Published at: 03-12-2022

سەرۆکی زانکۆی هەڵەبجە، بەشداریکرد لەبەخشینی خەڵاتی (قەڵەمی زێڕینی جەمال نەبەز)

Posted by:  UoH

بەئامادەبوونی ژمارەیەکی زۆر لەنوسەرو ڕۆشنبیران و ئەکادیمیست و بەرپرسانی حکومی و ڕێکخراوەکان و لایەنەسیاسیەکان، ئێوارەی ئەمڕۆ ٣-١٢-٢٠٢٢، مەڕاسیمی دابەشکردنی(خەڵاتی قەڵەمی زێڕینی جەمال نەبەز) لەبنکەی ژین ئەنجامدرا.

سەرۆکی زانکۆی هەڵەبجە بەڕێز(پ.د.مهاباد کامل عبدللە)وەک یەکەمین سەرۆک زانکۆی ژن لەهەرێمی کوردستان و ژنێک کەلەبواری ئەکادیمی و معریفی کاردەکات لەلایەن ڕێکخراوی(ڕۆشنبیری جەمال نەبەز)بانگهێشتی مەڕاسیمی دابەشکردنی قەڵەمی زێڕین کرابو ، ناوبراو لەمەڕاسیمەکەدا بەشداربوو لەدابەشکردنی خەڵاتی(قەڵەمی زێڕینی جەمال نەبەز) بەکەسایەتیەکی زانستکارو مرۆڤ دۆست کەبەردەوامە لەخزمەتکردن بەدۆزی گەلی کورد، ئەو کەسایەتیە فەیلەسوف و زمانزانی هۆڵەندی(میشێل لەیزنبێرخ)ە،کەخاوەنی چەندین بەرهەمەو چەندین خەڵاتی بەدەستهێناوە، ناوبراو لە ساڵی ١٩٨٨و دوای کیمیابارانکردنی هەڵەبجە بڕیاردەدات کاربکات بۆ دۆزی کوردو خۆی فێری زمانی کوریش دەکات .

(د.جەمال نەبەز) زمانزان و نوسەرو ڕۆژنامەنوس و وەرگێڕو مێژوونوسی دیاری کورد، لەساڵی ١٩٣٣ لەسلێمانی لەدایکبوەو لەتەمەنی ٨٥ ساڵی و لە ٨-١٢-٢٠١٨ لەبەرلینی پایتەختی ئەڵمانیا کۆچی دوایکردووەو خاوەنی دەیان بەرهەمە لەبوارە جیاوازەکان و هەموو تەمەنی بۆ خزمەتکردنی گەلەکەی(گەلی کورد)تەرخانکردووە.

chevron-down