زانكۆی هەڵەبجە ۆرك شۆپی قەیرانی بەهاكان ساز دەكات

پێش نیوەڕۆی ئەمڕۆ بەشی بنەماكانی ئاین / كۆلێجی زانستە مرۆڤایەتیەكان /زانكۆی هەڵەبجە ۆرك شۆپێكی سازدا .
كۆلێجی زانستە مرۆڤایەتیەكانی زانكۆی هەڵەبجە ۆرك شۆپێكی بەناونیشانی ( قەیرانی بەهاكان ) ساز كرد بۆ هەریەك لە بەڕێزان :
پ.د. خالدمحمدصالح/ بەناونیشانی ( قەیرانی پەیامداران)زانكۆی سلێمانی.
بابەتی بەهای پەیامداری بە ووردی شیكردەوە ، مەبەست لەوەیە تاک پەیامدارانە مامەڵە بکات و هەوڵبدات بەرچاو ڕونانە پرسەکانی ژیانی خۆی بەڕێبکات. گرنگی پەیام خۆی لەوەدادەبینێتەوە کە کاتەکانمان بەهرەمەندانە بەخەرجبدەین و پەیامی خۆمان جێبەجێبکەین ، نەک خزمەت بە پەیامی خەڵکی تر بکەین. گرنگترین پەیامەکانی مرۆڤ خۆی لە چوار خاڵدا دەبینێتەوە کە بریتین لە ( پەرستش ، ئاوەدانکردنەوە ، شایەتی دان ، جێنیشین بوون ) .
پ.ی.د. ناصیح كریم عبداللە/ بەناونیشانی( كاریگەری بەهاكان لەناوەندی ئەكادیمی ) زانكۆی هەڵەبجە .
تیایدا باسی  لە بەها زانستیەکان كرد كە ئەمڕۆ لە هەر ڕۆژێک تێپەڕی بێت جێی بایەخ و گرنگین ، لێرەوە ئەرکی دەستەی وانەبێژی و بەشە ئیداریەکان قورستر دەبێت لە چاندنی بەها زانستیەکانی وەك ئازادی ئەکادیمی سەربەخۆی و بێلایەنی ،پابەند بوونی بە بەرپرسیاریەتی .. لێبوردەی فکری . لە سەردەمی تەکنەلۆجیا و جیهانگیری بەهاکان و روو بەرووی ترس و هەرەشە دەبنەوە ،ئەمە ڕاستیەکەو تەنانەت ڕێکخراوە ئاینیەکان و خوێندن و زانست هەستی پێدەکەن . لێرە ئەرکی مامۆستایان و قورستر دەبێت بۆ پەروەردە و پێگەیاندن لە سەر بەهاکان نەک ئەرکی فێر کردن و فێر بوون .
پ.ی.د. هاشم عمرأحمد/ بەناونیشانی ( ڕۆڵی كەتوارلەگەشەپێدانوپوكانەوەیبەهاكاندا ) زانكۆی هەڵەبجە .
تیایدا قسەکردن بوو لەسەر بەهاکان و کەلتور ، وەکاریگەریی کەتوار لەسەر پوکانەوە و زیندوکردنەوەی بەهاکان لەناو کۆمەڵگادا، ئەویش لە ڕێگەی کۆمەڵێک میکانیزمی درووست ، وەهەروەها قسەکردن لەسەر چۆنیەتی خۆپاراستن لەو کاریگەرییە کەتوارانەی کاریگەری هەیە لەسەر پوکانەوەی بەهاکان .

Sharing is caring!

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *