یاداشتی لێکتێگەیشتنی نێوان سەنتەری پەرەپێدانی کار لە زانکۆی هەڵەبجە و بەڕێوەبەرایەتی کار و ڕاهێنانی پیشەیی هەڵەبجە واژۆ کرا.
ڕۆژی سێشەممە ٢٠٢٤/٤/١٦، بەئامادەبوونی بەڕێزان خاتوو تارا محمد بەڕێوەبەری کارو ڕاهێنانی پیشەیی هەڵەبجە و مامۆستا بهاءالدین محمد بەڕێوەبەری سەنتەری پەرەپێدانی کار لە زانکوی هەڵەبجە یاداشتێکی لێکتێگەیشتن لەنێوان زانکۆی هەڵەبجە و بەڕێوەبەرایەتی کار و ڕاهێنانی پیشەیی هەڵەبجەدا واژۆ کرا.لە میانەی ئەو پەرەسەندنە ئابووریەی لەهەرێمی کوردستاندا هاتوەتە ئاراوە و بەمەبەستی پەرەپێدانی زیاتری پرۆسەی بەکارخستن و بنیاتنانی کارامەیی تواناکانی گەنجان و گەنجانی بێکار لەسنووری پارێزگای هەڵەبجەدا.

هەردوو بەڕێزان (پ. ی. هونەر فرید حمەعلی) سەرۆك بەشی ئەندازیاری شارستانی و (پ. ی. د. رابەر حمە امین فرج) بڕیاردەری بەشی ئەندازیاری شارستانی، توێژینەوەیەکی هاوبەشیان بە ناونیشانی:

Predicting the maximum dry density and optimum moisture content from soil index properties using efficient soft computing techniques
لە گۆڤاری نێودەوڵەتی (Neural Computing & Applications) بڵاو کردوەتەوە کە خاوەنی ئیمپاکت فاکتەری (6)ە و یەکێکە لەگۆڤارە ئاست بەرزە جیهانیەکان و سەربە پەبلیشەری بەناوبانگی (Springer)ە

بۆ بینینی توێژینەوەکە کلیک لێرە بکەن.

بەڕێز مامۆستا هیوا عبداللە معروف سەرۆک بەشی فیزیا لە کۆلێجی زانست، توێژینەوەیەکی بڵاوکردووەتەوە لە گۆڤاری Journal of Energy Storage کە خاوەنی ئیمپاکت فاکتەری (IF=9.4) لە چارەکی یەکەم Q1 بەناونیشانی:CFD modeling of a tabular three-pass solar air heater with phase change material: Investigating heat transfer enhancement and energy efficiency

بۆ خوێندنەوەی توێژینەوەکە، کلیک لێرە بکە:

دوو مامۆستای زانکۆی هەڵەبجە لە کۆلێجی زانست، بەشی زانستی فیزیا بەهاووبەشی توێژینەوەیەک لە گۆڤارێکی نێودەوڵەتی ئاست بەرز بڵاودەکەنەوە.
بەڕێزان (م.یوسف حسین ، م.ڕێبازعبێد ) بەهاوبەشی توێژینەوەیەکیان بڵاو کردوەتەوە، لە گۆڤاری journal of molecular structure بە ئیمپاکت فاکتەری (IF=3.8) لە ScienceDirect بەناونیشانی:
Quantum chemical calculation for synthesis some thiazolidin-4-one derivatives.
بۆ خوێندنەوەی توێژینەوەکە، لێرە کلیک بکە:

ژمارە بیست و پێنج (وەشانی ١ی بەرگی ٩ی سالی ٢٠٢٤) گۆڤاری زانکۆی هەڵەبجە بڵاوکرایەوە. ئەم ژمارەیە ٢٥ توێژینەوەی جیاوازی بە زمانەکانی کوردی، ئینگلیزی، فارسی و عەرەبی لەخۆدەگرێت، کە پێکهاتووە لە بابەتەکانی زمان، ئەدب، ڕامیاری، ئابوری، ئاینی، راگەیاندن، مێژووی، جوگرافی، پەروەردەیی و دەروونزانی.
گۆڤاری زانکۆی هەڵەبجە یەكێكە لەگۆڤارە زانستییە ئەكادیمییەكان و لەلایەن وەزارەتی خوێندنی باڵاو توێژینەوەی زانستیەوە باوەڕپێکراوە. هەروەها گۆڤارەكە لەچەندین دامەزراوەی زانستی نوانە كراوە، لەهەمان كاتدا خاوەنی (DOI) و (ISSN)ی تایبەتی خۆیەتی. گۆڤاری زانکۆی هەڵەبجە لە لایەن زانکۆی هەڵەبجەوە بلاودەکرێتەوە و ساڵانە بەشێوەی وەرزانە ٤ ژمارە لە ساڵێکدا بڵاودەکاتەوە و ئێستا لە ساڵی نۆیەمی بڵاوکردنەوەدایە.
بۆ بینینی سەرجەم توێژینەوەکانی ئەم ژمارەیە کلیک لێرە بکەن:

بەمەبەستی زیاتر بەرەوپێشبردنی کەرتی خوێندنی باڵاو کەرتی تەندرووستی و خزمەتکردن بەهەڵەبجە، هەنگاوەکانی کردنەوەی کۆلێجی پزیشکی لە زانکۆی هەڵەبجە خێراتردەکرێن و ڕێکارەکانیش لەگەڵ وەزارەتەکانی خوێندنی باڵا، تەندروستی و دارایی دەگیرێتە بەر.
سەرلەبەیانى ئەمڕۆ چوارشەممە ٢٠٢٤/٣/٢٧ لە سەرۆکایەتی زانکۆی هەڵەبجەبە ئامادەبوونی بەڕێزان (ئازاد تۆفیق، پارێزگاری هەڵەبجە، پڕۆفیسۆر د. مهاباد کامل عبداللە، سەرۆکی زانکۆی هەڵەبجە)و ئەندامانی بۆردی باڵای کردنەوەى کۆلێجی پزیشکی لە زانکۆی هەڵەبجە، تاوتوێی خێراترکردنی کردنەوەی کۆلێجی پزیشکی کراو کۆمەڵێک ڕێوشوێن ڕێکەوتنیان لەسەرکراو ئەندامانی بۆرد پەیوەست بەکردنەوەی کۆلێجەکە رایانگەیاند لای خۆیانەوە هاوکاری تەواوی زانکۆ دەکەن بەمەبەستی هەنگاوەکانی کردنەوەی کۆلێجەکەو لەگەڵ وەزارەتەکانی خوێندنى باڵا و دارایی و تەندروستى بە هەماهەنگی لە ڕووی زانستى و پزیشکیەوە ئامادەکاریی بۆ دەکرێت.

بۆ خزمەتکردنی زیاتر بەزانست و بەردەوامی هەنگاونانی زانکۆی هەڵەبجە لەبەرەوپێشچوون، وەزارەتی خوێندنی باڵاو توێژینەوەی زانستی بەنوسراوی ژمارە( ٥٧٣٧)لە ڕێکەوتی ٢٥ی٣ی٢٠٢٤و لەسەر داواکاری زانکۆی هەڵەبجە ڕەزامەندی دەربڕی بەکردنەوەی بەشی(زانستی وەرزش بۆ تەندرووستی و بەجێهێنان)، ئەم بەشە سەر بەکۆلێجی پەروەردەی جەستەیی و زانستە وەرزشیەکان دەبێت و یەکێکیترە لەهەنگاوە ئەکادیمیەکانی زانکۆی هەڵەبجە بۆ خزمەتکردن بەخوێندکارانی ئارەزوومەند لەو بوارەدا کەدەیانەوێت پسپۆڕی تەواو بەدەستبهێنن، هاوکات هەوڵێکیتری زانکۆی هەڵەبجەیه بۆ خزمەتکردن بەهاووڵاتیانی هەڵەبجە.

لەچوارچێوەی بەشداریکردنی لە ٣٦هەمین ساڵیادی کیمیایی بارانکردنی هەڵەبجەداو لەهۆڵی کتێبخانەی ناوەندی زانکۆی هەڵەبجە، بەڕێز(د.ئارام محمد قادر) وەزیری خوێندنی باڵاو توێژینەوەی زانستی، فەرمانی کردنەوەی کۆلێجی پزیشکی ڕادەستی سەرۆکی زانکۆی هەڵەبجە بەڕێز(پ.د.مهاباد کمل عەبدوڵا)کرد، هاوکات بڕیاری دابینکردنی دووسەد ملیۆن دیناری بۆ ژێرخانی کۆلێجەکەدا؛ کردنەوەی کۆلێجی پزیشکی یەکێکە لەهەوڵەگرنگ و ئەکادیمیەکانی زانکۆ بۆ خزمەتکردن بەکوردستان بەگشتی و هەڵەبجە بەتایبەت.
ئەم ڕاگەیاندنەى د. ئارام محمد قادر وەزیرى خوێندنى باڵا و توێژینەوەى زانستى ئەمڕۆ شەممە، ڕێکەوتى (16-3-2024)، لە ڕێورەسمی 36ەمین ساڵیادی کیمیابارانی هەڵەبجەدا هات کەلەلاین زانکۆمان ڕێکخرابوو.
لە ڕێورەسمەکەدا پارێزگارى هەڵەبجە و ڕاوێژکارو بەڕێوەبەرانى گشتى و یەکە ئیدارییەکان و مامۆستایان ئامادەیبون، وەزیری خوێندنی باڵا و توێژینەوەی زانستی وتی؛ دەمەوێت ئەو موژدەیە بە هەمو لایەک رابگەیەنم، ئەمڕۆ فەرمانی کردنەوەی کۆلێجی پزیشکی لە زانکۆی هەڵەبجە رادەستی سەرۆکی زانکۆ دەکەم و لەئەمڕۆوە زانکۆى هەڵەبجە دەبێتە خاوەن کۆلێجی پزیشکی. بۆ ئەمەش داوا لە خەڵک و هەمو لایەنە پەیوەندیدارەکان دەکەین هاوکارمان بن بۆ ئەوەی زانکۆی هەڵەبجە ببێتە زانکۆیەکی زۆر باش و خاوەن کواڵێتییەکی بەرز.

پاش نیوەڕۆی ئەمڕۆ شەممە ۱٦ی ۳ی ۲۰۲٤ لە هۆڵی کتێبخانەی ناوەندی زانکۆی هەڵەبجە لە ۳٦هەمین ساڵیادی جینۆسایدی هەڵەبجەدا بە ئامادەبوونی بەڕێز د.ئارام محمد قادر وەزیری خوێندنی باڵاو توێژینەوەی زانستی و پ.د.مهاباد کامل عبداللە سەرۆکی زانکۆ و بەڕێز ئازاد تۆفیق پارێزگاری هەڵەبجە و چەندین کەسایەتی حکومی و ئیداری و حیزبی و خانەوادەو کەسوکاری شەهیدان و مامۆستایانی زانکۆ چەند چالاکییەک بەڕێوەچوو .

سەرەتا و وەک هەمیشە بەچەند خولەکێک وەستان بۆ گیانی پاکی شەهیدان و شەهیدانی جینۆسایدی هەڵەبجە هەمووان چەند خوولەکێک بەبێدەنگی بەپێوە وەستان .

دواتر د.ئارام محمد وەزیری خوێندنی باڵاو توێژینەوەی زانستی وتارێکی خوێندەوەو تیایدا هاوخەمی و پەژارەی خۆی دەربڕی بەرامبەر بەو کارەساتە گەورەو جەرگبڕەی کەبەسەر مناڵ و ژن و خەڵکی بێتاوانی ئەم شارەدا هاتووە ، هەر لەوتارەکەیدا دەسکەوتێکی گەورەی زانکۆی هەڵەبجەو شاری هەڵەبجەی واژۆ کردو فەرمانی کردنەوەی کۆلێجی پزیشکی هەڵەبجەی ڕادەستی پ.د.ماباد کامل عبداللە سەرۆکی زانکۆی هەڵەبجە کرد .
پاشان پ.د.مهاباد کامل عبداللە سەرۆکی زانکۆی هەڵەبجە وتاری سەرۆکایەتی زانکۆی هەڵەبجەی خوێندەوەو هاوخەمی خۆیان بۆ ئەم کارەساتە گەورەیە دەربڕی .

لە درێژەی چالاکییەکاندا لەلایەن گرووپی فێرگەی ( نەوا ) چالاکی دەف ژەنین بەناونیشانی ( پەنجەکانی شار ) پێشکەشکراو ، سردووی شارەکەم لەلایەن هونەرمەند ( نەجم محمد عبداللە ) پێشکەشکرا .

لەکۆتاییدا پانێڵێک بەناونیشانی ( هەڵەبجە لە جینۆسایدکردنەوە ، بۆ ئاوەدانکردنەوەو قەرەبوو کردنەوە ) لەلایەن دکتۆرە بەفراو ڕەووف حمە یوسف بەڕێووەچوو بۆهەریەک لەبەڕێزان :

یەکەم / پانێڵیست محمد علی قادری سەرۆکی فەرمانگەی چاودێری کۆمەڵایەتی کۆماری ئێسلامی ئێران بەناونیشانی ( دۆخ و چارەنووسی منداڵە ونبووەکانی هەڵەبجە لە کۆماری ئیسلامی ئێراندا ) پێشکەشکرد .

دووەم / پانێڵیست د.عیبار ڕۆحی بەناونیشانی ( هەڵسەنگاندنی بڕیاری دادگای لاهای لە کەیسی ( فرانس ڤان ئان رانت )دا پێشکەشکرد .

سێیەم / پانێڵیست د.ئاوارە محمد حسێن ڕاگری کۆلێجی یاسا بەناونیشانی ( بنەماو شێوازەکانی قەرەبووکردنەوەی قوربانیانی جینۆسایدی هەڵەبجە ) پێشکەشکرد .

بەکۆتایی هاتنی پانێڵەکە کۆتایی بەچالاکییەکانی ۳٦ هەمین ساڵیادی جینۆسایدی هەڵەبجە لە زانکۆی هەڵەبجە کۆتایی هات .

بەمەبەستی پەرەپێدانی كاری پێكەوەیی‌ و هەماهەنگی لەنێوان زانكۆ‌ و كەرتی تایبەت‌ و كەرتی حكومی، بۆردێكی ڕاوێژكاری لەنێوان زانكۆكانی سلێمانی‌ و هەڵەبجە‌ و چەرموو دروستدەكرێت، ئەو بۆردە لەلایەن مامۆستایەكی ئەكادیمییەوە سەرپەرشتی دەكرێت، بەئەندامێتی چەند كەسایەتییەك لەكەرتی تایبەت بەڕێوەدەبرێت،جێی باسە، ڕۆژی ۱۰ی ئاداری ۲۰۲٤، لەهۆڵی سەنتەری هەماهەنگی زانكۆ و كۆمەڵگە لەسەرۆكایەتی زانكۆی سلێمانی، پانێڵێک بەناونیشانی Industry Advisory Board بۆ د.خەتاب ئەحمەد‌ و د.ئامانج عەبدوڵڵا ڕێكخرا. لەو پانێڵەدا كە نوێنەرانی زانكۆی سلێمانی‌ و هەڵەبجە‌ و چەرموو ئامادەیبوون، باس لەپڕۆژەی IAB كراو ئامانج و مەبەستەكانی خرایەڕوو.