كۆ‌لێجی په‌روه‌رده‌ی جەستەیی وزانستە وەرزشییەکان، به‌پێی فه‌رمانی وه‌زاری ژماره‌ (4/9464) له‌ ڕێکەوتی (14/5/2013) دامه‌زراوه‌.

سیسته‌می خوێندن له‌م كۆ‌لێجه‌ ‌بە پێی پێواژوی بۆڵۆنیایە و ماوه‌ی خوێندن تیایدا (4) ساڵی ئەکادیمیە‌ ، ده‌رچووانی بڕوانامه‌ی به‌كالۆ‌ریۆ‌س وه‌رده‌گرن له‌ بواری په‌روه‌رده‌ی وه‌رزشدا و داده‌مه‌زرین به‌ مامۆ‌ستا له‌ خوێندنگا ئاماده‌ییه‌كانی وه‌زاره‌تی په‌روه‌ده‌ به‌ هه‌مان شێوه‌ وه‌زاره‌ته‌كانی خوێندنی باڵاو توێژینه‌وه‌ی زانستی و رۆ‌شنبیری و لاوان و ناوخۆ‌ و پێشمه‌رگه‌.‌

خوێندكار له‌ ڕێگه‌ی ئه‌نجامدانی تاقیكردنه‌وه‌ی لێهاتوویی كارامه‌یی و جه‌سته‌ییه‌وه‌ وه‌رده‌گیرێت ، كە لە ئێستادا ئەم کۆلێجە لە یەک بەش پێکهاتووە :
1 ) بەشی پەروەردەی وەرزش.
یەکەم کۆلێج لەسەر ئاستی زانکۆی هەڵەبجە کە خوێندنی باڵای تێدایە کە خاوەنی چوار خولی دەرچووی ( پلەی ماستەر ) ، وە یەک خولی ( پلەی دکتۆرا ) تێدایە .

خوێندنی ئێوارانیش لەم کۆلێجەدا هەیە :
1 ) بەشی پەروەردەی وەرزشی بنەڕەت.

بەشی پەروەردەی وەرزش
بەشی پەروەردەی وەرزش یەکێکە لە بەشە زانستییەکانی کۆلێجی پەروەردەی جەستەیی وزانستە وەرزشییەکانی زانکۆی هەڵەبجە ، ئامانجی ئەم بەشە پێشەوایەتی وپێشخستنی بوارەکانی فێرکردن وپێشەیی وتوێژینەوەیە بە جۆرێک کە ببێتە ناوەندێک بۆ پرۆگرامی زانستی وچالاکی وەرزشی وخزمەتی پەروەردەی لە بواری پەروەردەی وەرزشدا ، لەگەڵ پێشخستن ونوێ بونەوەی بەردەوام بۆ پێگەیاندنی خوێندکاری زیرەک وبەتوانا بتوانێت شانەبەشانی پێداویستیەکانی سەردەم وگوڕانکاریەکان ناوخۆ و نەتەوەیی وناوچەیی هەنگاو هەڵبگرێت .

به‌شی په‌روه‌رده‌ی وه‌رزشی بنه‌ڕه‌ت / ئێواران
به‌شی په‌روه‌رده‌ی وه‌رزشی بنه‌ڕه‌ت / ئێواران یەکێکە لە بەشە زانستیەکانی کۆلێجی پەروەردەی جەستەیی وزانستە وەرزشییەکانی زانکۆی هەڵەبجە ، سیسته‌می خوێندن له‌م بەشە ساڵانه‌یه‌ و ماوه‌ی خوێندن (4) ساڵه‌ تیایدا و ساڵانه‌ به‌شێوازی كۆ‌رسات تاقیكردنه‌وه‌ ئه‌نجام ده‌ده‌ن ، ده‌رچووانی بڕوانامه‌ی به‌كالۆ‌ریۆ‌س وه‌رده‌گرن له‌ بواری په‌روه‌رده‌ی وه‌رزشدا و داده‌مه‌زرێن به‌ مامۆ‌ستا له‌ خوێندنگا بنه‌ڕه‌تیه‌كان بۆ‌ پۆ‌له‌كانی ( 1 – 9 )ی وه‌زاره‌تی په‌روه‌ده‌ به‌ هه‌مان شێوه‌ وه‌زاره‌ته‌كانی خوێندنی باڵاو توێژینه‌وه‌ی زانستی و رۆ‌شنبیری و لاوان و ناوخۆ‌ و پێشمه‌رگه ‌، وه‌ خوێندكار له‌ ڕێگه‌ی ئه‌نجامدانی تاقیكردنه‌وه‌ی لێهاتوویی كارامه‌یی و جه‌سته‌ییه‌وه‌ وه‌رده‌گیرێت .

تێبینی:
ئەم نووسینە بەشێكە لە كتێبی “زانكۆی هەڵەبجە هەگبەیەك لە كارو چالاكییەكان 2019-2022″، كە رۆژانە لە سایت و پەیجی فەرمی زانكۆی هەڵەبجە بەش بەش بڵاودەكرێتەوە.

لە چەند بەرێوەبەرایەتی‌و یەكەیەكی كارگێڕی پێكدێت، كە رۆژانە كارو چالاكی خۆیان هەیەو ئیشوكاری خوێندكاران‌و مامۆستایان‌و فەرمانبەران رادەپەڕێنن، كە لە رێگەی ئەو بەرێوەبەرایەتی‌و یەكە كارگێرانییەشەوە، چەندین چالاكی جۆراوجۆر رادەپەرێنرێت، كە زۆرێكیان پەیوەندییان بە بابەتی پێشخستنی توانای زانستی‌و مرۆیی زانكۆی هەڵەبجەوە هەیە.

بەڕێوەبەرایەتی پەیوەندییە نێودەوڵەتیەکان
دیدگای بەڕێوەبەرایەتی پەیوەندییە نێودەوڵەتیەکان بریتیە لە بنیادنان و رێکخستنی چالاکییە نێودەوڵەتیەکان بۆ خوێندکاران و ستافی ئەکادیمی و کارگێڕی له‌ زانکۆی هەڵەبجە.
ئەرکی ئۆفیسی پەیوەندییە نێودەوڵەتیەکان بریتییە، بنیادنانی پرۆفایلی نێودەوڵەتی بۆ زانکۆی هەڵەبجە لە ڕێگەی ڕێکخستن و ئەنجامدانی سەردانی فەرمی، ڕووماڵی میدیای، بۆنە و کۆنفرانسەکان، برەودان بە ستراتیژیەتی کاری هاوبەش و ڕێکخستنی هاوکاری دامەزراوەیی لە ڕێگەی ئامادەکردنی ڕێککەوتننامە لەگەڵ زانکۆ یان هاوبەشە نێودەوڵەتیەکان دا، بەخشینی زانیاری بە فاکەڵتی و خوێندکاران لەسەر بنەمای دەرفەتی ئاڵوگۆڕە نێودەوڵەتیەکان، لەگەڵ ڕێکخستن و باشترکردنی دەرفەتی ئاڵوگۆڕ بۆ ستاف و خوێندکار.
هەروەها چاودێری جێبەجیکردنی پلانی ستراتیجی بە نێودەوڵەتی کردنی زانکۆی هەڵەبجەو بەڕێوەبردن و بەرەوپێشچوونی پرۆگرامەکانی ئیرەسمەس پلەس و هەروەهاپڕۆگرامەکانی تریش، پیشوازی و میوانداری وەفدی زانکۆ نێودەوڵەتیەکان ودامەزراوە گشتیەکانی تر بۆ زانکۆی هەڵەبجە.
هاوكات ئۆفیسی پەیوەندییە نێودەوڵەتیەکان ببێتە سەنتەری یەکخستنی پرۆسەی بەڕێوەبردن و پشتگیری و هاوکاری بۆ توێژەران و خوێندکارانی نێودەوڵەتی، ئۆفیسی پەیوەندییە نێودەوڵەتیەکان پشتگیری و ئاسانکاری دەکات بۆ ئەو خوێندکارەکانی زانکۆ کە لە دەرەوە دەخوێنن ،هەروەها ئاسانکاری دەکات بۆ ئاڵوگۆڕی توێژەرانی نێودەوڵەتی لە هەموو جیهاندا.
ئەرکێکی دیکەی ئۆفیسەکە بەستنی پەیوەندییە لەگەڵ رێکخراوە نێودەوڵەتی و کۆنسوڵخانە و زانکۆ هاوبەشەکان. ستافی پەیوەندییەکان ستافی پەیوەندییەکان کارامە و لێهاتوو و خاوەن ئەزموونن و کاردەکەن لەسەر هاوبەشیپێکردنی کار و پلان و چالاکی داهاتوو لەگەڵ خوێندکاران و ستافی ئەکادیمی بە شێوەیەکی ڕێکخراو، وە هەروەها ئەنجامدانی کارەکانی سەرەتا و بناغەی کاری هاوبەشی پێکردن و پرۆگرامە ئاڵوگۆڕەکان.

بەرێوەبەرایەتی سەرچاوە مرۆییەكان
بەرێوەبەرایەتی سەرچاوە مرۆرییەكان “خۆیی” بە یەکێک لە بەڕێوەبەرایەتی و پایە دیارەکانی زانکۆ دادەنرێت ، لەگەڵ دروستبونی زانکۆی هەڵەبجە و لەڕێکەوتی ٢٠١١/٢/١٦ ەوە دامەزراوە ،
ئەم بەڕێوەبەرایەتیە ئەرکی بەدۆسیەکردنی زانیاریی مامۆستا و فەرمانبەران ئیش و کارەکانیان و ئامادەبوون ‌و پشتگیری و ئەرشیف کردنی نوسراوەکانیان لە خۆدەگرێت ، خاوەنی سێ هۆبەی سەرەکییە، کە بریتین لە هۆبەکانی (میلاکات ، ئەرشیف ، دۆسیەکان) کە هەریەکێکیان ستافی تایبەتی خۆی هەیە

بەڕێوەبەرایەتی کارگێڕی
لەگەڵ دروستبوونی زانکۆ لە ساڵی ٢٠١١ دامەزراوە ، سەرجەم ئیش و کارە کارگێڕی و خزمەتگوزارییەکانی زانکۆ بەڕێوە دەبات.
به‌ڕێوه‌به‌رایه‌تی كارگێڕی ته‌نهـا یه‌ك هۆبه‌ی هه‌یه‌ به‌ناوی (هۆبه‌ی باخچه‌كانی زانكـۆ)،كه‌ به‌ڕێوه‌بردن و خزمه‌ت كردنی سه‌رجه‌م باخچه‌كانی زانكۆی له‌ ئه‌ستۆیەو بەهۆی كارەكانی ئەو هۆبەیە، زانكۆی هەڵەبجە خاوەنی رووبەرێكی گەورەی سەوزاییە، كە بووەتە ژینگەیەكی لەبار بۆ خوێندكاران.

به‌ڕێوه‌به‌رایه‌تی كاروباری یاسایی
له‌گه‌ڵ دامه‌زراندنی زانكۆی هه‌ڵه‌بجه‌ و ده‌ست به‌كاربونی سه‌رۆكی زانكۆ‌ له‌به‌رواری ( 16 / 2/2011 ) ه‌وه‌ دامه‌زراوه‌ كاره‌كانی ئه‌م به‌ڕێوبه‌رایه‌تییه، ئاماده‌ بوون له‌ دادبینیه‌كان بۆ به‌رگری كردن له‌ زانكۆ، به‌رزكردنه‌وه‌ی داوای یاسایی له‌ سه‌ر ئه‌و كه‌سانه‌ی ‌ مافێكی زانكۆ ده‌كه‌وێته‌ ئه‌ستۆیان و نایگه‌ڕێننه‌وه‌ یان ئه‌ركێكیان له‌سه‌ر شانه‌ به‌رامبه‌ر به‌ زانكۆ و به‌باشی ئه‌نجامی ناده‌ن.
هەروەها جوڵاندنی سكاڵایاسایه‌كان له‌ دژی ئه‌و كه‌سانه‌ی له‌ ڕووی (جزائی ) ه‌وه‌ تاوانێك به‌رامبه‌ر به‌ زانكۆ ئه‌نجام ده‌ده‌ن‌و به‌ دوادا چونی كاری تۆماركردنی زه‌ویه‌كانی زانكۆ، لەگەڵ پێدانی ڕاوێژی یاسایی به‌ سه‌رۆكایه‌تی زانكۆ و كۆلێژ و به‌ش و به‌ڕێوه‌یبه‌رایه‌تیه‌كان له‌ كاتی پێویستدا.

بەڕێوەبەرایەتی دارایی
وەک یەکێک لە بەڕێوەبەرایەتیە سەرەکیەکانی زانکۆی هەڵەبجە لەگەڵ دروست بون و دامەزراندنی زانکۆی هەڵەبجەدا دامەزراوە ,
ئەم بەڕێوەبەرایەتیە سێ هۆبەی (خەرجیەکان ، مووچە ، ژمێریاری) لە خۆدەگرێت. کە سەرجەم کاروبارە داراییەکانی زانکۆ وەک حەرجیەکان و داهات و مووچە لە دوتوێی ئەم هۆبانە بەجێدەگەیەنرێن.

بەرێوەبەرایەتی ووردبینی
بەرواری دامەزراندنی بەرێوەبەرایەتی ووردبینی لە (2011/4/26) دامەزراوە بە فەرمانی زانكۆیی ژمارە (29). ئەركی ئەم بەڕێوەبەرایەتیە وردبینی كردنی سەرجەم ئیش و كارە داراییەكانی زانكۆیە، ئەم بەڕێوەبەرایەتیە خاوەنی ستافێكی شارەزا و تایبەتمەندی بوارەكەیە.

به‌ڕێوه‌به‌رایه‌تی ئه‌ندازه‌و پرۆژه‌كان
به‌ریوه‌به‌رایه‌تی ئه‌ندازه‌و پرۆژه‌كان به‌پێی فه‌رمانی زانكۆیی ژماره‌ (29) له‌(٢٠١١/٤/٢٦)دامه‌زراوه‌، به‌ناوی به‌ڕیوه‌به‌رایه‌تی(كارگوزاری ئه‌ندازیاری)، دواتر به‌فه‌رمانی زانكۆیی ژماره‌(2/5/1009)له‌(25/4/2012)ناوی به‌ڕێوه‌به‌رایه‌تیه‌كه‌ له‌به‌رێوه‌به‌رایه‌تی (كارگوزاری ئه‌ندازیاری)ه‌وه‌ گۆڕاوه‌ بۆ(به‌ڕێوه‌به‌رایه‌تی بیناسازی).
به‌رێوه‌به‌رایه‌تی ئه‌ندازه‌و پرۆژه‌كان له‌ئێستادا چوار هۆبه‌ی هه‌یه، هۆبه‌ی كارگێڕی وخۆیی، هۆبه‌ی هونه‌ری، هۆبه‌ی دیزاین، هۆبه‌ی یاسا.

بەڕێوەبەرایەتی دڵنیایی جۆری
بەڕێوەبەرایەتی دڵنیایی جۆری، یەکێکە لە بەڕێوەبەرایەتییەکانی زانکۆی هەڵەبجە و لە ساڵی ٢٠٢٠وە سەرجەم پڕۆسەکانی دڵنیایی جۆری بە ئەلکترۆنی کراوە. بە جۆرێک تەواوی پرۆسەکانی فیدباک، هەگبەی مامۆستا و پۆرتۆفیلۆ بە سیستەم کراون.
لە ڕێی ئەم سیستەمەوە خوێندکاران دەتوانن فیدباک ئەنجام بدەن. هەروەها مامۆستایانی زانکۆ ئاگاداری کات و شوێنی سەرجەم سیمینارەکانی زانکۆ دەبن.

به‌ڕێوه‌به‌رایه‌تی تۆماری گشتی
به‌ڕێوه‌به‌رایه‌تی تۆماری گشتی یه‌كێكه‌ له‌ به‌ڕێوه‌به‌رایه‌تیه‌كانی سه‌رۆكایه‌تی زانكۆی هه‌ڵه‌بجه‌ لــه‌بـه‌رواری (30/5/2011) بـه‌پێی فه‌رمـانی زانكـۆیی ژمـاره‌ (2/5/205) لـه ‌(30/5/2011) دامه‌زراوزه ،
به‌ڕێوه‌به‌رایه‌تی تۆمارگای گشتی به‌پێی ستاف و ئه‌رك وهۆبه‌كان پێكهاتووه، به‌ڕێوه‌به‌ری تۆماری گشتی‌و هۆبه‌ی تۆمار‌و، هۆبه‌ی دۆسیه‌كان‌و هۆبه‌ی بڕوانامه‌كان‌و
به‌ڕێوه‌به‌رایه‌تی تۆماری گشتی به‌ درێژایی ساڵ هه‌ڵده‌سێت به‌ئه‌نجامدانی كارو چلاكیه‌كانی تایبه‌ت به‌ خوێندكاران هه‌مه‌لایه‌نه‌یه‌ له‌ هه‌موو كاته‌كانی ساڵ له‌گه‌ڵ ده‌ست پێكردنی ساڵی خوێندن هه‌تا كۆتایی هه‌روه‌ها له‌مانگه‌كانی پشووی هاوینیشدا به‌به‌رده‌وامی.

كتێبخانه‌ی ناوه‌ندی زانكۆی هه‌ڵه‌بجه‌
به‌ڕێوه‌به‌رایه‌تی كتێبخانه‌ی ناوه‌ندی زانكۆی هه‌ڵه‌بجه‌ وەك یەكێك لە یەكە كارگێڕیە دیار و بەرچاوەكانی زانكۆ ، له‌به‌رواری (2016/6/29) دامه‌زاوه، نزیكەی (10000) دەهەزار كتێبی لە سەرجەم بوارەكاندا تێدایە، زیاتر (2000) دوو هه‌زار نامه‌ی ماسته‌رو دكتۆرای تیدایه ‌له‌ زمانه‌كانی كوردی عه‌ره‌بی ئینگلیزی و‌ نزیكه‌ی (1500) هه‌زارو پێنج سه‌د گۆڤاری جۆراو جۆری تیدایه‌.
ئه‌م كتێبخانه‌‌یه ئهركی تۆماركردنی كتێبه‌كانه‌ له‌ سجیل و كۆمپیوته‌ردا و‌ پێرست و پۆلێنكردنی ئه‌و سه‌رچاوانه‌ به‌پێی (تصنیف دیوی) ی و دانانیان له‌ شوێنی تایبەتدا ، به‌ پێی به‌شه‌كان .
پاشان‌ئه‌ركی پێدانی كتێب و سه‌رچاوه‌كانی كتێبخانه‌یه به‌شێوه‌ی خواستن به‌ مامۆستایان و فه‌رمانبه‌ران و خوێندكارانی سه‌ر به‌ زانكۆمان.وه پاراستن و هه‌ڵگرتنی ئه‌و كتێب وسه‌رچاوانه ی كه‌ له‌كتێبخانه‌‌دا هه‌ن .

به‌ڕێوه‌به‌رایه‌تی به‌شه‌ناوخۆییه‌كان
به‌ فه‌رمانی وه‌زاری ژماره‌ (22679/2) له‌ به‌رواری (2011/11/30) فه‌رمانی پێكهێنانی بۆ ده‌رچووه‌. له‌ ڕووی په‌یكه‌ربه‌ندییه‌ ئه‌م به‌ڕێوه‌به‌رایه‌تیه‌ سه‌ر به‌ یاریده‌ده‌ری سه‌رۆكی زانكۆ بۆ كاروباری خوێندكارانه‌.
كاری ئه‌م به‌ڕێوه‌به‌رایه‌تیه‌ بریتیه‌ ڕاپه‌ڕاندن و سه‌رپه‌رشتی كردن و دابین كردنی شوێنی نیشته‌جێ بون بۆ خوێندكارانی به‌شی ناوخۆیی كوڕان و كچانی زانكۆمان له‌ ئێستادا (باران عه‌لی حه‌مه‌) به‌رێوه‌به‌ری ئه‌م به‌ڕێوه‌به‌رایه‌تیه‌یه‌.
به‌ڕێوه‌به‌رایه‌تی به‌شه‌ناوخۆییه‌كان پێكهاتووه‌، هۆبه‌ی به‌شه‌ناوخۆییه‌كانی كوڕان، هۆبه‌ی به‌شه‌ناوخۆیی كچان، هۆبه‌ی خۆیی و كارگێڕی.

بەڕێوەبەرایەتی ئامارو تەکنەلۆژیای زانیاری

ئەم بەرێوەبەرایەتییە لە ڕووی کارگێڕییەوە سەر بە فەرمانگەی یاریدەدەری سەرۆکی زانکۆیە بۆ کاروباری کارگێڕی و دارایی، ئەم بەڕێوەبەرایەتییە سەرەتا ساڵی ٢٠١١ لەگەڵ دامەزراندنی زانکۆ بە ناوی (بەڕێوەبەرایەتی ئامارو نەخشەکێشان ) دامەزراوە پاشان ساڵی ٢٠١٣ هۆبەی تەکنەلۆجیای زانیاری دامەزراوەو دواتر هەردووکیان کراون بە یەک بەڕێوەبەرایەتی، لە ئێستادا ئەم بەرێوەبەرایەتییە سەرجەم کارەکانی ئاماری وردی زانکۆ و تەکنەلۆجیای زانیاری لە هەموو بەشەکانی زانکۆ بەڕێوەدەبات.

بەرێوەبەرایەتی چالاكییەكان
ئەم بەرێوەبەرایەتییە بەفەرمانی زانكۆیی ژمارە (2594/5/2) لە ڕۆژی 2018/8/27 دامەزراوە ، ئەركی ئەم بەڕێوەبەرایەتیە بریتیە لە ئەنجامدان و سەرپەرشتیكردنی خول و كار و چالاكییە وەرزشییەكان بۆ سەرجەم بەشەكانی زانكۆ و مامۆستایان و فەرمانبەران و خوێندكاران، لەگەڵ هەڵبژاردنی هەڵبژاردەی زانكۆ و كۆلێجەكان بۆ بەشداری كردن لە پاڵەوانیەتیەكانی كوردستان و جیهان .
هەروەها سەرپەرشتی كردنی هەڵبژاردەی زانكۆ و كۆڵێجەكان لە خولە ناوخۆیی و نێودەوڵەتیەكاندا، كردنەوەی خولی ڕاهینان و فێركردن لە بوارە وەرزشیەكاندا.

ئەم بەڕێوەبەرایەتیە خاوەنی چوار هۆبەی سەرەكییە ئەوانیش، هۆبەی چالاكیە وەرزشیەكانی كۆلێجی پەروەردەی وەرزش، هۆبەی چالاكیە وەرزشیەكانی كۆلێجی زانستەمرۆڤایەتیەكان، هۆبەی چالاكیە وەرزشیەكانی كۆلێجی پەروەردەی بنەڕەت، هۆبەی چالاكیە وەرزشیەكانی كۆلێجی كۆلێجی زانست ، بەشی ئەندازیاری بیناكاری.

بەڕێوەبەرایەتی کاروباری زانستی و خوێندنی باڵا
به‌ڕێوه‌به‌رایه‌تی خوێندنی باڵا له‌ ڕێكه‌وتی (11/11/2019)، به‌ مه‌به‌ستی ڕاپه‌راندنی ئیش و كاری خوێندكارانی خوێندنی باڵا ( ماسته‌ر و دكتۆرا)، دامه‌زراوه‌. له‌ ئیستادا ئه‌م به‌ڕێوه‌به‌رایه‌تییه‌ له‌ لایه‌ن (د. ئاكۆ ابراهیم فه‌قی)، به‌ڕێوه‌ ده‌بڕێت.
ئیش و كاری ئه‌م به‌ڕێوه‌به‌رایه‌تییه‌ بریتێه‌ له‌:
1. هەماهەنگی و جێبەجێکردنی کاروباری زانستی خوێندکارانی ماستەر و دکتۆرا بە هاوکاری كۆلێجه‌كان
2. به‌دواداچوون بۆ كێشه‌ و گرفته‌كانی خوێندكارانی خوێندنی باڵا
3. چاودێریكردنی پرۆسه‌ی خوێندنی خوێندكارانی خوێندنی باڵا ماسته‌ر و دكتۆرا بە هاوکاری كۆلێجه‌كان.
4. پڵان دانان بۆ پەرەپێدان خوێندنی باڵا له‌ زانكۆ له‌سه‌رجه‌م كۆلێج و به‌شه‌كان به‌ هه‌ماهه‌نگی له‌گه‌ل فه‌رمانگه‌ی سه‌رۆكی زانكۆ بۆ كاروباری زانستی و خوێندنی باڵا
5. ڕێكخستنی داواكاری كورسی خوێندنی ماسته‌ر و دكتۆرا كه‌ له‌ كۆلێج و به‌شه‌كانه‌وه‌ به‌رز ده‌كرێته‌وه‌.
6. دارشتنی ڕێنمایی بۆ چۆنیەتی نووسینی نامه‌ و تێزەی دكتۆرا.
7. پێشنیاركردنی بڕوانامه‌ی ماسته‌ر و دكتۆرا به‌ خوێندكارانی ماسته‌ر و دكتۆرا.
8. ئه‌نجامدانی ڕێكاره‌كانی تایبه‌ت به‌ خوێندنی ماسته‌ر و دكتۆرا ( تاقیكردنه‌وه‌كان).

بەڕێوەبەرایەتی ڕاگەیاندن
بەڕێوەبەرایەتی ڕاگەیاندن یەكێكە لە بەڕێوەبەرایەتییەكانی سەرۆكایەتی زانكۆی هەڵەبجە ، كە لەڕووی پەیكەری كارگێڕییەوە سەر بە سەرۆی زانكۆیە ، پاش كردنەوەی زانكۆی هەڵەبجە ئەم بەڕێوەبەرایەتیە بەهۆی نەبونی ستافی پێویست ، وەك هۆبەیەك لە چوارچێوەی بەڕێوەبەرایەتی پەیوەندیە ئەكادیمیە نێودەڵەوتیەكان ئەركەكانی ڕادەپەڕاند، بەڵام بەهۆی گرنگی وڕێكخستنی پەیكەربەندی كارگێڕی زانكۆ لەلایەن سەرۆكایەتی زانكۆوە ، بە فەرمانی زانكۆیی ژمارە (2427/5/2 لە ڕێكەوتی 2017/8/15) ئەو هۆبەیە گۆڕدرا بۆ بەڕێوبەرایەتی و لەڕووی پەیكەری كارگێڕیەوە ڕاستەوخۆ سەر بەسەرۆكی زانكۆیە.
ئەركی ئەم بەڕێوەبەرایەتیە سەرپەرشتی كردن و ڕێكخستنی سەرجەم سیمینار و كۆنفرانس و وۆركشۆپەكان لەڕووی كاری دەنگیی و ڕاگەیاندنیەوە ، ڕووماڵ كردنی سەرجەم كار و چالاكیەكانی زانكۆی هەڵەبجە بەشێوەیەكی زانستیانە و گواستنەوەیان لەڕێگەی وێب سایت و تۆڕەكۆمەڵایەتیەكانی زانكۆوە ، هاوكات سەرپەرشتی كردن و بەڕێوەبردنی وێب سایت و تۆڕەكۆمەڵایەتیەكانی زانكۆ لە ئەستۆی ئەم بەڕێوەبەرایەتیەن.

بەڕێوەبەرایەتی گۆڤاری زانستی
گۆڤاری زانکۆی هەڵەبجە ساڵی ٢٠١٦ دامەزراوە، پاشان لە ساڵی ٢٠١٨ ڕاگیراوە و سەرلەنوێ لە ساڵی ٢٠١٩وە بە شێوە و فۆرمێکی نوێ دەستبەکاربووتەوە.. شێوازی بڵاوکردنەوە لە گۆڤاری زانکۆ بە شیوەی وەرزانەیە ساڵانە ٤ ژمارە بڵاودەکرێتەوە. لە ساڵی ٢٠٢٠ەوە بە دروستی ئەم شێوەیە پەیڕەو دەکرێت.
لە ئێستادا گۆڤار لە ساڵی حەوتەمی بڵاوکردنەوەیدایە. گۆڤاری زانکۆی هەڵەبجە هەتا ئێستا ١٩ ژمارەی لێدەرچووە کە ١٤ ژمارەیان لە ساڵەکانی ٢٠١٩-٢٠٢٢ بوون (بەشێوەی بەردووام ٤ ژمارە لە ساڵێکدا هەتا کاتی ئامادەکردنی ئەم ڕێبەرییە) دوای چالاککردنەوەی گۆڤار.
گۆڤاری زانکۆی هەڵەبجە لە ساڵی ٢٠٢١وە گواستراوەتەوە بۆ سەر پلاتفۆرمی (OJS) کە ئەمەش وێستگەیەکی گرنگی کارکردن و وەرچەرخانێکی گرنگ بوو، دوای بلاوبوونەوەی توێژینەوەکان لە گۆگڵ سکۆلەر و ڕیسێرچگەیت بەردەست دەبن و هەوڵدەدرێت لە داتابەیسەکانی دیکە تۆمار بکرێت. هەموو توێژینەوەیەکی بڵاوکراوەی گۆڤار خاوەنی doi تایبەت بە خۆیەتی.

بەڕێوەبەرایەتی هونەری و چاك کردنەوە
بەڕێوەبەرایەتی هونەری و چاککردنەوە بە پێی فەرمانی زانکۆیی (٤/٥/٢٧٨) گە ڕێکەویت (٣-٢-٢٠١٥)دەست بەکار بووە و پێکهاتووە لە چەند ستافێکی هونەری لە ئەندازیاران و تەکنیککاران، کاردەکەن بۆ بەمەبەستی بەدواداچوون و چارەسەر کردنی کێشەو گرفتی بیناسازی و میکانیکی و کارەبایی لەتەواوی باڵەخانەو دامەزراوەکانی زانکۆدا.
هەروەها پشکنینی تەواوی ئامێرە کارەبایی و میکانیکیەکان بەشێوەیەکی دەوری بەمەبەستی پاراستن و دیاری کردنی کێشەکانیان و چارەسەرکردنیان.

بەرێوەبەرایەتی كۆگا و دابینكردن
له‌ دوای دامه‌زراندنی زانكۆی هه‌ڵه‌بجه‌ وده‌ستكردن به‌ ڕێكخستنی په‌یكه‌ری گارگێڕی زانكۆ و ده‌مه‌زراندنی به‌ڕێوه‌به‌رایه‌تیه‌كان له‌ به‌ر ئه‌وه‌ی به‌رێوه‌به‌رایه‌تی كۆگاو دابین كردن یه‌كیكه‌ له‌ به‌رێوه‌به‌رایه‌تیه‌ ‌بنه‌ڕه‌تیه‌‌كانی زانكۆ دوای ماوه‌یه‌كی كه‌م له‌ دامه‌زراندنی زانكۆ به‌رێوه‌به‌رایه‌تی كۆگاو دابین كردن دامه‌زرێنراوه‌ به‌ فه‌رمانی زانكۆیی ژماره‌ (2/5/64)له‌(10/5/2011) .
چه‌ند جارێك گۆڕانكاری كراوه‌ له‌ میلاكی فه‌رمانبه‌رانی به‌رێوه‌به‌رایه‌تی كۆگاو دابین كردن ئه‌گه‌ر چی ئه‌م به‌ڕێوه‌به‌رایه‌تیه‌ پێویستی به‌ ستافێكی ئیداری ته‌واو هه‌یه‌ به‌ڵام به‌هۆی ئه‌وه‌ی زانكۆمان نوێیه‌و فه‌رمانبه‌ری كه‌مه‌و هه‌روه‌ها ئه‌و قه‌یرانه‌ ئابورییه‌ی كه‌ به‌رۆكی كوردستانی گرتووه‌ وای كردووه‌ كه‌ چه‌ند ساڵێكه‌ فه‌رمانبه‌ری نوێ دانه‌مه‌زرێنراوه‌ ئه‌مه‌ش بووه‌ته‌ هۆكاری ئه‌وه‌ی‌ كه‌ نه‌توانرێت ئه‌و ستافه‌ ئیداریه‌ی كه‌ پێویسته‌ پێكبهێنرێت بۆیه‌ له‌ ئیستا دا به‌رێوه‌به‌رایه‌تی كۆگاو دابین كردن به‌ فعلی (3) فه‌رمانبه‌ری هه‌یه .
له‌ رابردوو دا به‌رێوه‌به‌رایه‌تییه‌كه‌ له‌ دوو هۆبه‌ پێكهاتبوو ئه‌وانیش هۆبه‌ی (كۆگا) و هۆبه‌ی (ادخال و اخراج) بوون به‌ڵام به‌ هۆی بچوككردنه‌وه‌ی هه‌یكه‌لی حكومه‌ت وه‌ وه‌زاره‌ته‌كان هۆبه‌ی (ادخال و اخراج) هه‌لوه‌شێنرایه‌وه‌.

بەڕێوەبەرایەتی تەندروستی و سەلامەتی
مێژووی دروست بونی بەڕێوەبەرایەتی : سالی 2016 دەگەڕێتەوەو ئەركی بەڕێوەبەرایەتی گەیاندنی سەرجەم ڕێنمایی و مەرجەكانی تەندروستی و سەلامەتیە لە وەزارەتە بۆ زانكۆ .
كردنەوەی خولی ڕاهێنانی تایبەت بە تەندروستی و سەلامەتی بەخوێندكاران و فەرمانبەران و ئەنجامدانی سیمنار و ۆرك شۆپ بەو مەبەستە ، سەرپەرشتی كردنی بەشە ناوخۆیی و كافتریاكان لەڕوی تەندروستیەوە ، دەست نیشان كردنی سەرجەم خاڵە كارەبایی و میكانیكە نادروستەكان و كۆنترۆڵ كردنیان كە مەترسی ئەوەیان هەیە ببنە هۆی دروست بونی ڕوداوە نەخوازراوەكان.

سیستمی خوێندن لە زانکۆی هەڵەبجە لە سەرەتای دامەزراندنییەوە بریتیە بووە لە سیستمی خوێندنی ساڵانە، دواتر لە چەند بەش و کۆلێجێک سیستەمی وەرزانە (سیمیستەر) جێبەجێکراوە، تا لە ساڵی ٢٠١٩ بڕیاری جێگیرکردنی پێواژۆی بۆڵۆنیا درا بۆ چاکسازی کردن لە پڕۆسەی خوێندندا.

لە ئێستادا سیستەمی خوێندن لە زانکۆی هەڵەبجە بە تەواوی پێواژۆی بۆڵۆنیایە جگە لە بەشی یاسا.

پێواژۆی بۆڵۆنیا (The Bologna Process)
یەکێکی تر لە کارە زۆر گرنگەکانی زانکۆی هەڵەبجە پەیڕەوکردنی پێواژۆی بۆڵۆنیایە لە ماوەی ٣ ساڵی ڕابردوودا، لە چوارچێوەی ئەو پرۆسە چاکسازیانەی کە حکومەتی هەرێم لە سەرجە سێکتەرەکانیدا گرتوونیەتە بەر، گۆڕینی سیستمی کۆنی ساڵانەی خوێندن بوو، کە بۆ ماوەی چەندین ساڵە لە عێراقدا پەیڕەو دەکراو دەکرێت، بە پێواژۆی بۆڵۆنیا، ئەوەش بە مەبەستی پڕکردنەوەی بازاڕی کار و بەرزکردمەوەی کواڵیتی خوێندن بۆ ئاستی نێودەوڵەتی و گۆڕینی چەق و جەختی خوێندن لەسەر مامۆستا بۆ سەر خوێندکار و بەدەست هێنانی شەفافیەت لە پرۆسەی خوێندندا.

پێواژۆی بۆڵۆنیا شێوازێکی نوێیە لە خوێندنی باڵادا، کە مەبەستی سەرەکی و بنچینەیی تێیدا دڵنیاکردنەوەی بەراوردکاری لە ستانداردو جۆڕێتی بڕوانامەیە لە خوێندنی باڵادا.

ناوی پێواژۆەکە لە ناوی زانکۆی بۆڵۆنیا لە ئیتالیاوە هاتووە و سەرەتاکەی دەگەڕێتەوە بۆ جاڕنامەی بۆڵۆنیا کاتێک کە وەزیری پەروەردەی ٢٩ وڵاتی ئەوروپی لە ساڵی ١٩٩٩ کۆبونەوە بە مەبەستی دروست کردنی هەڕێمی خوێندنی باڵای ئەوروپی (The European Higher Education Area) و دوای ئەوەش هەموو دوو ساڵ تا سێ ساڵ جارێک کۆبونەوەی حکومی کراوە لە ئەوروپا بۆ هەموارکردن و چاکسازی زیادە لە پێواژۆەکەدا.

پێواژۆی بۆڵۆنیا پێکهاتووە لە چەند پێکهاتەیەکی سەرەکی کە گرنگترینیان یەکەی (ECTS)ە کە تێیدا یەک یەکە بەرامبەرە بە تەواوی هەوڵ و کۆششی خوێندکار لە ماوەیکی دیاریکراودا کە لە کوردستاندا بە ٢٧ کاتژمیر دانراوە.پێکهاتەکانی دیکە بریتین لە بازنەی سێ بڕوانامەیی (Three Degree Cycle)، دڵنیایی جۆریی، چوارچێوەکاری بڕوانامە (Qualifications Framework)، ئاڵوگۆڕی ئەکادیمی Academic Exchange) و بڕوانامەی هاوبەش (Joint Degree)و تەواوکەری بڕوانامە (Diploma Supplement).

لە ساڵی ٢٠١٩وە لە زانکۆی هەڵەبجە پیواژۆی بۆڵۆنیا جێبەجێ دەکرێت، بۆ ساڵی خوێندنی ٢٠٢٢-٢٠٢٣ خولی یەکەمی دەرچووانی پێواژۆی بۆڵۆنیا دەبێت لە زانکۆ، هەروەها لە سەرجەم قۆناخ و بەشەکاندا پێواژۆی بۆڵۆنیا جێبەجێدەکرێت.

تێبینی:
ئەم نووسینە بەشێكە لە كتێبی “زانكۆی هەڵەبجە.. هەگبەیەك لە كارو چالاكییەكان 2019 بۆ 2022″، كە لە ساڵی 2022 چاپ و بڵاوكراوەتەوەو رۆژانە بەش بەش لە سایت و پەیجی زانكۆی هەڵەبجە بابەتەكانی بڵاودەكرێتەوە.

كۆلیژی یاسا و كارگێڕی بە فەرمانی وەزاری ژمارە (٦٧٥٢) لە ڕێکەوتی (١٨/ ٨/٢٠٢٠) وەک یەکێک لە کۆلێجەکانی زانکۆی هەڵەبجە لە ناوەندی پارێزگای هەڵەبجە دامەزراوە.

ئەم كۆلیژە لە سێ بەشی زانستی (یاسا، سیاسەت و پەیوەندییە نێودەوڵەتییەكان، بازرگانی نێودەوڵەتی) پێکهاتووە.

کۆلیژی یاسا و کارگێڕی بڕوانامەی بەکالۆریۆس دەبەخشێتە دەرچوانی. خوێندنیش لە بەشی یاسای کۆلێجدا بەپێی سیستەمی ساڵانەیە، لە بەشەکانی دیکەشدا بە گوێرەی پێواژۆی بۆڵۆنیا پڕۆسێسە.

لە ماوەی ساڵانی خوێندندا کە لە بەشی یاسا پێنج ساڵە و لە بەشەکانی دیکەدا چوار، گرنگترین بابەتەکانی خوێندنی یاسا، بازرگانی، سیاسەت و پەیوەندییە نێودەوڵەتییەکان دەخوێندرێن، ئەم وانانە بە گوێرەی گرنگییان بەسەر ساڵانی خوێندندا دابەشکراون و لەلایەن دەستەیەک وانەبێژی بە تواناوە دەوترێنەوە.

بەشی یاسا
بەشی یاسا یەکێکە لە بەشە زانستییەکانی كۆلێجی یاسا و كارگێڕی، ئەم بەشە لە ساڵی (٢٠١٣) بە فەرمانی وزاری (4/12359) لە ڕێككەوتی (17/6/2013) دامەزراوە، بۆ ساڵی خوێندنی (2014-2015) یەکەم گروپ (قۆناغی) خوێندکاری وەرگرتووە، لە ئێستادا ئەم بەشە هەر پێنج قۆناغەکەی خوێندنی یاسای هەیە و سێ (٣) خوولی دەرچوونیشی بۆ ساڵەكانی خوێندنی (2017-2018) و (2019-2020) و (2020-2021) هه‌بووه‌.

خوێندن له‌م به‌شەدا‌ پێنج (5) ساڵە، له‌م ماوه‌یه‌دا خوێندكار به‌ گرنگترین بابه‌تی یاسایی (له‌ بوارە جیا جیاكانی یاسا) دا ئاشنا ده‌بێت. لەپاڵ خوێندنی بابەتە یاساییەكاندا، هەوڵدەدرێت تیشك بخرێتە سەر ئەو تاوانانەی كە دەرهەق بە نەتەوەكەمان ئەنجام دراون.

بەشی بازرگانی نێودەوڵەتی
بەشی بازرگانی نێودەوڵەتی لەساڵی (2019-2020) دامەزراوە، خوێندن لەم بەشەدا چوارساڵی ئەكادیمییە بەپێی پێواژۆی بۆڵۆنیا و بەزمانی ئینگلیزیی.لەپاش تەواوكردنی خوێندن لەم بەشە خوێندكار دەبێتە خاوەنی بڕوانامەی بەكالۆریۆس، وە هەروەها شارەزایی پێویست لەبوارەكانی بازاڕسازی و كارگێڕی و ژمێریاری و ئابوری پەیدا دەكات.

بەشی سیاسەت و پەیوەندییە نێودەوڵەتییەكان
بە یەکێک لە بەشە زانستیەکان دادەنرێت، کە لە ڕووی کارگێڕییەوە سەر بە کۆلێژی یاسا و كارگێڕییه‌ لە زانکۆی هەڵەبجە، ئەم بەشە بە فەرمانی وزاریی ژمارە (8662 لە ٣٠/٦/٢٠٢١) كراوەتەوە، بەدیاریكراوی بۆ ساڵی خوێندنی (٢٠٢١-٢٠٢٢) بیست و حەوت (٢٤) فێرخوازی وەرگرتووە. خوێندن لەم بەشە چوار ساڵە، زمانی فێركردن بریتیە لە زمانی ئینگلیزی.

لە ماوەی چوار ساڵی خوێندندا، خوێندكار ئاشنا دەكرێت بە بوارەكانی تیۆری سیاسی و فكر و فەلسەفەی سیاسی و تیۆرەكانی پەیوەندییە نێودەوڵەتییەكان، سیاسەتی نێودەوڵەتی و سیستەمی نێودەوڵەتی و دامەزراوە نێودەوڵەتییەكان و یاسای نێودەوڵەتی و چەندین بواری تر.

تێبینی:
ئەم نووسینە بەشێكە لە كتێبی “زانكۆی هەڵەبجە.. هەگبەیەك لە كارو چالاكییەكان 2019 بۆ 2022″، كە لە ساڵی 2022 چاپ و بڵاوكراوەتەوەو رۆژانە بەش بەش لە سایت و پەیجی زانكۆی هەڵەبجە بابەتەكانی بڵاودەكرێتەوە.
363418059_258196616969149_7219775278670227409_n

سەرلەبەیانی ئەمڕۆ ١٠-٨-٢٠٢٣ بەڕێوەبەری گشتی کارگێڕی و دارایی وەزارەتی خوێندنی باڵاو توێژینەوەی زانستی بەڕێز (د.توانا نجف) سەردانی زانکۆی هەڵەبجەی کردو لەلایەن بەڕێز (پ.د.مهابا کامل عەبدوڵا) سەرۆکی زانکۆو یاریدەدەری سەرۆکی زانکۆ بۆ کاروباری زانستی و خوێندنی باڵا بەڕێز (پ.د.دانا عەبدوڵا تاهیر)و ژمارەیەک لە ئەندامانی ئەنجومەنی زانکۆو مامۆستایانەوە پێشوازیلێکرا.
مەبەستی سەردانی بەڕێز بەڕێوەبەری گشتی بۆ ئاگاداربوون بوو لە کارو چالاکیە ئەکادیمی و کارگێڕیەکانی زانکۆو گفتوگۆکرا دەربارەی هەنگاوەکانی ئایندەی زانکۆ، پاشان سەردانی کۆلێجی پەروەردەی جەستەیی و زانستە وەرزشیەکانیان کردو هەنگاوەکانی نۆژەنکردنەوەی بەشە پێویستەکانی کۆلێجی ناوبراو بەسەرکرانەوە.

کۆلیژی پەروەردەی شارەزوور ، یەکێکە لە کۆلێژەکانی زانکۆی ھەڵەبجە، لە ساڵی ٢٠١٩دا و بە فەرمانی وەزاریی ژمارە (٥٤١٩) لە ڕێکەوتی (١٠/٤/٢٠١٩) کراوەتەوە.

کەمپی کۆلێژ دەکەوێتە قەزای (شارەزوور) ەوە، لە ئێستادا (٢٠٢١)، لە ھەرسێ بەشی (زمانی کوردیی، باخچەی منداڵان، گەشەپێدانی مرۆیی) پێکھاتووە، ھەروەھا خوێندنی ئێوارانی بەشەکانی (کوردیی، باخچەی منداڵان، گەشەپێدانی مرۆیی) یش لەخۆدەگرێت.

بۆ ساڵی خوێندنی (٢٠٢٠-٢٠٢١) کۆلێژی پەروەردەی شارەزوور (١٠) دە خوێندکاری خوێندنی باڵای لە بواری زمان و ئەدەبی کوردیدا هەیە، (٧) حەوت خوێندكاری لە بواری زمان، (٣) سێ خوێندكاری لە بواری ئەدەب، لە کاتی ئێستادا ئەو خوێندکارانە سەرقاڵی نووسینی ماستەرنامەکانیانن، بە پێی دواهەمین سەرژمێریی، کۆی گشتیی خوێندکارانی کۆلێژ(بە ھەردوو جۆری خوێندنی بەیانیان و ئێوارانەوە)، (٧٧٦) حوت سەد و حەفتا و شەش خوێندکارن.

بەشی زمانی کوردیی
لە ڕێکەوتی (٣ /٣ / ٢٠١٤)ەوە دامەزراوە، دەکەوێتە قەزای شارەزوورەوە. (١٢) مامۆستای هەیە. بۆ ساڵی خوێندنی (٢٠٢٠-٢٠٢١)، (٤) قۆناغی هەبووە، کە (٣٨٦) سێ سەد و هەشتا و شەش خوێندکاری لەخۆگرتووە.

بۆ ساڵی خوێندنی (٢٠١٧ – ٢٠١٨) یەکەم خولی دەرچونی بەشەکەمان پاش چوار ساڵ بوون بە خاوەنی بڕوانامەی بەکالۆریۆس لە زمان و ئەدەبی کوردییدا.

بەشی باخچەی منداڵان
یەکێکە لە بەشەکانی ناو کۆلێژی پەروەردەی شارەزوور لە زانکۆی ھەڵەبجە. لە ساڵی (٢٠١٩)دا و بە فەرمانی وەزاریی ژمارە (٥٤١٩) لە ڕێکەوتی (١٠/٤/٢٠١٩) کراوەتەوە. ساڵی خوێندنی (٢٠١٩-٢٠٢٠)، (٥٥) خوێندکار لە قۆناغی یەکەم وەرگیراون و ھەمان ساڵ بەردەوامبوون لە خوێندن. سیستمی خوێندن لە بەشی باخچەی منداڵان بە (پێواژۆی بۆڵۆنیا)یە و تەواوی پڕۆسەکان لەگەڵ ئەم شێوازە نوێیەی خوێندن ڕێکخراون.

بەشی گەشەپێدانی مرۆیی
یەکێکە لە بەشەکانی ناو کۆلێژی پەروەردەی شارەزوور لە زانکۆی هەڵەبجە. لە ساڵی (٢٠٢١) بە فەرمانی وەزاری ژمارە (١١٨٨٣) لە (٩/١١/٢٠٢٠) کراوەتەوە. بۆ ساڵی خوێندنی (٢٠٢١-٢٠٢٢) یەکەم قۆناغ دەست پێدەکات. سیستەمی خوێندن لە بەشی گەشە پێدانی مرۆیی بە (پێواژۆی بۆلۆنیا) یە و تەواوی پڕۆسەی خوێندن لە بەشەکەدا لەگەڵ ئەم شێوازە نوێیەی خوێندندا ڕێکخراوە.

تێبینی:
ئەم نووسینە بەشێكە لە كتێبی “زانكۆی هەڵەبجە.. هەگبەیەك لە كارو چالاكییەكان 2019 بۆ 2022″، كە لە ساڵی 2022 چاپ و بڵاوكراوەتەوەو رۆژانە بەش بەش لە سایت و پەیجی زانكۆی هەڵەبجە بابەتەكانی بڵاودەكرێتەوە.

 

لیستی ئەو ناوانەی كە ئەنجامی تانەكانیان وەك خۆی ماوەتەوە و هیچ گۆڕانكارییەك بەسەر ئەنجامەكانیامدا نەهاتووە_page-0001_edit_3081978230119822

لیستی ئەو ناوانەی كە گۆڕانكاری هەبووە لە ئەنجامی تانەكانیان_page-0001_edit_3081961842720345بۆ بینینی ئەنجامەکان   کلیک لێرە بکەن

 

 

 

کۆلێجی زانست لە زانكۆی هەڵەبجە بە شێوەیەکی فراوان زانیاری  ئەبەخشێت لە هەندێ بوارد، لەسەر ئاستێکی چڕی زانستی و پەروەردەیی.
کۆلێجی زانست بناغەی پێویست بۆ بون بە خاوەن بیرێکی ڕەخنەگرانە و سەرکەوتوو لە کاردا دروست دەکات لە بوارە جیاوازەکانی فیزیا و کۆمپیوتەردا.
لە کۆلێجی زانست، خوێندکار فێر دەکرێت لە ناوەوە و دەرەوەی پۆلەکان، هەروەها لە تاقیگەکاندا لە ڕێگایی هەماهەنگی و بەشداری کردن لە پۆل و ئەو چالاکیانەی ڕوودەدەن لە زانکۆی هەڵەبجە و دەوروبەری.
بەشی فیزیا
      بەشی فیزیا لە کۆلێجی زانست بە فەرمانی زانکۆیی لە (٢٠١٣/٥/٢٧) بەشێوەی فەرمی کراوەتەوە و لە ساڵی خوێندنی (٢٠١٤-٢٠١٥) خوێندکاری وەرگرتووە.
فیزیا یەکێکە لەو بوارانەی کە بوارەکانی پەتی (تیۆری) و کرداری (پراکتیکی) هەیە، لەبەر ئەوە خوێندکاری بەشی فیزیا پێویستە پاشخانێکی ماتماتیکی زۆر باشی هەبێت وەک ئامرازێک بۆ تێگەشتن لە بابەتەکانی سروشت، بتوانێت بە ئەزمون بێت لە تاقیگەکاندا کە تێیدا بناغەی ژمێریاری ئەنجام دەدرێت.
بەشی فیزیا هەلێکی بی هاوتا پێشکەش دەکات بە خوێندکار بۆ بە کرداری کردنی توێژینەوە لە ڕیگایی ڕاهێنان و کارکردن لە تاقیگەکانی بەش.
ئامانجی کردنەوەی ئەم بەشە خزمەت کردنە بە بواری زانستی لە زانکۆی هەڵەبجە و کوردستان، برەودان و بەرەو پێش بردنی زانست لە زانکۆمان و شارەکەمان بەتایبەتی و کوردستان بەگشتی بە ئەرکی سەرشانی خۆمان دەزانین و کاری زیاتری بۆ دەکەین.
بەشی زانستی کۆمپیوتەر
بەشی زانستی کۆمپیوتەر یەکێکە لە بەشەکانی کۆلێجی زانست لە زانکۆی هەڵەبجە. ئەم بەشە لە ساڵی خوێندنی (٢٠١٥-٢٠١٦) دامەزراوە بەهۆی پەرۆشی زانکۆ و پێویستی کۆمەڵگا بە بوارەکانی زانستی کۆمپیوتەر. بەشی ناوبراو یەکێکە لە بوارە گرنگانەی ئەمڕۆی کۆمەڵگا بەگشتی و دەڤەری هەڵەبجە بەتایبەتی، جونکە شارەزایی بواری زانستی کۆمپیوتەر و تەکنۆلۆژیا پێدەگەیەنێت کە دەتوانن بەرپرسیاری زۆر وەربگرن لەو بوارەدا. ئەم بەشە پێیوایە کە خوێندکار گرنگترین کۆڵەکەی زاکۆیە، بۆیە هەموو کات گرنگی دەدات بە جێبەجێ کردنی بیرۆکەکانی خوێندکار و هەروەها بەشداری دەکات لە بەرەو پێشبردنی شارەزایی  دۆزینەوەی هەلی کار لە ناوخۆ و دەرەوەی وڵات  بۆ خوێندکار.
نێبینی:
ئەم نووسینە بەشێكە لە كتێبی “زانكۆی هەڵەبجە هەگبەیەك لە كارو چالاكییەكان 2019-2022″، كە رۆژانە لە سایت و پەیجی فەرمی زانكۆی هەڵەبجە بەش بەش بڵاودەكرێتەوە.
363418059_258196616969149_7219775278670227409_n

بنکەی زانیاری ئیندێکس و ئەبستراکتی سکۆپەس (Scopus) نوێترین لیستی توێژەرانی عێراق، لە بواری کەرەستەی بیناسازی (Construction Materials)ی ڕاگەیاند.
بەگوێرەی ئەو لیستەی بڵاوکراوەتەوە، مامۆستای بەشی ئەندازیاری شارستانی زانکۆی هەڵەبجە (م.ڕابەر حەمە ئەمین فەرەج) توانیویەتی پلەی چوارەم لەسەر ئاستی عێراق بەدەستبهێنێت.
ئەو ڕیزبەندییە لەسەر بنەمای ژمارەی توێژینەوە پەیوەندیدارەکان، کە لە گوڤارە نێودەوڵەتییە ئاست بەرزەکان بڵاوکراونەتەوە و هەروەها ژمارەی سایتەیشنەکان ئەنجامدراوە.
سکۆپپەس (Scopus) گەورەترین داتابەیسی تایبەت بە بڵاوکراوەی جیهانی ئێلسڤیرە (Elsevier) کە لەسەر بنەمای سایتەشن و ئەبستراکت ڕیزبەندیکراوە، لەبوارە جیاوازەکانی (تەندروستی، ئەندازیاری، فیزیا، زانستە کۆمەڵایەتییەکان و چەندانی دیکە) لەخۆدەگرێت. سەرچاوەکانى ناو داتابەیسەکە بریتین لە گۆڤاری کلۆس ئەکسێس و گۆڤاری ئۆپن ئەکسێس و کۆنفرانس پەیپەر و کتێب و بڵاوکراوە بازرگانییەکان، ئەم داتابەیسە لە کۆتاییەکانى 2004 دەستى پێکردوەو ڕۆژانەو نوێدەکرێتەوە، جۆڕناڵەکانى ناو سکۆپەس دەتوانن دوو پێوەری تایبەتى SNIP و SJR وەرگرن لەگەڵ پێوەرانى دیکەى هەڵسەنگاندنى جۆڕناڵ، هەر جۆڕناڵێک سەر بە سکۆپەس نەبێت ناتوانێت پێوەری سنیپ و ئێس جەى ئاڕ وەرگرن، بەنزیکى دوو بەرامبەری وێب ئۆف ساینس جۆڕناڵی لەخۆگرتووە. بەپێى تازەترین ئەپدەیت داتابەیسی سکۆپەس نزیکەی 24600 گۆڤاری لە 5000 بڵاوکراوەی جیاواز لە خۆگرتووە، لەگەڵ بڵاوکردنەوەى زیاد لە 194000 کتێب، نزیکى لەسەدا دەی سکۆپەس پێکهاتووە لە کۆنفرانس پەیپەر، هەروەها لەسەدا سەدی سەرچاوەکانى مێدلاینى لەخۆ گرتووە، ئەم بوارە فراوانەی سکۆپەس ڕێگایەکى ئاسانى خستۆتە بەردەم توێژەران بۆ ئاسان دەستکەوتنى ئەو ناونیشانانەی پێویستیانە.

364535904_554161090110431_6206743152897547396_n

به‌پێی فه‌رمانی وه‌زاری ژماره‌ (4/9464) له‌ ڕێکەوتی (14/5/2013) كۆ‌لێجی په‌روه‌رده‌ی جەستەیی وزانستە وەرزشییەکان دامه‌زراوه‌ ، سیسته‌می خوێندن له‌م كۆ‌لێجه‌ ساڵانه‌یه‌ و پێواژوی بۆڵۆنیا وماوه‌ی خوێندن تیایدا (4) ساڵی ئەکادیمی و ساڵانه‌ به‌شێوازی كۆ‌رسات تاقیكردنه‌وه‌ ئه‌نجام ده‌ده‌ن ، ده‌رچووانی بڕوانامه‌ی به‌كالۆ‌ریۆ‌س وه‌رده‌گرن له‌ بواری په‌روه‌رده‌ی وه‌رزشدا و داده‌مه‌زرین به‌ مامۆ‌ستا له‌ خوێندنگا ئاماده‌ییه‌كان وبنەڕەتەییەکان لە وه‌زاره‌تی په‌روه‌ده‌ به‌ هه‌مان شێوه‌ وه‌زاره‌ته‌كانی خوێندنی باڵاو توێژینه‌وه‌ی زانستی و رۆ‌شنبیری و لاوان و ناوخۆ‌ و پێشمه‌رگه‌ ، وه‌ خوێندكار له‌ ڕێگه‌ی ئه‌نجامدانی تاقیكردنه‌وه‌ی لێهاتوویی كارامه‌یی و جه‌سته‌ییه‌وه‌ وه‌رده‌گیرێت ، ولە ئێستادا ئەم کۆلێجە لە دوو بەش پێکهاتووە :
1 ) بەشی پەروەردەی وەرزش .
2 ) بەشی پەروەردەی وەرزشی بنەڕەت .
هەروەها یەکەم کۆلێج لەسەر ئاستی زانکۆی هەڵەبجە کە خوێندنی باڵای تێدایە کە خاوەنی دوو خولی دەرچووی ( پلەی ماستەر ) ، ویەکەم خولی ( پلەی دکتۆرا ) تێدایە .

خوێندنی ئێوارانیش لەم کۆلێجەدا هەیە :
1 ) بەشی پەروەردەی وەرزشی بنەڕەت .

بەشی پەروەردەی وەرزش
بەشی پەروەردەی وەرزش یەکێکە لە بەشە زانستییەکانی کۆلێجی پەروەردەی جەستەیی وزانستە وەرزشییەکانی زانکۆی هەڵەبجە ، ئامانجی ئەم بەشە پێشەوایەتی وپێشخستنی بوارەکانی فێرکردن وپێشەیی وتوێژینەوەیە بە جۆرێک کە ببێتە ناوەندێک بۆ پرۆگرامی زانستی وچالاکی وەرزشی وخزمەتی پەروەردەی لە بواری پەروەردەی وەرزشدا ، لەگەڵ پێشخستن ونوێ بونەوەی بەردەوام بۆ پێگەیاندنی خوێندکاری زیرەک وبەتوانا بتوانێت شانەبەشانی پێداویستیەکانی سەردەم وگوڕانکاریەکان ناوخۆ و نەتەوەیی وناوچەیی هەنگاو هەڵبگرێت .

بەشی پەروەردەی وەرزشی بنەڕەت
بەشی پەروەردەی وەرزشی بنەڕەت یەکێکە لە بەشە زانستیەکانی کۆلێجی پەروەردەی جەستەیی وزانستە وەرزشییەکانی زانکۆی هەڵەبجە ، لە نێو ئەو بەشە زانستییانەی کە ناخۆی وهەرێمی باوەرپێکراوە ولەمیانەی ئەو ئاستە باڵایەی پێشکەشی دەکات لە ڕووی زانستی وبەڕێوەبەرێتی وبەشێکی پێشکەوتوو وسەرمەشق لە بواری توێژینەوەی زانسی وخزمتکردنی کومەڵگا لە قۆناغەکانی خوێندنی بنەڕەتی وئاستی خوێندنی زانکۆدا .

به‌شی په‌روه‌رده‌ی وه‌رزشی بنه‌ڕه‌ت / ئێواران
به‌شی په‌روه‌رده‌ی وه‌رزشی بنه‌ڕه‌ت / ئێواران یەکێکە لە بەشە زانستیەکانی کۆلێجی پەروەردەی جەستەیی وزانستە وەرزشییەکانی زانکۆی هەڵەبجە ، سیسته‌می خوێندن له‌م بەشە ساڵانه‌یه‌ و ماوه‌ی خوێندن (4) ساڵه‌ تیایدا و ساڵانه‌ به‌شێوازی كۆ‌رسات تاقیكردنه‌وه‌ ئه‌نجام ده‌ده‌ن ، ده‌رچووانی بڕوانامه‌ی به‌كالۆ‌ریۆ‌س وه‌رده‌گرن له‌ بواری په‌روه‌رده‌ی وه‌رزشدا و داده‌مه‌زرێن به‌ مامۆ‌ستا له‌ خوێندنگا بنه‌ڕه‌تیه‌كان بۆ‌ پۆ‌له‌كانی ( 1 – 9 )ی وه‌زاره‌تی په‌روه‌ده‌ به‌ هه‌مان شێوه‌ وه‌زاره‌ته‌كانی خوێندنی باڵاو توێژینه‌وه‌ی زانستی و رۆ‌شنبیری و لاوان و ناوخۆ‌ و پێشمه‌رگه ‌، وه‌ خوێندكار له‌ ڕێگه‌ی ئه‌نجامدانی تاقیكردنه‌وه‌ی لێهاتوویی كارامه‌یی و جه‌سته‌ییه‌وه‌ وه‌رده‌گیرێت .

نێبینی:
ئەم نووسینە بەشێكە لە كتێبی “زانكۆی هەڵەبجە هەگبەیەك لە كارو چالاكییەكان 2019-2022″، كە رۆژانە لە سایت و پەیجی فەرمی زانكۆی هەڵەبجە بەش بەش بڵاودەكرێتەوە.

HAL10

chevron-down