بەشی بازرگانی نێودەوڵەتی لە زانكۆی هەڵەبجە دەكرێتەوە

     بەپێی ناوەڕۆكی فەرمانی وەزاریی وەزارەتی خوێندنی باڵاو توێژینەوەی زانستی / دەزگای سەرپەرشتی و دڵنیایی جۆریی / بەڕێوەبەرایەتی دڵنیایی جۆریی و متمانەبەخشین ژمارە 10853 لە ڕێكەوتی2019/7/25 و فەرمانی زانكۆیی ژمارە 2792/5/2 لە بەرواری 2019/8/4 تایبەت بە كردنەوەی بەشی بازرگانی نێودەوڵەتی، ئەو بەشە لە زانكۆی هەلەبجە دەكرێتەوە .
    م. ئاكۆ محمد تۆفیق سەرپەرشتیار و مامۆستای بەش زانکۆی هەڵەبجە لەلێدوانێکدابۆ وێب سایتی زانكۆ باسی لەوەکرد كردنەوەی ئەم بەشەهەنگاوێكی گەورەی زانكۆی هەڵەبجەیە هەم بۆ فراوانبوونی زیاتری زنكۆ و هەمیش بۆ بە ئەكادیمی كردنی پرۆسەی بزنس بەتایبەت بزنسی نێودەولەتی و وادەكات خوازیارانی ئەو بوارە لە پارێزگای هەڵەبجە بە شێوەی زانستی بیرۆكەكانیان پراكتیزە بكەن .  سەبارەت بە سیستەمی خوێندن لەم بەشە سەرپەرشتیاری بەش ڕایگەیاند ئەم بەشەلەسەرسیستەمی (بۆڵۆنیاپرۆسێس ) دەبێت و پلان وبەرنامەیەکی پێشکەوتوو تۆکمەی هەیە بۆبەدەستهێنانی بڕوانامەی بەکالۆریۆس لەبواری بازرگانی نێودەوڵەتیدا. وتیشی ساڵی یەكەمی خوێندنی ئەم بەشە فاوندەیشنە و تەنها خوێندكار ئاشنا دەكرێت بە سیستەمی خوێندن و پرۆسەكە.
    سەبارەت بە میكانیزمەكانی وەرگرتنی خوێنكاران م. ئاكۆ  ووتی” وەرگرتن لە بەشەکەمان بەشێوازی زانکۆلاین و پارالێڵ دەبێت ، و ئەم بەشە لە پلانی ئەمساڵیدا 40 خوێندکار بۆخوێندنی بەیانیان وەردەگرێت لەمساڵی خوێندندا ، كە 35 كورسی بۆ خوێندكارانی دەرچووی دوانزەیەمی ئامادەیی  و 5 كورسی تایبەت كراون بە پارالێڵ ، ئاماژەشی بەوە كرد هاوتەریب بە پلانی بەیانیان ئامادەی وەرگرتنی خوێندكارین بۆ خوێندنی ئێواران و بۆ ئەو مەبەستە پلانمان بۆ وەزارەت ناردووە و لە ئێوارانیشدا خوێندكار وەردەگرین.
.
.

Sharing is caring!