پارێزگاری سلێمانی سەردانی زانكۆی هەڵەبجە دەكات

سەرلەبەیانی ئەمڕۆ ڕێکەوتی 2019/10/9 د.هەڤاڵ ئەبوبەكر پارێزگاری سلێمانی سەردانی سەرۆكی زانكۆی هەڵەبجەی كرد بەمەبەستی گەیاندنی پەیامی پیرۆزبایی بەبۆنەی دەست بەكاربونی پ.ی.د.مهاباد كامل عبداللە سەرۆكی زانكۆی هەڵەبجە ، پێشوازی كران لەلایەن  بەڕێزان سەرۆکی زانکۆو یاریدەدەری سەرۆكی زانكۆ بۆ كاروباری كارگێڕی و دارایی و سەرجەم ڕاگرەكانی زانكۆی هەڵەبجە.
پاشان پارێزگاری سلێمانی خۆشحاڵی خۆی بۆ بونی زانكۆی هەڵەبجە دەربڕی و باسی لە گرنگی زانكۆ كرد وەك ناوەندێكی ئەكادیمی و ڕۆشنبیری لەناوچەكە وبەرزكردنەوەی ئاستی زانستی مامۆستایان و قوتابیان كاریگەری دەبێت لەبەرەو پێش بردنی ئاستی ڕۆشنبیری شارەكە،وە ئاماژەی بەوەدا كەزانكۆی هەڵەبجە دەتوانێت كۆنتاكتی هەبێت لەگەڵ زانكۆكانی ناوەوە ودەرەوە بۆ بەرەو پێشبردن وگەشەكردنی زیاتری زانكۆی هەڵەبجە.
وە بەڕێزیان باسیان لەوە كرد بەوەدا كەزانكۆی هەڵەبجەدەتوانێت لینكێك لەگەڵ هەرچوار پارچەی كوردستان دروست بكات بۆ بەرەو پێشبردنی ئاستی داهات بۆ زانكۆ و شارەكەش.
پارێزگاری سلێمانی لەسەردانەكەیدا بەڵێنی تەرخانكردنی بڕی (3.000.000) سێ ملیۆن دیناری بۆ جێبەجێكردنی پێویستیەكانی كۆلێجی پەروەردەی جەستەی و زانستە وەرزشیەكان لە زانكۆی هەڵەبجە و هەروەها بەڵێنی هاوكاری زیاتری بۆ زانكۆی هەڵەبجە دوپات كردەوە و بەردەوام دەبێت لە هاوكاری و پشتیوانی زانكۆی هەڵەبجە.

 

Sharing is caring!