زانکۆی هەڵەبجە یاداشتنامەی لێکتێگەیشتن لەگەڵ زانکۆی جیهان واژو دەکات

ڕۆژی پێنج شەممە ڕێكەوتی ٢٠١٨/٩/٦ وەفدێكی زانكۆی هەڵەبجە كە پێك هاتبوو لە هەریەك لە بەڕێزان ئەنجومەنی زانكۆ و بەڕێوەبەری پەیوەندییە ئەكادیمییە نێودەوڵەتییەكانی زانكۆ و بەڕێوەبەری دڵنیایی جۆری سەردانی زانكۆی جیهانیان كرد لە شاری هەولێر و لەلایەن بەڕێزان د. نەوزاد یەحیا باجگر سەرۆكی بۆردی ئەمیندارانی زانكۆی جیهان و سەرۆك و یاریدەدەرانی سەرۆكی زانكۆی جیهان/هەولێرەوە پێشوازیان لێكرا.

مەبەست لە سەردانەكە واژۆكردنی یاداشتنامەیەكی لێكتێگەیشتن بوو لە نێوان هەردوو لادا بەمەبەستی ئەنجامدانی كار و چالاكی هاوبەش و هەماهەنگی كردن پێكەوە لە بوارە زانستییەكاندا.

لە دیدارێكدا وەفدی هەردوولا چەندین پرۆژە و كاری هاوبەشیان تاوتوێكرد و بڕیاریاندا لە ڕۆژانی داهاتوودا پەیوەندییەكان زیاتر توندوتۆڵ بكەن و بە شێوەیەكی كرداری كار بۆ جێبەجێكردنی بڕگەكانی یاداشتنامەكە بكەن.

هەر لەچوارچێوەی سەردانەكەدا هەردوولا پێكەوە بەشە جیاجیاكانی كەمپی زانكۆیان بەسەركردەوە و وەفدی میوان خۆشحاڵی خۆیان دەربڕی بۆ ئەو پێشكەوتنە بەرچاوەی زانكۆی جیهان و سوپاسی ستافی زانكۆكەیان كرد بۆ ئەو پێشوازییە گەرمەی كە لێیان كردن. پاشان وەفدی زانكۆمان بەڕێزەوە بەڕێكران.

Sharing is caring!