠٢٤) وێرکشۆپێک بە ناونیشانی (Fulbright Foreign Student Program) بە هاوبەشی ئەنجام دەدەن.
مامۆستا هەندرێن باڵەکی لە ڕێکخراوی ئامیدیست بە شێوەیەکی چڕوپڕ باسی لە ئامانج و گرنگی زەمالەی فوڵبرایت کرد و مەرج و داواکاری و وردەکاریەکانی ڕونکردەوە. پاشان وەڵامی پرسیاری ئامادەبوانی دایەوە.
هەروەها وەک دەرچویەکی سەرکەوتووی یەکێک لە پرۆگرامەکانی بەرنامەی فوڵبرایت، مامۆستا بێوەی نەقشبەندی لە بەشی ئینگلیزی زانکۆمان بە کورتی باسی ئەزمونی خۆی کرد و هانی ئامادەبوانی دا کە پێشکەشی پرۆگرامی ناوبراوی بکەن
. لیژنەی دڵنیایی جۆری بەشی ئینگلیزی سەرپەرشتی ئەنجامدانی وێرکشۆپەکەی کرد کە تێیدا ژمارەیەکی بەرچاو لە مامۆستایان و خوێندکاران و یاریدەدەری توێژەرەکان و دەرچوانی زانکۆ بە خۆشحاڵیەوە ئامادەبوون.
ئەمڕۆ چوارشەممە ٢٠٢٤/٣/١٣، بە ئامادەبوونی بەڕێزان پڕۆفیسۆر د.مهاباد کامل عبداللە سەرۆکی زانکۆی هەڵەبجە و ئازاد تۆفیق پارێزگاری هەڵەبجەو ژمارەیەک لە بەرپرسی ئیداری و ئەمنی یەكەمین كۆنفراسی ڕێکخراوی( مید )بۆ گەشەپێدانی مرۆیی لە هۆڵی كتێبخانەی ناوەندی زانكۆی هەڵەبجە بەڕێوەچوو.
لە كۆنفرانسەكەدا گفتوگۆكرا لەسەر ڕۆڵی زانستی داتا لە بڕیاردانی ستراتیژی و بەكارهێنانی تەكنەلۆژیا زیرەكەكان بۆ پەرەپێدانی گەشەی ئابووری و باشتركردنی كوالیتی ژیان،شایانی باسە پێشتر بەڕێز قوباد تاڵەبانی جێگری سەرۆک وەزیران لە وتارێکیدا لە یەکەمین کۆنفڕانسی رێکخراوی مید، سێ پرۆژەی شۆڕشی داتا و سمارت سولی و سازدانی کۆڕبەندی گەنجانەی تەکنەلۆژیا بۆ داهێنان و کارسازی راگەیاندبوو.
هەر لە كۆنفرانسەكەدا دەستپێكی پڕۆژەی توێژینەوەی گەشتوكاڵی هەڵەبجە (HARP) ڕاگەیەنرا.
لە چوارچیوەی چالاکیەکی نێوەدەوڵەتیدا، ڕێکخراوی ئایرێکس لە ڕێگەی پڕۆگرامی سەرهێڵی (Global Solutions Conversations) ژمارەیەک خوێندکاری بەشی زمانی ئینگلیزی زانکۆی هەڵەبجە زانکۆی فلۆریدا کۆدەکاتەەوە. خوێندکارانی زانکۆی هەلەبجە لە ژێر سەرپەرشی م. گۆران عومەر مامۆستا لە بەشی زمانی ئینگلیزی بەشدار پڕۆگرامەکە دەکەن. ئامانجەکانی پڕۆگرامەکە بریتین لە ڕەخساندنی دەرفەت بۆ خوێندکارانی هەردوو زانکۆ گفتوگۆ لە بارەی کێشە جیهانیەکانەوە بکەن لە ڕوانگەی کاریگەری کێشەکان لە سەر کۆمەڵگە نیوخۆییەکانیان، و پەرەپێدانی توانای پویوەندیکردنە کەلتوریەکانی خوێندکاران. خوێندکاران هەردوو زانکۆ بە پەرۆشیەوە بەشداری گفتوگۆکان دەکەن تێڕاونین و پاشخانە جیاوازەکانیان لەبارەی کەلتوورە جیاوازەکان و کێشە هەنووکەییەکانەوە دەخەنە ڕوو.
جێی باسە ئەم پڕۆگرامە کە پڕۆگرامێکی شەش هەفتەیی سەرهێڵە، ساڵانە لە ڕێگای ڕێکخراوی ئایرێکسەوە دەکرێتەوە و ژمارەیەک لە زانکۆکانی کوردستان، ئەردەن و ئەمریکا تیایدا بەشدارن. لە ڕێگەی هەماهەنگیەکانی ئایرێکسەوە زانکۆیەکی کوردستان و زانکۆیەکی ئەمریکی بەیەک دەگەینرێن بۆ ئەوەی پێکەوە گفتوگۆو بۆچوونەکانیان بخەنە ڕوو. زانکۆی هەڵەبجە وەک یەکێک لە زانکۆکانی کوردستان بۆ دووەمین جارە لەسەر یەک بە سەرپەرشتی م. گۆران عمر بە دوو کۆمەڵ خوێندکاری جیاوازەوە بەشداری پڕۆگرامەکە دەکات.
سەرۆکی زانکۆی هەڵەبجە بەرێز (پ.د. مهاباد کامل عبدالله) به هاوڕێیەتی ليژنەی چالاکییە کانی ٨ ی مارس چەند ژنێکی پارێزگای هەڵەبجە بەسەردەکاتەوە.
سەرۆکی زانکۆ، سەردانی چوار خانمی لێهاتووی شاری هەڵەبجەیان کرد و خە ڵات و چە پکەگوڵیان پێشکە ش کرا. ئەوخانمانەی بەسەرکرانەوە بریتیبوون لە:
١- شیلان والی على خاوه نى پۆشاکی نایاب.
٢- سومە یە احمد محمد خاوە نی گوڵی سروشتی ساڤیا.
٣- ناسک رشید مارف پۆلیسی هاتوچۆ.
٤- شە نگە عثمان خاوە نی شە نگە بیوتی (دروست کردنی سابون).
سەرۆکی زانکۆی هەڵەبجە هەوڵ و ماندووبونی ئەم خانمانەی بەرزنرخاندو هیوای سەرکەوتنی بۆ خواستن، ناوبراوانیش سوپاسی سەرۆکی زانکۆو هاوڕێیانی کرد کەلەم ڕۆژەدا سەردانیان کراوەو ڕێز لەپیشەو ماندووبونیان گیراوە.
