نوێنەری زانكۆی هەڵەبجە بەشداری لە لوتكەی ئاشتی و پێكەوە ژیان لە وڵاتی كۆریا دەكات

ڕۆژی دوشەمە ڕێكەوتی 2018/9/17 بەڕێز(پ.ی.د. نەریمان عبداللەعلی) ڕاگری كۆلێجی زانستەمرۆڤایەتیەكانی زانكۆی هەڵەبجە بەمەبەستی بەشداری كردن لە لوتكەی ئاینیی و پێكەوە ژیان سەردانی كۆریای باشووری كرد .
لە و لوتكەیەدا كە ماوەی چوار ڕۆژی خایاند نوێنەری زانكۆی هەڵەبجە بەشداری چەندین كۆبونەوە و كۆنفڕانس و دانیشتنی تایبەتی كرد سەبارەت بە بابەتی ئاشتی و پیكەوەژیانی ئاینیی.
رۆژی 2018/9/17 بەشداری لە كۆنفڕانسی ئاشتی و پێكەوەژیان لە دەزگاكانی خوێندنی باڵادا كرد، كە تیایدا باس لە ڕۆلی زانكۆكان ناوەندە ئەكادیمیەكان كرا لە بواری گەشەپێدانی ئاشتی و پێكەوەژیان. دواتر بەشداربوو لە كۆنفڕانسێكی تایبەت بە ئاشتی لە ڕوانگەی ئاینە جیاوازەكان ، كە نوێنەری زۆری ئاینەكان سەرانسەری دونیا تیایدا بەشداریان كردبوو.
ڕۆژی دواتر 2018/9/18 بەڕێز نوێنەری زانكۆی هەڵەبجە بەشداری لە كۆنفڕانسی تایبەت بە سەركردە دینیەكان كرد كە تایبەت بو بە تێڕوانینی كتێبی پیرۆزە ئاینەكان سەبارەت بە ئاشتی و پێكەوەژیان .
سەرلەبەیانی ڕۆژی 2018/9/19 كۆبونەوەیەكی تایبەتی لەگەڵ (جی سوبالی)  بەڕێوەبەری كارگێڕی ڕێكخراوی HWPLئەنجامدا كە چەندین كەسایەتی لە وڵاتانی دیكەش بەشداریان تێدا كرد.تیایدا نوێنەری زانكۆی هەڵەبجە بە وردی تیشكی خستە سەر كار و چالاكیە هاوبەشەكانی زانكۆی هەڵەبجە و ڕێكخراوی ناوبراو لە ماوەی ڕابردوودا ، و سەرجەم ئەو پڕۆژانەی كە بڕیارە لە داهاتوودا بە هەماهەنگی هەردولا ئەنجام بدرێت شی كردنەوە . لەبەرامبەردا بەرێوەبەری كارگێڕی ڕێكخراوی HWPLسوپاسی تایبەت زانكۆی هەڵەبجەی كرد بۆ ئەو كارانەی كە لەماوەی ڕابردودا ئەنجامیداون لە بواری ئاشتی و پێكەوەژیاندا و هیوای بەردەوامی و كاری زیاتری خواست. لە كۆتایی كۆبونەوەكەدا خەڵاتی تایبەتی زانكۆی هەڵةبجە بەخشرایە بەڕێوبەری كارگێڕی ریكخراوی ناوبراو.
ڕۆژی 2018/9/20  نوێنەری زانكۆی هەڵەبجە كۆبونەوەیەكی تایبەتی لەگەڵ (یونیجین كیم) بەرپرسی چالاكیەكانی لاوانی ڕێكخراوەكە ئەنجامدا و تیایدا یاداشتنامەی لێكتێگەیشتن لەنێوان هەردولا واژۆ كرا و باس لە پلان و چالاكیەكانی زانكۆی هەڵەبجە كرا لە ساڵی ئایندەدا.
لە كۆتا ڕۆژی بەشداری كردنەكەیدا د.نەریمان عبدالله بەشداری لە كۆنفڕانسی تایبەت لە زانكۆی (بینجۆ) كرد كە بۆ سەرۆكی پێشوتری ڕۆمانیا و وڵاتی سلۆڤینیا و چەند كەسایەتیەكی دیكەی جیهانیی ئەنجامدرابوو  سەبارەت بە ئەزمونی ئەو كەسانە لە پەیڕەو كردنی ئاشتی  و پێكەوە ژیاندا.
جێی ئاماژەیە كە لە ڕۆژانی كۆنفڕانسەكەدا نێردەی زانكۆی هەڵەبجە چەندین كۆبونەوەی گرنگ و پڕبایەخی لەگەڵ كەسایەتی و سەرۆكی زانكۆ و نوێنەری وڵاتان ئەنجامدا.
لە كۆتایی كۆنفڕاسەكەشدا ئاهەنگی كۆتایی لوتكەی ئاشتی و پێكەوەژیان ئەنجامدرا و نوێنەری زانكۆی هەڵەبجە خەڵاتی زانكۆی هەڵەبجە ی بەخشیە (مان لی ) سەرۆكی ڕێكخراوی HWPL.
بانگهێشتكردنی زانكۆی هەڵەبجە لەلایەن ڕێكخراوی HWPL لە بەرامبەر ئەو كار و چالاكیە هاوبەش و زنجیرە كۆنفڕانس و دیدارانە بوو كە بەهەماهەنگی لە نێوان ئەو ڕێكخراوە و زانكۆی هەڵەبجە لەماوەی ڕابردوودا ئەنجامدران سەبارەت بە پرسی ئاشتی و پێكەوە ژیان و دەنگدانەوەی گەورەی ناوخۆیی و جیهانییان بە دوای خۆیاندا هێنا.

 

 

Sharing is caring!