زانكۆی هەڵەبجە،لە وۆرک شۆپێکدا كێشەكانی بەردەم كەرتی كشتوكاڵ خرانە روو

زانكۆی هەڵەبجە بە هاوبەشی زانكۆی پۆلیتەكنیكی سلێمانی و بە ئامادەبوونی ژووری بازرگانی سلێمانی لە وۆرکشۆپێکدا كێشە و گیروگرفتەكانی بەردەم كەرتی كشتوكاڵ لە ڕووی بازاڕگەرییەوە لە هەرێمی كوردستان دا دەخەنە روو،هاوكات بە پرۆژە چارەسەر بۆ كێشەكانی بەردەم ئەو كەرتە قسەیان لەسەركرا.

رۆژی دووشەممە،رێكەوتی 2019/6/10 بە هاوکاری و ئامادەبونی نوێنەری پارێزگای هەڵەبجە و ئەندامانی ئەنجومەنی نوێنەرانی کوردستان و بەڕێوەبەرایەتی کشتوکاڵ و ژووری بازرگانی و یەکێتی جوتیاران ، هەردوو زانکۆی هەڵەبجە وزانکۆی پۆلیتەکنیکی سلێمانی هەستان بە سازدانی وۆركشۆپێك سەبارەت بە گرفتەکانی بەردەم بازاڕگەریی كەرتی کشتوکاڵ . کە تیایدا زنجیرە سیمینارێکی تایبەت بە گرفتەکانی بەردەم بازارگەڕیی بەرهەمە کشتوکاڵیەکان وبەبازاڕکردنی بەرهەمەكان ئەنجام درا.

لە دەستپێكی كۆنفرانسەكەدا د.دانا عبداللە یاریدەدەری سەرۆكی زانكۆی هەڵەبجە بۆ كاروباری زانستی و خوێندنی باڵا وتاری بەخێرهاتنی میوانان و بەشداربوانی كۆنفرانسەكە پێشكەش کرد.

دواتر كاوە عەلی جێگری پارێزگاری هەڵەبجە لە وتارێكدا باسی هەندێك لە گرفتەكانی كەرتی كشتوكاڵ كرد و ئاشكرای كرد كە لە ئێستادا زیاتر لە 100000سەد هەزار دۆنم زەوی كشتوكاڵی لەژێر دەستی شارەوانی شارەكەدایە،كە 10%ی ئەو زەویانە تایبەتن بە شارەوانی و 45% ی زەویەكانی دیكە باخیان لەسەر دروستكراوە.

جێگری پارێزگاری هەڵەبجە لەبارەی بەرهەمە بە بازاركردنی بەرهەمە كشتوكاڵیەكانەوە وتی” پێویستە كار لەسەر شێوازی خشتنە بازاڕی بەرهەمەكان كە لەچ كاتێكدا بخرێنە بازارەوەو بەچ نرخێك دابنرێن بكرێن”

لەدرێژەی كۆنفرانسەكەدا د.كارزان عبداللە راگری كۆلێژی كشتوكاڵی پۆلەتەكنیكی سلێمانی وتاری زانكۆی پۆلیتەكنیكی سلێمانی خوێندەوەو و جەختیكردەوە كە زانكۆكەیان بە ئەركێكی نیشتیمانی دەزانن كاربكەن بۆ بەرەوپێشبردنی كەرتی كشتوكاڵ لە پارێزگای هەڵەبجەدا.
دواتر بەدوو زنجیرە سیمینار سەرجەم توێژەران و بەشداربوانی وۆركشۆپەكە سیمینارەكانی خۆیان لەبارەی كێشەوگرفتەكانی كەرتی كشتوكاڵیان پێشكەشكرد.

   لە زنجیرەی یەكەمی سیمینارەكاندا م. ئاكۆ تۆفیق بەڕێوەبەری بەرێوەبەرایەتی تەندرووستی و سەلامەتی و مامۆستای زانكۆی هەڵەبجە لە لە سیمیناری یەكەمی وۆركشۆپەكەدا ئامانجی ئەنجامدانی وۆركشۆپەكەی بۆ ئامادەبوان خستە ڕوو و زانستیانە دیارترین ڕێگە چارەی بەردەم گرفتی بازاڕگەری بەروبومە كشتوكاڵیەكان خستە ڕوو. دواتر هەریەك لە نوێنەرایەتی ژووری بازرگانی سلێمانی وەصفی خلیل اسماعیل و نوێنەری بەڕێوەبەرایەتی گشتی كشتوكاڵی هەرێم ئومێدمحمد لە ڕوانگەی خۆیانەوە بە سیمینارەكیانیان  تێڕوانینیان بۆ كەرتی كشتوكاڵ و گرفتەكانی بەردەم ئەو كەرتە كرد.

Sharing is caring!