زانكۆی هەڵەبجە هەوڵەكانی بۆ كردنەوەی كۆلێجی پزیشكی بەردەوامی هەیە

سەر لە بەیانی ئەمرۆ ڕێكەوتی (٢٠٢٠/١/٨) وەفدێكی وەزارەتی تەندروستی سەردانی زانكۆی هەڵەبجەیان كرد .
بەسەرپەرشتی  د. تاهیر هەورامی وەفدێكی وەزارەتی تەندوستی  و د. ئازاد مستەفا قادر بەڕێوەبەری گشتی تەندروستی هەڵەبجە و بەڕێز کاوە علی جێگری پارێزگاری هەڵەبجە و د. کارزان عبداللە ڕاگری کۆلێجی زانستە پراکتیکیەکانی  هەڵەبجە سەردانی زانكۆی هەڵەبجەیان كرد .
لەلایەن بەڕێز پ.ی.د.مهاباد كامل عبدالله سەرۆكی زانكۆ و ڕاگری كۆلێجی زانست و بەڕێوەبەری دڵنیایی جۆری زانكۆی هەڵەبجە پێشوازی كران ، لە وتەیەكدا سەرۆكی زانكۆ باسی لە گرنگی كردنەوەی كۆلێجی پزیشكی كرد و بەهەنگاوێكی گرنگی دانا بۆ دەڤەرەكە بە گشتی و بەڵێنیدا كە تەواوی هەوڵەكانیان دەخەنە گەڕ بۆ كردنەوەی ئەم بەشە ، وەفدی میوانیش بەهەموو شێوەیەك بەڵێنیاندا هاوكار و پشتیوان بن بۆ كردنەوەی ئەم بەشە و بە هەنگاوێكی گرنگیان وەسف كرد بۆ ناوچەكەو كەرتی تەندروستی لە هەڵەبجە لای خۆیانەوە بەڵێنی دابینكردنی بیناو هۆڵی خوێندن و تاقیگە و كەلوپەل وپێداویستی تەواویاندا بۆ ئەم بەشە .
لای خۆشیەوە جێگری پارێزگاری هەڵەبجە كە وەك نوێنەری پارێزگا ئامادەبوون بەڵێنی هەموو جۆرە هاوكارییەكی كارگێرییاندا بۆ كردنەوەی كۆلێجی پزیشكی لەكۆتایدا هەریەكە لەبەڕێزان سەرۆكی زانكۆ و وەفدی میوان سەردانی ئەو بیناو شوێنانەیان كرد كەبڕیارە لەكاتی كردنەوەی كۆلێجەكەدا دابین بكرێن لەكۆتایدا سەرۆكی زانكۆ و ستافی زانكۆ دەست خۆشی ئاراستەی وەفدی میوان كردو بەڕێزەوە بەڕێكران .

Sharing is caring!