دید و پەیامی کۆلێج

کۆلێجى زانستە مرۆڤایەتیەکان

پێکدێت لە ٤ بەشى زانستى ئەوانیش

١-بەشى بنەماکانى ئاین

٢- بەشى مێژوو

٣- بەشى جوگرافیا

٤- بەشى راگەیاندن

دیدو پەیام

   کۆلێجمان پێی وایە کە زانستە مرۆڤایەتیەکان ناوه‌ندێكه‌ بۆ خزمەتکردنى کۆمەڵگە لە چەندین بوارى جیاوازدا، خزمه‌تكدنى كۆمه‌ڵگه‌ له‌ بواره‌كانى ياسا، ئاين، مێژوو، جوگرافيا، راگه‌ياندن) ئەمە سەرەراى شارەزابوون لە ئه‌زموون و پێشكه‌وتنى گەلانى تر لەسەر ئاستى جیهان، لەبەرئەوە بە پێویستى دەزانین بایەخ و گرنگى زیاتر به‌و لايه‌نانه‌ بده‌ين كه‌ ده‌كه‌ونه‌  چوارچێوه‌ى كاركرنى ئێمه‌وه‌و هەوڵى زیاترى بۆبدەین تاکو بتوانين لەم ڕێگەیەوە بەئاراستەى بەرەوپێشچوونى بەردەوام هەنگاو هەڵگرین و كۆمه‌ڵگه‌يه‌كى سه‌رده‌ميانه‌ بونياد بێين.

     دیدى  ئێمە وەک کۆلێجى زانستە مرۆڤایەتیەکان ئەوەیە کە ئەم کۆلێجە بێتە فاکتەرێکى گۆرانکارى کۆمەڵگەو ببێتە ناوەندێکى زانستى بۆ لێکۆڵینەوەو  فێرکردن، بەجۆرێک کە رەوتى ژیانى کۆمەڵگە زیاتر گەشەپێبدات و ئاراستەیەکى باشتر  بەرجەستەبکات بۆ ژیانى تاکەکان.

 پەیامى کۆلێجى زانستە مرۆڤایەتیەکان:

پەیامى کۆلێجمان خۆى لەچەندین بواردا دەبینێتەوە:-

   رەخساندن و فێرکردنێک کە لەئاستێکى باڵادا بێت پێشکەش بکات، هەروەها بەرهەم هێنانى لێکۆڵینەوەى زانستى جۆراوجۆر بەشێوەیەک کە لایەنى زانستى بەرزبێت و لەڕووى  جۆرو چۆنیەتیەوە یەکبگرێتەوە لەگەڵ ئەو پێداویستیانەى کە کۆمەڵگە پێویستى پێیەتى و بەرەو ئاسۆیەکى ڕوونتر و بەرووى بوارەکانى ژیاندا بکرێتەوەو ببێتە هۆکارێک بۆ چارەسەرکردنى بەشێکى ئەو گرفت و کێشانەى کە بوونەتە هۆکارێک بۆ دواخستى کۆمەڵگە…