Published at: 05-12-2022

سەرۆکی زانکۆی هەڵەبجە بەهاوڕێیەتی وەفدێک سەردانی کونسوڵگەری هندستان دەکات

Posted by:  UoH

بەمەبەستی کاری پێکەوەیی و ئاڵوگۆڕی ستافی ئەکادیمی و کاری هاوبەش و هەماهەنگی لەگەڵ وڵاتی هندستان و وەرگرتنی سکۆلەرشیپ و کاری توێژینەوە وکۆنفڕانس، سەرۆکی زانکۆی هەڵەبجە بەڕێز (پ.د.مهاباد کامل عبدللە) بەهاوڕێیەتی هەریەک لەیاریدەدەری سەرۆکی زانکۆ بۆ کاروباری کارگێڕی و دارایی بەڕێز (پ.ی.دسیروان حامد)، بەڕێوەبەری پەیوەندیە ئەکادیمیە نێودەوڵەتیەکان (م.ی.ڕاستی ئەیوب)و بەڕێز (د.ئاوارە حسین) سەردانی کونسوڵگەری هندستانیان کرد لە هەولێر، لەلایەن کونسوڵی هندستان و ژمارەیەک لە کارمەندانی کونسوڵگەری پێشوازیان لێکرا، لە میتینگێکدا  کە ئەمڕۆ ٥-١٢-٢٠٢٢ لە کونسوڵگەری هندستان لە هەولێر بەڕێوەچوو هەردوولا گفتوگۆیان کرد لەسەر چەندین بواری ئەکادیمی لەنێوان زانکۆی هەڵەبجەو زانکۆکانی وڵاتی هندستان لەئایندەدا ئەنجامبدرێت، کونسوڵگەری هندستان خۆشحاڵی خۆیان دەربڕی بۆ ئەنجامدانی کاری هاوبەش بەمەبەستی خزمەتکردن و سوودگەیاندن بەهەردوولاو بەڵێنیشیاندا لەنزیکترین کاتدا سەردانی زانکۆی هەڵەبجە بکات.

chevron-down