سەرۆكی زانكۆی هەڵەبجە لەگەڵ خوازیارانی وەرگرتنی نازناوی زانستی و كاندیدانی ماستەر و دكتۆرا كۆ دەبێتەوە

بەمەبەستی بەدواداچوون بۆ گرفتی خوازیارانی وەرگرتنی نازناوی زانستی و كاندیدانی ماستەر و دكتۆرا ، لەڕووی بەدەست هێنانی تاقیكردنەوە ستاندارەكانی زمانی ئینگلیزی ، ڕۆژی چوارشەممە بەرواری 2018/9/19 بەڕێز (د.تحسین عبدالكریم زەنگنە) سەرۆكی زانكۆی هەڵەبجە لەگەڵ خوازیارانی نازناوی زانستیی كۆبویەوە. مەبەست لە كۆبونەوەكە بەدواداچون  و پراكتیزەكردنی  ڕێنمایی ژمارە 10627ی وەزارەتی خوێندنی باڵا و توێژژینەوەی زانستی سەبارەت بە بەدەست هێنانی نازناوی زانستی بوو.
دەسپێكی كۆبونەوەكە بەرێز سەرۆكی زانكۆ دوای بەخێرهێنانی ئامادەبوان ئاماژەی بە گرفتەكانی بەردەم  ڕەوشی وانەخوێندن و ستافی زانستیی زانكۆی هەڵەبجە كرد  ، و تیشكی خستە سەر ئەوەی كە لە زانكۆی هەڵەبجە گرفتی نەبونی نازناوی زانستی بوەتە یەكێك لە دیارترین گرفتەكانی بەردەم ڕەوشی خوێندن ، پیداگریی و جەختی لەوە كردەوە كە هەوڵەكانی سەرۆكایەتی زانكۆ بۆ چارەسەركردنی ئەم پرسە بەردەوام دەبن و سەرجەم ڕێكارە یاساییەكان دەگرینە بەر بۆ چارەسەركردنی ئەو گرفتە. بە تێروانین بۆ بڕیاری ژمارە 10627 ی وەزارەتی خوێندنی بالا و توێژینەوەی زانستی بڕیار درا سەرجەم هەوڵەكان چڕ بكرێنەوە تا كۆرسی تایبەت بە پەرەپێدانی زمانی ئینگلیزی لە لایەن سەنتەری زمانی زانكۆی هەڵەبجەوە بكرێتەوە . پەیوەست بەو بابەتە هەریەك لە بەڕێوەبەرانی سەنتەری زمان و دڵنیایی جۆریی زانكۆی هەڵەبجە تیبینی و خواستەكانیان بۆ كردنەوەی ئەو كۆرسە خستنەڕوو و ئامادەبوانیش وێڕای سوپاسیان بۆ ئەو هەوڵە مەزن و هەنگاوە گەورەیە ، داواكاری و تێبینیەكانیان باس لێوەكردن.
لە  نوسراوی ژمارە 10627 ی وەزارەتی خوێندنی باڵا و توێژینەوەی زانستی هاتوە كە ئەو قوتابی و  خوێندكار و كاندیدانەی كە یەكێك لە تاقیكردنەوە ستاندارەكانی زمانی ئینگلیزیان ئەنجامداوە و نمرەی پێویستیان بەدەست نەهێناوە پێویستە بە پێی ئاستەكانیان بەشداری لە كۆرسی ستانداردی تایبەت بە پەرەپێدانی زمانی ئینگلیزی بكەن.

Sharing is caring!