بە هەمئاهەنگی نێوان زانکۆی سلێمانی و زانکۆی هەڵەبجە وۆرکشۆپێکی نێودەوڵەتی بە ناونیشان”Two Days Workshop for Application of SEM”ئەنجام دەدرێت

ئەمڕۆ یەکشەمە ٢٠٢١/١١/٢١ لە زانکۆی سلمانی،بە ئامادەبوونی بەڕێزان پ.د ڕەزا حسن سەرۆکی زانکۆی سلێمانی و پ.د.مهاباد کامل عبدللە سەرۆکی زانکۆی هەڵەبجە و نوێنەرانی زانکۆکانی کوردستان و ناوەڕاست و باشوری عێراق،زانکۆی سلێمانی بە هەمئاهەنگی زانکۆی هەڵەبجە وۆرکشۆپێکی نێودەوڵەتییان بە ناونیشانی( Two Days Workshop for Application of SEM )ئەنجامدا کە لە لایەن هەردووکۆمپانیای پیشەسازی(Thermo)هۆڵەندی و(ALKHORA)عێراقی سپۆنسەری کراوەو ماوەی دوو ڕۆژ دەخایەنێت.
بەڕێز د.دانا عبدللە طاهر یاریدەدەری سەرۆکی زانکۆ بۆ کاروباری زانستی بە سایتی زانکۆی ڕاگەیاند،لەم وۆرکشۆپەدا ئامێرەکانی مایکرۆسکۆپی کەبەکاردێت لە بوارەکانی زانستی و ئەندازیاری و پزیشکی و کشتوکاڵدا،کۆمپانیاکان دێن ئەم ئامێرەنوێیانەی خۆیان کە فێرژنی نوێیەو مۆدێلی تازەیە دەیخەنە ڕوو لە وۆرکشۆپەکەدا،تاوەکو ئامادەبووان ئاشنابن بە چۆنیەتی کارپێکردن و لە ڕووی ئەپلیکەیشن و تایبەتمەندی ئاشنابن بە ئامێرەنوێیەکان.
لە وۆرکشۆپەکەدا نوێنەرانی هەردوو زانکۆی سلێمانی و هەڵەبجە بە جیا پریڤیوێکیان لە سەر پوختەو مێژووی زانکۆیان پێشکەش کرد.
 
           

Sharing is caring!