کۆمپانیای ڕێزم ، تیدێکسی ئاشتی و زانکۆی هەڵەبجە گفتوگۆیەکی کراوە دەربارەی ئاشتی و پێکەوە ژیان و گەنج بۆ هونەرمەند (شوان عەتوف) سازکرد .
پاش نیوەڕۆی ئەمڕۆ شەممە ٤ی ۱۱ی ۲۰۲۳ لە هۆڵی د.مستەفا زەڵمی بەئامادەبوونی(پ.د. مهاباد کامل عەبدوڵا) سەرۆکی زانکۆی هەڵەبجە و ژمارەیەک لە مامۆستایان و خوێندکارانی زانکۆی هەڵەبجە گفتوگۆیەکی کراوە دەربارەی ئاشتی و پێکەوەژین و گەنج دەستی پێکرد پاش چەند ساتێک وەستان بۆ گیانی پاکی شەهیدان.
دواتر هونەرمەند شوان عەتوف لە دیدو بۆچوونی خۆیەوە باسی لە ئەزموونی ژیانی خۆی کرد کە چۆن توانیوێتی گەشە بە پەیوەندییەکانی بدات و بگاتە ئەو ئاستەی ئێستا ، وە باسی لەکارەکانی خۆی کرد کە بۆ گەنج ئەنجامیداوە .
دواتر بەشداربووان بە پرسیارو پێشنیارو بۆچوونی خۆیان لەگەڵ هونەرمەند شوان عەتوف گفتوگۆیان لەسەرناوەڕۆکی بابەتی پێشنیارکراوکرد.
دوو مامۆستای زانکۆی هەڵەبجە توێژینەوەیەکی زانستییان بڵاوکردەوە، مامۆستا (پێشڕەو احمد عبداللە) بەڕێوەبەری بەڕیوەبەرایەتی دڵنیایی جۆری و مامۆستا (بەشدار عبدالرحمن محمد) مامۆستا لە کۆلێژی زانست بە ناونیشانی(Letter to the Editor. Re: “[An extensive dataset of handwritten central Kurdish isolated characters by R.M. Ahmed, T.A. Rashid, P. Fatah, A. Alsadoon & S. Mirjalili, Data in Brief, 2021, 39, 107479]”) توێژینەوەکە لە جۆری (Letter to the Editor) کە بایەخ بە راستکردنەوەی هەڵەی توێژینەوەکانی پێشوو دەدات. توێژینەوەکە لە گۆڤاری (Data in Brief) بڵاوکراوەتەوە کە سەر بە پەبڵیشەری بەناوبانگی (Elsevier)ە وە خاوەنی ئیمپاکت فاکتەری (1.2) و بەپێی دەزگای ڕانکی (SJR : Scientific Journal Rankings) لە سکۆپەس ئاستی (Q2)ی وەرگرتووە.
بۆ بینینی توێژینەوەکە کلیك لێرە بکەن
زانکۆی هەڵەبجە، دوو مامۆستای کۆلیجی زانست بەهاوبەشی تویژینەوەیەکی زانستی لە گۆڤارێکی ئاستبەرزی نێودەوڵەتی بڵاودەکەنەوە، هەریەکە لە بەرێزان (م.ئەیوب عثمان عبدالرحمان) و (م.کاروان مهدی حمەرووف) لە کۆلیجی زانست-بەشی زانستی کۆمپیوتەری زانکۆمان تویژینەوەیەکی زانستی ئاستبەرز بڵادەکەنەوە بە ناونیشانی: (Improved ECG Heartbeat Classification based on 1-D convolutional neural networks) لە گۆڤاری (Multimedia Tools and Applications) کە خاوەن ئیمپاکت فاکتەری (٣.٦) و سایت سکۆری(٦.١) و سەر بە پەبڵیشەری (springer).
پوختەی توێژینەوەکە:
توێژینەوەکە کارکردنە لەسەر لێدانەکانی دڵ و پێشبینی لێدانی نارێکی دڵ و دیاریکردنی و پۆلینکردنی لە ڕێگەی زیرەکی دەستکردەوە، دەبێتە سەرچاوەیەکی گرنگ بۆ ئەوانەی لەبواری زانستی پزیشکی و تەکنۆلۆژیدا کاردەکەن.
بۆ بینینی توێژینەوەکە کلیك لێرە بکەن
بڵاوبونەوەی توێژینەوەیەکی زانستی لە لایەن هەردوو مامۆستا (بێدار رؤوف حسن و ڕابەر حەمە امین فەرەج) لە گۆڤارێکی نێودەوڵەتی بەناونیشانی: Shear strength and behavior of recycled strap fiber reinforced concrete haunched beams کە بەشێکە لە پرۆژەی دەرچونی دوو خوێندکاری کۆتا قۆناغی بەشی ئەندازیاری شارستانی ساڵی (2022-2023)ی زانکۆمان بە ناوەکانی (گوڵان هەمزە عمر و شنیار انور عمر) . کە لە گۆڤاری (Construction and Building Materials) بڵاوکراوەتەوە کە خاوەنی فاکتەری کاریگەری (7.4) سەر بە دەزگای بڵاوکردنەوەی (Elsevier)ن.
بۆ بینینی توێژینەوەکە کلیك لێرە بکەن
مامۆستا سەرکار احمد، مامۆستا لە بەشی بازرگانی نێودەوڵەتی کۆلێجی یاساو کارگێڕی دوو توێژینەوە لە گۆڤارە نێودەوڵەتیەکان بەهاوبەشی لەگەڵ خوێندکارەکانی بڵاودەکەنەوە.
توێژینەوەی یەکەم لەگەڵ هەردوو خوێندکاری قۆناغی چوار بەناوەکانی (ساڤۆ ڕێژەن و نەدا بەشیر) بەناونیشانی The Effect of the Internet on Enhancing Marketing among Business Organizations لە گۆڤاری نێودەوڵەتی International Journal of Marketing and Digital Creative بڵاوکراوەتەوە.
بۆ بینینی توێژینەوەکە کلیك لێرە بکەن
توێژینەوەی دووەم لە توێژینەوەی کۆتایی ساڵی خوێندنی هەردوو خوێندکاری دەرچوی بەشی بازرگانی نێودەوڵەتی بەناوەکانی (سۆما ئومێد و کەوسەر مەجید) وەرگیراوە بەناونیشانی The Effect of Different Leadership Styles on Job satisfaction لە گۆڤاری نێودەوڵەتی Organization and Human Capital Development (ORCADEV) بڵاوکراوەتەوە
بۆ بینینی توێژینەوەکە کلیك لێرە بکەن
سەرۆکی زانکۆی هەڵەبجە بەڕێز (پ.د.مهاباد کامل عەبدوڵا) پیرۆزبایی لە تەواوی ئەو خوێندکارانەی زانکۆی هەڵەبجە دەکات کە لە خوێندنی باڵا/ماستەرو دکتۆرا وەرگیراون، هیوا دەخوازێت کە ببنە کادرێکی ئەکادیمی و زانستی پڕ مەعریفەت بۆ زانکۆی هەڵەبجەو بەسەرکەوتوویی بەردەوامبن لە خزمەتەکانیان. سوپاسی ئەوبەڕێوەبەرو سەرۆک بەشانە دەکات ک ەبەوپەڕی دڵسۆزیەوە ئەرکەکانیان ڕاپەڕاندووەو لەئێستادا دەچنە پڕۆسەی خوێندن، هاوکات پیرۆزبایی لە بەڕێوەبەرانی تازە دەستبەکاربوو دەکات، لەوانە: نوسینگە، خۆیی، تۆمارگا، دڵنیایی جۆری، خوێندنی باڵا، ئەندازەو پرۆژەکان، کۆگاو دابینکردن.
ڕۆژانی ٢٩و۳۰ی ۱۰ی ۲۰۲۳ لە هۆڵی د.مستەفا زەڵمی کۆنفرانسی زانستی نێودەوڵەتی ( کورو کوردستان لە سەرچاوەو بەڵگەنامە بیانیەکاندا ) بە چاودێری بەڕێز د. ئارام محمد قادر وەزیری خوێندنی باڵاو توێژینەوەی زانستی و بەسەرپەرشتی پ.د. مهاباد کامل عەبدوڵا، سەرۆکی زانکۆی هەڵەبجە و بەهەماهەنگی دەزگای ڕۆشنبیری جمال نەبەز و بەسپۆنسەری میدیایی دەزگای میدیایی کوردسات بەڕێوەچوو .
سەرەتای کۆنفرانس بەسروودی نیشتیمانی ئەی ڕەقیب دەستیپێکردو هەمووان ساتێک بە بێ دەنگی بۆ گیانی پاکی شەهیدان بە پێوە وەستان، پاشان وتاری بەخێرهاتن لەلایەن بەڕێز(پ.د.مهاباد کامل عەبدوڵا) سەرۆکی زانکۆی هەڵەبجەوە پێشکەشکەشکرا، دواتر لەلایەن بەڕێز(پ.ی د. نەریمان عبداللە علی) ڕاگری کۆلێژی زانستە مرۆڤایەتیەکانی زانکۆ وتاری لیژنەی زانستی کۆنفرانس خوێندرایەوە.
دواتر پانێڵەکانی کۆنفڕانس دەستیپێکردو پانێڵی سەرەکی کۆنفرانس لەلایەن د.کاروان فتاح وەک بەڕێوەبەری پانێڵ بۆ هەریەک لە بەڕێزان :
پانێڵیستی یەکەم : پ.د. Leezenberg بەناونیشانی وتاری (کوردو کوردستان لە ئەرشیفی هۆڵەندا ) پێشکەشکرا .
پانێڵیستی دووەم : پ.د. محمود زاید بە ناونیشانی وتاری ( کوردو کوردستان لە ئەرشیفی میسری دا ) پێشکەشکرا .
پانێڵیستی سێیەم : پ.ی.د. ڕەنجدەر شێرزاد بەناونیشانی وتاری (کوردو کوردستان لە ئەرشیفی ئینگلیزدا ) پانێڵیستی چوارەم : پ.ی.د. سەروەر عبداللە ناونیشانی وتاری (کوردو کوردستان لە ئەرشیفی ئەڵماندا ) پێشکەشکرا .
پاش گفتوگۆ و سەرنج و پرسیاری ئامادەبووان پانێڵەکە کۆتایی هات و پاش پشوویەک پانێڵی یەکەمی پێشکەشکردنی توێژینەوەکانی کۆنفرانس دەستی پێکرد
پانێڵی یەکەم لەلایەن پ.د.سۆزان کریم مستەفا وەک بەڕێوەبەری پانێڵ بەڕێوەچوو بۆ هەریەک لەبەڕێزان :
یەکەم / توێژەر د. هێمن باقر عبدول بەناونیشانی (رەچەڵەکی کورد ، لە ڕوانگەی خەسڵەتە جەستەییەکانەوە لە دیدی ڕۆژهەڵاتناساندا ) پێشکەشکرد .
دووەم /م.ی. احمد قادر علی بەناونیشانی ( ڕووماڵی کارەساتی کیمیابارانی هەڵەبجە لە ڕۆژنامەگەری تورکیادا )پێشکەشکرد .
سێیەم / توێژەر پ.د. نورەتین بەڵتەکین بەناونیشانی ( کوردی زازا لە سەرچاوە ئەڵمانییەکاندا ) پێشکەشکرا
چوارەم / توێژەر حەبیبە پۆڵاتاغ بەناونیشانی (ژنی کورد لە سەرچاوە بیانییەکاندا ) پێشکەشکرا . بەسەرنج و گفتوگۆ و پرسیاری ئامادەبووان پانێڵی یەکەم سەرلەبەیانی ڕۆژی یەکەمی کۆنفڕانس کۆتایهات و دوای نیوەڕۆی هەمان ڕۆژ پانێڵی دووەم دەستی پێکرد
پانێڵی دووەم لەلایەن د. ئاریان سدیق وەک بەڕێوەبەری پانێڵ بەڕێوەچوو بۆ هەریەک لە بەڕێزان :
یەکەم / توێژەر شاخەوان عبداللە صابر بەناونیشانی ( پرسی زمان وەک ڕەگەزێکی شوناسی نەتەوەیی له ڕۆژئاوای کوردستان لە دیدی جۆردی تیجیل و هیریت مۆنتگومری ١٩٢٠ – ٢٠٠٠ ) پێشکەشکرا .
دووەم / توێژەر م. مەزهەر ئیبراهیمی بەناونیشانی ( کورد لە شیعری کلاسیکی فارسیدا ) پێشکەشکرا .
سێیەم / توێژەر هاوارە رەمضان وەلی بەناونیشانی ( ڕوانینی ڕەخنەگرانی فارس بۆ ئەدەبی کوردی ) پێشکەشکرا .
چوارەم / توێژەر زانا کاراک بەناونیشانی ( سەیاهاتنامە یا ئەولیاچەلەبی دەشۆپێن ئەدەبیاتا کوردی ) پێشکەشکرا . بەسەرنج و گفتوگۆی ئامادەبووان پاش پشوویەکی کورت کۆتایی بە پانێڵی دووەم هات و پاشان پانێڵی سێیەم دەستی پێکرد .
پانێڵی سێیەم لەلایەن م. عادل صدیق وەک بەڕێوەبەری پانێڵ بەڕێوەچوو بۆهەریەک لەبەڕێزان :
یەکەم / توێژەر پ.د. ئاراس محمد صاڵح بەناونیشانی ( ڕەوشی شاری سلێمانی لە گەشتەکانی ڕیچ و فرایزەردا ) پێشکەشکرا .
دووەم / توێژەر پ.ی.د. دڵشاد محمود عبدالرحمان بەناونیشانی ( سەنجەقی سلێمانی لە ساڵنامەکانی عوسمانیدا ) پێشکەشکرا .
سێیەم / توێژەر د. تارا خدر دەشتی بەناونیشانی ( کورد لە سەردەمی ئیسلام لە نووسینەکانی ڕۆژهەڵاتناس ئەرشاک پۆڵادیان (ٚ کورد لەسەرچاوە عەرەبیەکان ، کورد لەسەردەمی عەبباسی ) وەک نموونە پێشکەشکرا.
چوارەم / توێژەر د.کارزان کریم امین بەناونیشانی (کورد فۆبیا ، وێناکردنی کورد لە دەقنامەی ئەرشیفی بەریتانی سەرەتاکانی سەدەی بیستەم ) پێشکەشکرا . بەسەرنج و گفتوگۆ و پرسیاری ئامادەبووان کۆتای بەسێیەم پانێڵی یەکەم ڕۆژی کۆنفرانستی زانستی زانکۆی هەڵەبجە هات و بەم شێوەیە یەکەم ڕۆژی کۆنفرانسەکە کۆتایی هات.
ڕۆژی دووشەممە ۳۰ی ۱۰ی ۲۰۲۳ دووەم ڕۆژی کۆنفرانس دەستیپێکردەوە، سەرەتای بەرنامەی کاری دووەم ڕۆژی کۆنفرانسەکە پێشکەشکردنی توێژینەوەکانی کۆنفرانس بوو کە پێکهاتبوو لە سێ پانێڵ .
پانێڵی چوارەم لەلایەن بەڕێز د. مەروان مەزهەر جافر وەک بەڕێوەبەری پانێڵ بۆ هەریەک لە بەڕێزان :
یەکەم / توێژەر م.ی. بەهرۆز بەکر عوسمان بەناونیشانی ( کاریگەرێتییەکانی چینایەتی لە مێژووی کورددا لەسەرچاوە خۆرئاواییەکانی سەدەی نۆزدە تا ناوەڕاستی سەدەی بیستەم )
دووەم/ توێژەر م.ی. دڵگەش سعید سەیدۆ بەناونیشانی ( دزی و ڕێگری و جەردەیی لە نێو کوردان لە گەشتنامەو یاداشتەکانی گەڕیدە بەریتانییەکان ١٩٠٠ – ١٩٣٢ )
سێیەم / توێژەر م. جمال مجید فرج بەناونیشانی ( تێڕوانینی وەزارەتی دەرەوەی بەریتانیا بۆ مێژووی بەشێکی کوردستانی دەوڵەتی عوسمانی لە پەرتووکی
( Armenia and Kurdistan )
چوارەم / توێژەر م.ی. حەمزە محمد صاڵح بەناونیشانی ( کورد لە ڕوانگەی کۆمەڵناسە تورکەکانەوە : زیا گوێکاڵپ بەنموونە ) بەگفتوگۆو سەرنج و پرسیاری ئامادەبووان کۆتایی بە پانێڵەکە هات و پێنجەم پانێڵ دەستی پێکرد .
پانێڵی پێنجەم لەلایەن پ.ی.د. حسێن محمد صاڵح وەک بەڕێوەبەری پانێڵ بەڕێوەچوو بۆ هەریەک لەبەڕێزان :
یەکەم / توێژەر د. فەرهاد عبدالعزیز امین بەناونیشانی ( باسوخواسی شێخ ڕەزای تاڵەبانی لە یاداشتەکانی مێچەر ئی . بی . سۆن و سیسل جۆن ئیدمۆنس دا
دووەم / توێژەر د. سامان مستەفا ڕەشید بەناونیشانی ( ناودارانی کورد لە پەرتوکی ” زانایانی کۆتا سەردەمی عوسمانی “)
سێیەم / توێژەر پ.د. علی رحمتی بەناونیشانی ( میرو والیە کوردەکانی هۆزی شادلۆ لە ویلایەتی بجنوری خۆراسان لەسەردەمی قاجاری لە سەرچاوە ئێرانیەکاندا )
چوارەم / توێژەر د. سامان صلاح فتاح بەناونیشانی ( ڕۆڵی سیاسی و سەربازی شێخ محمد صادق نەهری لەنێوان ساڵانی ١٨٩٠ – ١٩٠٧ ) بەگفتوگۆو سەرنجی ئامادەبووان کۆتایی بەپانێڵی پێنجەم هات و پانێڵی شەشەم و کۆتایی دەستی پێکرد .
پانێڵی شەشەم لەلایەن م.هەردی حمە سعید وەک بەڕێوەبەری پانێڵ بەڕێوەچوو. توێژەر پ.ی.د. ئاسۆس محمد ملا قادر توێژینەوەیەکی بەناونیشانی ( دەقە مێخیە خوری – ئەکەدییەکانی شانشینی ئەڕاپخا (کەرکووک) و ئەو زمانە جیهانیانەی دەقەکانیان پێ بڵاو کراونەتەوە ) پێشکەشکرد بەگفتوگۆو سەرنجی ئامادەبووان کۆتایی بە پانێڵەو بەرنامەی کاری سەرلەبەیانی دووەم ڕۆژی کۆنفرانسەکە هات.
بەرنامەی کاری سەرلەئێوارەی ڕۆژی دووەمی کۆنفرانسەکە دەستیپێکرد بە ئامادەبوونی بەڕێز(پ. د.مهاباد کامل عەبدوڵا) سەرۆکی زانکۆی هەڵەبجەو بەڕێز( ئازاد تۆفیق)پارێزگای هەڵەبجەو هونەرمەندی گەورەی کورد مامۆستا مەزهەری خالقی و بنەماڵەی شەهیدی قەڵەم مەلا جمیل ڕۆژ بەیانی و ئەندامانی دەستەی شارەزایانی قەڵەمی زێڕین و ژمارەیەکی بەرچاو لەکەسایەتی و ڕۆشنبیرو نوسەران.
بەرنامەی کار بە دەقیقەیەک وەستان بۆ گیانی پاکی شەهیدان و سردووی نیشتیمانی ئەی ڕەقیب بەرنامەکان دەستی پێکرد ؛ٔ دواتر لەلایەن (د.سەروەر عبداللە) ڕاسپاردەکانی کۆنفراس خوێنرایەوەو لەچەند خاڵێکدا خرایەڕوو . پاشان هەریەکەلە بەڕێزان ئازاد تۆفیق پارێزگای هەڵەبجە و حەیدەر لەشکری دەستەی شارەزایان و دەوەن مەعرووف بەڕێوەبەری ڕێکخراوی ڕۆشنبیری جەمال نەبەز وتاریان پێشکەشکرد. دواتر خەڵاتی قەڵەمی زێڕینی جەمال نەبەز بەخشرا بەهونەرمەندی گەورە(مەزهەری خالقی)، هاوکات ڕێزلێنان بەخشرا بەتوێژەران و دەزگای میدیایی کوردسات و ڕێکخراوی ڕۆشنبیری جەمال نەبەز و گروپی میوزیکی باڵامبۆو هونەرمەند (هۆشیار حەمەفەرەج). بەچەند بەرهەمێکی گرووپی میوزیکی باڵامبۆو بەمیوانداری هونەرمەند(هۆشیار حەمە فەرەج) کۆتایی بەکارەکانی چوارەمین کۆنفرانسی زانستی نێودەوڵەتی (کوردوکوردستان لەسەرچاوەو بەڵگەنامەبیانیەکاندا) کۆتایهات.
پرۆگرامی سەرکردەکانی ئایندە زەمالەى ئەکادیمی و دەرفەتی ڕاهێنانی گەشەپێدانی توانای ڕابەرایەتیکردن ڕادەگەیەنێت بۆ خوێندکارانى بەکالۆریۆس و ماستەر لە عێراقدا
پرۆگرامی دەستپێشخەری هاوبەشیکردن لە رۆژهەڵاتی ناوەڕاست(MEPI) کە بە پرۆگرامی سەرکردەکانی ئایندە ناسراوە و لەلایەن وەزارەتی دەرەوەی ئەمریکاوە سپۆنسەر دەکرێت کراوایە و دەرگاى پێشکەشکردنى واڵا کردووە بە ڕووى خوێندکارانی بەکالۆریۆس و ماستەر لە عێراقدا. ئەم پڕۆگرامە زەمالەی ئەکادیمی و دەرفەتی ڕاهێنانی گەشەپێدانی توانای ڕابەرایەتیکردن پێشکەشی خوێندکارانی سەرکەوتوو دەکات کە لە ڕیێ پڕۆگرامەکەوە نوێنەرایەتیی هەمەڕەنگیی کەلتوری و ئایینی و جوگرافیی وڵاتانی ناوچەی مینا (ڕۆژهەڵاتی ناوەڕاست و باکوری ئەفریقا) دەکەن.
بۆچی خوازیاران پێویستە ئەم پرۆگرامە هەڵبژێرن؟
بۆماوەی ١٧ ساڵ پرۆگرامی رابەرانی ئایندە هەماهەنگیکردووە لەگەڵ زانکۆ پێشەنگەکانی شێوازی خوێندنی ئەمریکی لە وڵاتانی ناوچەی مینا. ئامانجی سەرەکی پرۆگرامەکە پڕ زانیاریکردنی بەشداربووەکانە بە پێدانی زانیاری و پراکتیزەکردنی کارامەیی گرنگ بۆ رابەرایەتیکردنی کاریگەر، بە پێدانی دەرفەت بەو خوێندکارانە و خوێندن لە زانکۆی ئەمریکیی بەیروت و زانکۆی ئەمریکی لە قاهیرە و زانکۆی ئەمریکیی لوبنانی خوێندکاران بەشداردەبن لە کەلتوری هونەری ئازاد و بیرکردنەوە رەخنەگرانەو داهێنەرەکانیان بەهێزتر دەکەن و توانای دۆزینەوەی چارەسەری نوێ و بۆ ئەو ئاڵەنگاریانەی رووبەرووی کۆمەڵگاکەیان دەبێتەوە لە (ڕۆژهەڵاتی ناوەڕاست و باکوری ئەفریقا) و هەموو جیهاندا.
کۆتا بەرواری پێشکەش کردنی داواکاری: ٣٠ – ١١ – ٢٠٢٣ :
زانیاری تەواو لەسەر زەمالەکە بەشێوەی ڤیدیۆ:
زانیاری لەسەر پڕکردنەوە داواکاری:
وێبسایت و فۆڕمی داواکاری:
زانکۆی هەڵەبجە بۆ خزمەتکردن بە زانست و زانستخوازیی بەردەوامە لەهەنگاونان و کردنەوەی بەشی نوێ، بەجۆرێک لەگەڵ بازاڕی کارو سەردەم بگونجێت و خوێندکار بەشێوەیەکی ئەکادیمی پێبگەیەنێت تالەبازاڕی کاردا خاوەن پێگەی خۆی بێت. پاڵپشت بەنوسراوی وەزارەتی خوێندنی باڵاو توێژینەوەی زانستی/دەزگای سەرپەرشتی و دڵنیایی جۆری/بەڕێوەبەرایەتی دڵنیایی جۆری و متمانەبەخشین ژمارە (٢٠٦٨١) لەڕێکەوتی ١٩ی١٠ی٢٠٢٣ تایبەت بەڕەزامەندیان لەسەر کردنەوەی بەشی (پەروەردەی تایبەت) لە کۆلێجی پەروەردەی شارەزوور؛ ئاماژە بە فەرمانی زانکۆیمان ژمارە(٤١٤١) لە ڕێکەوتی ٢٤ی١٠ی٢٠٢٣، بڕیاردرا بەکردنەوەی بەشی ناوبراو، ئەمەش هەنگاوێکیتری ئەکادیمیە کە بە هەوڵی بەڕێز( پ.د.مهاباد کامل عەبدوڵا) سەرۆکی زانکۆمان و بۆ زیاتر خزمەتکردنە بە خوێندنکاران و خوێندنی باڵا لە سنووری پارێزگای هەڵەبجە.
سەرلەبەیانی ئەمڕۆ، دووشەممە ٢٣ی١٠ی٢٠٢٣ لە کتێبخانەی ناوەندی زانکۆی هەڵەبجە مەراسیمی بەخشینی بروانامەی خولی راهێنانی ICT and Modern Academic Tools بەرێوەچوو. خولەکە بەسەرپەرشتی بەرێز سەرۆکی زانکۆ ( پ. د. مهاباد کامل عەبدوڵا)، زانکۆی هەڵەبجە بە هەماهەنگی لەگەڵ دامەزراوەی سەرۆک جەلال تاڵەبانی لە نێوان ٩/٢٥-٢٠٢٣/١٠/٢٣ لە زانکۆی هەڵەبجە بەرێوەچوو.
سەرەتای مەراسیمەکەلە ووتەیەکدا بەرێز (پ. د مهاباد کامل عەبدوڵا) سەرۆکی زانکۆ باسی لە گرنگی خولەکە و بابەتەکانی کرد. پاشان (د .محمد سابیر) سەرۆکی دامەزراوەی سەرۆک جەلال تاڵەبانی لە ووتەیەکدا باسی لە چالاکیەکانی دامەزراوەکە و پەیوەندیەکانی لەگەڵ زانکۆی هەڵەبجە و گرنگی ئەمجۆرە خولانە کرد. پاشان بروانامەکان بەخشرا بەبەشداربووان.
خولەکە لە لایەن (م. باوەڕ محمد فرج) وترایەوە، کە لە ماوەی چوار هەفتە و بە شێوەی دوو گروپ بەرێوەچوو، هەر گروپێک ٢ هەفتە(هەفتەی دوو رۆژ) ڕاهێنانی چڕ و پڕی وەرگرت لە بواری نوێترین ئامرازەکانی تەکنەلۆژیا بۆ فێربوون و فێرکردن هەروەها بەرەوپێشبردنی توانای ئەکادیمی. تەوەرێکی پرۆگرامەکان بریتی بوون لە ئامرازە ئەکادیمیە مۆدێرنەکان. بە گشتی بەشداربووان دوای بەشداریکردن لەم خولەدا ئاشنا کران بە بەرنامەکانی گۆگل G-Suite و نوێترین بەرنامەکان بۆ دروستکردنی سیمینار و فۆرم. هەروەها ئاشنا کران بەبەکارهێنانی ژیری دەستکرد لە پرۆسەی فێرکردندا، وەک (چات جیپیتی، بارد، و چەندان ئامرازی ژیری دەستکردی)دیکە باسکران کە بابەتی زانستی رۆژن. لەلایەکی دیکەوە ئاشنا کران بە گۆڤارە زانستیەکان و شێوازی دیاریکردن و هەڵبژاردنی گۆڤارێکی گونجاو بۆ بلاوکردنەوەی توێژینەوە تیایاندا.
