بە بەشداری سەرۆکی زانکۆ یادی ڕۆژی نیشتمانی فەرەنسا لە هەولێر کرایەوە

ڕۆژی پێنجشەممە ٢٠٢٢/٧/١٤، بە ئامادەبوونی لێپرسراوانی باڵای حکومەتی هەرێمی کوردستان و کونسوڵی فەرەنسا لە هەولێر، رێوڕەسمێک بەبۆنەی رۆژی نیشتمانی فەرەنسا لە کونسوڵخانەی ئەو وڵاتە لە هەولێر بەڕێوەچوو.
کونسوڵخانەی فەرەنسا بە فەرمی وەک سەرۆکی زانکۆی هەڵەبجە ،بەڕێز پرۆفیسۆر د.مهاباد کامل عبدللە بانگهێشت کرد بۆ بەشداریکردن لە یادەکەدا.
لە ئاهەنگەکەدا یادی دوو بۆنە کرایەوە، یەکێکیان یادی 233 ساڵەی سەربەخۆیی و شۆڕشی فەرەنسایە، لەگەڵ یادی کردنەوەی 14 ساڵەی کونسوڵخانەی فەرەنسا لە هەولێر.
لە ماوەی 14ساڵی رابردوو، ساڵانە لە 14-7 کونسوڵخانەی فەرەنسا لە هەولێر بە ئامادەبوونی بەرپرسانی باڵای هەرێمی کوردستان ئەو یادە دەکاتەوە.

Sharing is caring!