بەڕێوەبەری سێنتەری گەشەپێدان بۆ کار بەشدار دەبێت لە وێرکشۆپێکی ڕێکخراوی ئایرێکسدا

ڕێکخراوی ئایرێکس، کە ڕێکخراوێکی ئەمریکی قازانج نەوسیتە، لە ڕۆژی پێنج شەممە ڕێکەوتی ٢/٥/٢٠١٩ لە ئوتێل ئەربیلی نێودەوڵەتی ھەستا بە ئەنجامدانی وێرکشۆپێک بۆ (سێنتەری گەشەپێدانی بۆ کار) ی سەرجەم زانکۆ حکومیەکانی کوردستان.

گۆران عمرمصطفی وەک نوێنەری زانکۆی ھەڵەبجە و بەڕێوەبەری سێنتەری گەشەپێدان بۆ کار لە وێرکشۆپەکەدا ئامادەبوو.

وێرکشۆپەکە بەشی دووەمی زنجیرەیەک وێرکشۆپە کە تایبەتن بە پڕۆگرامی ڕاھێنانی تواناکان و ئەنجامدانی ئەو ڕاھێنانە بە شێوازێکی سەرکەوتووانە.

پڕۆگرامی ڕاھێنانی تواناکان تایبەتە بە خوێندکارانی قۆناغی سێی سەرجەم بەشەکانی زانکۆکان کە تیایدا لە پشووی ھاویندا بەشێوەی خۆبەخشانە و بەمەبەستی وەرگرتنی ئەزموون لە کۆمپانیاکانی کەرتی تایبەت کاردەکەن بۆ ماوەیەک کە کەمتر نەبێت لە ١٠٠ کاتژمێر.

Sharing is caring!