ژمارەیەک لە نوێنەرانی سەندیکاو ڕێکخراو و خوێندکاران لەوڵاتانی ئەوروپاو ئەمریکا، سەردانی زانکۆی هەڵەبجە دەکەن

سەرلەبەیانی ڕۆژی دووشەممە ٢٠-٦-٢٠٢٢، بەڕێز پرۆفیسۆر د. مهاباد کامل عبدللە سەرۆکی زانکۆی هەڵەبجە ، بەئامادەبونی بەڕێز م.ئاکۆ محمد تۆفیق سەرۆکی بەشی بازرگانی نێودەوڵەتی، پێشوازیکرد لەژمارەیەک لەنوێنەری سەندیکاو ڕێکخراو ڕۆژنامەنووس و خوێندکاری زانکۆکانی ئەوروپاو ئەمریکا کە بەمەبەستی ئەنجامدانی توێژینەوە لەسەر بوارە جیاوازەکان سەردانی کوردستانیان کردووە.
بەڕێز سەرۆکی زانکۆ بەووردی تیشکی خستەسەر پێگەو ڕۆڵی هەڵەبجەو هەڵەبجەییەکان لە قۆناغە جیاوازەکانی خەبات و تێکۆشان، ناوبراو ئاماژەی بەپێگەو ڕۆڵی ژنان کرد لەهەڵەبجەدا کە جیاواز لە پارێزگاکانی تری کوردستان و عێراق خاوەنی پێگەن و ئەوەشی گەڕاندەوە بۆ ئاستی ڕۆشنبیری و پاڵپشتی پیاوان لەناوچەکەداو ڕوونیکردەوە هەڵەبجە لەم بوارەدا بوە بەسیمبوڵی عێراق و ناوچەکە. دواتر ڕوونکردنەوەیدا لەسەر گرنگی بوونی زانکۆ لە هەڵەبجەداو کاریگەری لەسەر کۆمەڵگە لەبواری ئابووریی و کلتوری، هەروەک وتیشی: زانکۆی هەڵەبجە یەکێکە لە دامەزراوە گرنگەکانی ناو هەڵەبجەو هەڵەبجەییەکان شانازی پێوەدەکەن.
پاشان میوان و توێژەران گفتوگۆیانکرد لەسەر بوارەجیاوازەکانی هەڵەبجەو کۆلێژو بەشەکانی ناوزانکۆو بەڵێنیان دا لە گەڕانەوەیان بۆ وڵاتەکانیان بەبایەخەوە کاربکەن لەسەرپێشنیازەکان.
وەفدی میوان لەوڵاتانی (ئەمریکا، ئیتالیا،ئیسپانیا، بەریتانیا)وە هاتوون و ماوەی سێ ڕۆژە لەهەرێمی کوردستانن.
زانکۆی‌_هەڵەبجە
#جامعة حلبجة
#UNVIRSITY_of_halabja

Sharing is caring!