پاش بەشدارى کردنى بەڕێز (م.ى ئاریان على حامد) بەڕێوەبەرى پەیوەندییە ئەکادیمیە نێودەوڵەتیەکانى زانکۆى هەڵەبجە لە خولى پیداگوجى لە زانکۆى هامک لە وڵاتى فنلەندا و دانیشتنى لەگەڵ ستافى ئۆفیسی ئینتەرناشناڵى ئەو زانکۆیە , بەمەبەستى بەرەو پێشتر بردنى پەیوەندیە ئەکادیمى و زانستیەکان و زیاتر فراوان کردنى زانکۆى هەڵەبجە ، داواکارى واژۆکردنى یاداشتنامەى لێکتێگەیشتنى پێشکەشى زانکۆى هامک کرد , زانکۆى ناوبراو بەخۆشحاڵیەوە داواکاریی زانکۆى هەڵەبجەیان پەسەندکرد و ئەو یاداشتنامەیە لەنێوان هەردوو لادا واژۆکرا . کە بە پێی ناوەڕۆکى یاداشتنامەکە هەردوو زانکۆ لە ئایندەدا دەتوانن لێکۆڵینەوەى هاوبەش و ئاڵوگۆڕى ستاف و چالاکیگەلی زانستى هاوبەش ئەنجام بدەن.
