ده‌رباره‌ی به‌ش

   بەشی یاسا بە یەکێک لە بەشە زانستیەکان دادەنرێت، کە لە ڕووى کارگێڕییەوە سەر بە کۆلێژی زانستە مرۆڤایەتيیەکانە لە زانکۆى هەڵەبجە، ئەم بەشە لە ساڵی (٢٠١٣) بە فەرمانى وزارى (4/12359)  لە (17/6/2013) کراوەتەوە،  بۆ ساڵی خوێندنى (2014-2015) یەکەم گروپ (قؤناغى) خوێندکارى وەرگرتووە، لە ئێستادا ئەم بەشە هەر پێنج قۆناغەکەی خوێندنى یاساى هەیە و دوو خولی دەرچوونيشى بۆ ساڵی خوێندنى (2017-2018) و (2019-2020) هه‌بووه‌.

   خوێندن له‌م به‌شه‌ له‌ پێنج (5) ساڵ پێكدێت، له‌و ماوه‌یه‌دا خویندكار ئاشنا ده‌بێت به‌ كۆمه‌ڵێك بابه‌تی یاسایی (له‌ بواری یاسای گشتی و یاسای تایبه‌ت) دا، ئه‌مه‌ جیا له‌وه‌ی خوێندكار جۆش ده‌درێ به‌ ناساندنى بواری یاساییانەی كەيسى جینۆسایدى هەڵەبجە و جینۆساییدەکانى ديكەى کورد و تاوانە نێودەوڵەتەکانى دیکەى دژ بە کورد.

 خوێندن له‌ به‌شی یاسا له‌ ڕێگه‌ی هه‌ر سێ زمانی عه‌ره‌بی و ئینگلیزی و كوردی ده‌بێت‌.